यर्मिया 33:13 - नेवाः बाइबल

¹³ पहाडी देशया शहरत, पच्‍छिमया फेदीइ च्‍वंगु शहरत, नेगेवया शहरत, बेन्‍यामीनया लागा, यरूशलेमया जःखः च्‍वंगु गां व बस्‍तीत व यहूदाया शहर शहरय् फैजवाःतय्‌सं थथःम्‍हं फैच्‍वलय्‌त ल्‍याः खाइ,’ परमप्रभुं धयादी।

यर्मिया 33:13 ပူးပေါင်းရင်းမြစ်များ

यर्मिया 17:26

अले इपिं यहूदाया शहर शहरं, यरूशलेमया जःखः च्‍वंगु थासं, बेन्‍यामीन देशं, पच्‍छिमय् च्‍वंगु फेदी, पहाडी लागा व दच्‍छिन नेगेबं होमबलित, बलित, अन्‍नबलित व धुपाँय् व सुभाय्‌या बलित हयाः परमप्रभुया देगलय् वइ।

यर्मिया 31:12

इपिं वयाः सियोनया तज्‍जाःगु थासय् म्‍ये हाली। अले परमप्रभुया दयाया कारणं इपिं लय्‌ताइ। अन्‍न, न्‍हूगु दाखमद्य व चिकं, फैच्‍वलय्‌या मस्‍त व सा द्वहंया मस्‍तय्‌गु कारणं इपिं तसकं लय्‌ताइ। इमिगु जीवन लखं प्‍याःगु क्‍यब थें जुइ। इमित हाकनं गुबलें दुःख जुइ मखु।

यर्मिया 32:15

छाय्‌धाःसा दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी – थ्‍व देशय् छेँ, जमिन व दाखक्‍यब हाकनं न्‍याइगु जुइ।’

यर्मिया 32:44

बेन्‍यामीनया लागाय्, यरूशलेमया जःखः च्‍वंगु गामय्, यहूदाया शहर शहरय्, पहाडी देशया शहर शहरय्, पच्‍छिमया फेदी व नेगेवया शहर शहरय् वहः बियाः मनूतय्‌सं बुँ न्‍याइ, इमिसं साक्षी तयाः भ्‍वँतय् सही याइ अले उकी छाप तइ, छाय्‌धाःसा जिं हाकनं इमित इमिगु देशय् लित हये, जि, परमप्रभुं धाये।”

इजकिएल 20:37

छिपिं फै थें जिगु कथिया क्‍वं वनीबलय् जिं छिमित स्‍वये, अले छम्‍ह छम्‍ह यानाः ल्‍याःखनाः बाचाया बन्‍धनय् हये।

लेवी 27:32

पशुत ल्‍याः खाइगु कथिया क्‍वय् जुयावनीपिं बथांयापिं सा द्वहं, फै दुगुचा झिम्‍हय् छम्‍ह परमप्रभुया निंतिं पवित्र जुइ।

ओबदिया 1:20

इस्राएलं ज्‍वनायंकूपिं लिहां वइ अले कनान देशय् सारपत तक अधिकार याइ, यरूशलेमं ज्‍वनायंकूपिं सपारादय् च्‍वनाच्‍वंपिंन्‍सं नेगेवया शहरत अधिकार याइ।

लूका 15:4

“छिकपिं मध्‍ये सुयां छम्‍हय्‌सिया सछिम्‍ह फैचा दु धाय्‌का। उकी छम्‍ह फैचा तन धाःसा वं छु याइ? वं गुइगुम्‍ह फैचायात ख्‍यलय् हे त्‍वःताः तंम्‍ह फैचायात माः मजुइ ला?