यर्मिया 32:7 - नेवाः बाइबल

⁷ छिमि कका शल्‍लूमया काय् हनमेल छन्‍थाय् वयाः धाइ, ‘छ सतीम्‍ह थःथिति जूगुलिं जिगु बुँ न्‍यानाकायेगु हक छंगु खः, जिगु बेन्‍यामीन लागाया अनातोतय् छकू बुँ न्‍यनादिसँ।’

यर्मिया 32:7 ပူးပေါင်းရင်းမြစ်များ

१ राजा 14:5

परमप्रभुं अहियाहयात थथे धयादीगु खः, “यारोबामया कलाः छंके थः बिरामी जूम्‍ह काय्‌या बारे न्‍यनेत वयाच्‍वंगु दु। छं वयात थथे धा। व वइबलय् वं थःत म्‍हमसीक मेम्‍ह थें च्‍वंकी।”

यर्मिया 1:1

बेन्‍यामीन लागाया अनातोत शहरय् च्‍वंम्‍ह छम्‍ह पुजाहारी हिल्‍कियाहया काय् यर्मियायागु वचन थ्‍व खः।

यर्मिया 11:21

उकिं परमप्रभुं जितः छन्‍त स्‍यायेत स्‍वःपिं अनातोतया मनूतय्‌गु बारे धयादी, इमिसं थथे धाल, “छं परमप्रभुया नां कयाः अगमवाणी ल्‍हाये मते, मखुसा छ जिमिगु ल्‍हातं सी।”

यर्मिया 32:6

यर्मियां धाल, “परमप्रभुया थ्‍व वचन जिथाय् वल –

यर्मिया 32:8

“अले परमप्रभुया वचनकथं जिमि ककाया काय् हनमेल पिवाःया चुकय् जिथाय् वयाः जितः धाल, ‘बेन्‍यामीनया लागाया अनातोतय् दुगु जिगु बुँ न्‍यानादिसँ। उकियात कब्‍जा यानाः कायेगु व उकियात त्‍वःतकेगु हक छिगु हे खः। उकिं छिं हे व बुँ न्‍यानादिसँ।’ “अले जिं थ्‍व परमप्रभुया वचन खः धकाः सिल।

लेवी 25:23

“‘छिमिगु जग्‍गा जमिनया छुं नं ब्‍व न्‍ह्याबलेंया निंतिं मी मते छाय्‌धाःसा जग्‍गा जमिन जिगु खः। छिमित ला थ्‍व ज्‍यायेत जक बियातयागु खः।

लेवी 25:24

छिमिगु थःगु सम्‍पत्ति न्‍यायेमिइ यायेबलय् न्‍ह्याबलें लिफ्‍याये फइकथं म्‍यु।

लेवी 25:25

“‘सुं नं इस्राएलीं गरीब जुयाः थःगु पुर्खौली सम्‍पत्ति मिल धाःसा वया दक्‍वसिबय् सत्तीम्‍ह थःथितिं वयाः व सम्‍पत्ति लिफ्‍याना कायेमाः।

लेवी 25:34

इमिसं शहरं पिनेया थःपिनिगु घाँय्‌ख्‍यः धाःसा मी दइ मखु। छाय्‌धाःसा व इमिगु न्‍ह्याबलेंया सम्‍पत्ति खः।

लेवी 25:49

वया थः कका वा तःबा, कका वा तःबाःया काय्‌पिं व सत्तीक थःलाःपिं सुनानं नं वयात लिफ्‍याये फु। अले व मनुखं लिपा थःके धिबा दत धाःसा थःम्‍हं थःत नं लिफ्‍याये फु।

गन्‍ती 35:2

“इस्राएलीतय्‌त इमित ब्‍यूगु सर्बयलय् च्‍वंगु छुं छुं शहर लेवीतय्‌त च्‍वनेत ब्‍यु धकाः उजं ब्‍यु, अले उपिं शहरया जःखः च्‍वंगु घाँय्‌ख्‍यः नं लेवीतय्‌त ब्‍यु धकाः उजं ब्‍यु।