यर्मिया 32:41 - नेवाः बाइबल

⁴¹ इमिगु भिं यायेगुलिइ हे जि लय्‌ताये, धात्‍थें हे जिं दुनुगलंनिसें न्‍ह्याबलेंयात इमित थ्‍व देशय् तये।

यर्मिया 32:41 ပူးပေါင်းရင်းမြစ်များ

भजनसंग्रहया सफू 80:8

छिं जिमित दाखमा थें मिश्रं हयादिल। छिं मेमेगु जातियापिन्‍त पितिनाः जिमित थःगु देशय् पिनादिल।

यशैया 60:21

अनंलि छिमि फुक्‍क प्रजात धर्मी जुइ, इमिसं सदांया निंतिं देशय् अधिकार याइ। जिगु गौरव क्‍यनेत इपिं जिं पिनागु माचा थें खः, अले इपिं जिगु ल्‍हाःया ज्‍या खः।

यशैया 62:4

छन्‍त हाकनं “आजुबा” धकाः धाइ मखु। छंगु देशयात हाकनं “समामा” धकाः धाइ मखु, तर छन्‍त “हेप्‍सीबा” धकाः धाइ, अले छंगु देश “ब्‍युलाह” धकाः धाइ। छाय्‌धाःसा परमप्रभु छनापं तसकं लय्‌तायादीगु दु, अले छंगु देशं ब्‍याहा याःगु जुइ।

यशैया 62:5

छिमि मस्‍तय्‌सं थःपिन्‍त छन्‍त लःल्‍हाइ, हे यरूशलेम, गथे छम्‍ह ल्‍याय्‌म्‍ह मिजंनं थःत भम्‍चायात लःल्‍हाइ, अले छिमि परमेश्‍वर छंगु निंतिं लय्‌तायादी। गथे ब्‍याहा याःम्‍ह मिजं थः भम्‍चाया निंतिं लय्‌ताइ।

यशैया 65:19

जि यरूशलेमयात खनाः लय्‌ताये, अले जिमि प्रजापाखें खुशी जुये। अन ख्‍वःसः व ततःसलं हाला हइगु सः हाकनं गुबलें न्‍यनेमाली मखु।

यर्मिया 18:9

अले गुगुं जाति वा राज्‍यया बारे जिं उकियात दय्‌के वा थापं याये धकाः गुबलें धयागु दुसा,

यर्मिया 24:6

जिं इमित दया याये अले इमित हाकनं थ्‍व देशय् लित हये, जिं इमित नाश याये मखु तर जिं इमित दय्‌के, जिं इमित लिनाकाये मखु तर तयातये।

यर्मिया 31:28

गथे जिं इमित कुतः यानाः लिनाकया, क्‍वथलाबिया, वांछ्वयाबिया, नाश याना व ध्‍वस्‍त याना, अथे हे कुतः यानाः पी, सुसाःकुसाः याये अले ब्‍वलंके।” परमप्रभुं धयादी।

इजकिएल 36:36

अबलय् छिमि प्‍यखेरं च्‍वंगु जातितय्‌सं नाश जूगु शहरतय्‌त जि परमप्रभुं हाकनं दय्‌काब्‍यूगु दु अले उजाड जूगु जमिनयात हाकनं बांलाक सइगु जमिनय् हिलाब्‍यूगु दु धकाः सी। थ्‍व जि परमप्रभुं धयागु खः, थ्‍व जिं या हे याये।’

होशे 14:5

जि इस्राएलया निंतिं सुतिलः थें जुये। व लिली स्‍वां थें ह्वइ, अले लेबनानया देवदार सिमात थें वं हा काइ,

आमोस 9:15

जिं जि प्रजा इस्राएलयात इमित बियागु देशय् पी, इमित सुनानं हाकनं लिनाकाये फइ मखु,” परमप्रभु छिमि परमेश्‍वरं धयादी।

मीका 7:18

छि थें ज्‍याःम्‍ह परमेश्‍वर सु दु? गुम्‍हय्‌सिनं अधर्म क्षमा यानादी, अले ल्‍यंदुपिं थःमनूतय्‌गु पाप क्षमा यानादी? छि सदां तंचायादी मखु, तर दयामाया यायेत छितः यः।

सपन्‍याह 3:17

परमप्रभु छिमि परमेश्‍वर छनापं दु। वय्‌कः वचय् याये फुम्‍ह खः। वय्‌कः छनापं तस्‍सकं लय्‌ता। वय्‌कलं थःगु प्रेमय् छन्‍त शान्‍त याइ। अले छंगु कारणं ततःसलं म्‍ये हालाः वय्‌कः तसक्‍कं लय्‌ताइ।”

व्‍यवस्‍था 28:63

परमप्रभुं लय्‌ताःतां भिं यानादीगु व ल्‍याः अप्‍वयेकादीगु थें हे छिमित लय्‌ताःतां भज्‍यंक नाश यानादी। अले छिमिसं अधिकार यायेत दुहां वनेत्‍यंगु देशं छिमित लिनाः वांछ्वइ।

व्‍यवस्‍था 30:9

अले छिमिसं याःगु फुक्‍क ज्‍याय् परमप्रभुं बांलाकादी। छिमि यक्‍व मचाखाचा व सा द्वहंया मस्‍त दइ अले छिमिगु बुं यक्‍व अन्‍न बी। छिमि पुर्खालिसें वय्‌कः लय्‌तायादीगु थें परमप्रभु छिपिंलिसें हाकनं लय्‌तायादी, अले छिमिगु भिं यानादी।