यर्मिया 32:40 - नेवाः बाइबल

⁴⁰ जिं इपिं लिसे न्‍ह्याबलेंया निंतिं बाचा चिने। इमिगु भिं जुइगु ज्‍या यायेगु जिं गुबलें त्‍वःते मखु। इपिं जिपाखें फस्‍वया मवनेमा धकाः जिं जिगु भय इमिगु मनय् तयाबी।

यर्मिया 32:40 ပူးပေါင်းရင်းမြစ်များ

२ शमूएल 23:4

व सुपाँय् मदुबलय्‌या सुथसियागु निभाजः थें खः। व वा वये धुंकाः जमिनं घाँय् बुइकीगु जः थें खः।”

भजनसंग्रहया सफू 80:19

हे परमप्रभु, दक्‍व शक्ति दुम्‍ह परमेश्‍वर, जिमित हाकनं छिपाखे लित ब्‍वनाहयादिसँ। जिमित थःगु ख्‍वाःया जलं खय्‌कादिसँ। अले जक जिपिं बचय् जुइ।

यशैया 24:5

परमेश्‍वरया नियम अले वय्‌कलं सदांया निंतिं चिनादीगु बाचा त्‍वथुलाः मनूतय्‌सं पृथ्‍वीयात अशुद्ध याःगु दु।

यशैया 55:3

हे मनूत, जिथाय् वयाः जिगु खँ बांलाक न्‍यँ! अले छिमित जीवन दइ। जिं छिपिंनापं सदांया निंतिं छगू बाचा चिने, जिं दाऊदयात सदां दइगु दयामाया बी धकाः बचं बियागु पवित्र आशिष छिमित बी।

यशैया 61:8

“छाय्‌धाःसा जि, परमप्रभु धाःसा न्‍याययात माया याये, खुइगु व अधर्मयात जिं तसकं मय्‌के। जिं थःगु विश्‍वास यायेबहलं जिमि मनूतय्‌त सिरपाः बी। अले जिं इपिंनापं सदांया निंतिं बाचा ची।

यर्मिया 24:7

जि हे परमप्रभु खः धकाः म्‍हसीगु नुगः जिं इमित बी। अले इपिं जि प्रजा जुइ। जि इमि परमेश्‍वर जुये, छाय्‌धाःसा इपिं दुनुगलंनिसें जिथाय् लिहां वइ।

यर्मिया 31:34

‘प्रभुयात म्‍हसीकी’ धकाः इमिसं थः जःलाखःलापिन्‍त व दाजुकिजापिन्‍त नं स्‍यना जुइ माली मखु, छाय्‌धाःसा चिधिकःपिन्‍संनिसें कयाः तःधिकःपिन्‍सं तकं जितः म्‍हसी। इमिसं याःगु मभिंगु बांमलाःगु ज्‍याखँ फुक्‍कं जिं क्षमा यानाबी। अले इमिगु पाप नं जिं लुमंके मखु,” परमप्रभुं धयादी।

यर्मिया 50:5

“इमिसं सियोनपाखे वनीगु लँ गुगु खः धकाः न्‍यनी अले थःगु ख्‍वाः उखेपाखे स्‍वय्‌की। इपिं वयाः थःत हे परमप्रभुयाथाय् गुबलें ल्‍वःममंकीगु सदांया बाचाय् ची।

इजकिएल 36:26

जिं छिमित छगू न्‍हूगु नुगः बी, अले छिमिगु दुने जिं न्‍हूगु आत्‍मा तयाबी। छिमिगु म्‍हं ल्‍वहंया नुगः लिकयाः जिं छिमित लायागु नुगः बी।

इजकिएल 36:27

अले जिगु आज्ञा पालन याकेत व जिगु नियमत बांलाक मानय् याकेत, जिं जिगु आत्‍मा छिमिके तयाबी

इजकिएल 37:26

जिं इपिंलिसें शान्‍ति व सुरक्षाया बाचा ची, व न्‍ह्याबलेंया लागि जुइ। जिं इमित थापं याये, जिं इमिगु ल्‍याः अप्‍वय्‌काबी। इमिगु दथुइ जिं थःगु पवित्रथाय् न्‍ह्याबलेंया लागिं तये।

इजकिएल 39:29

जिं हाकनं गुबलें थःगु ख्‍वाः इपिंपाखें फस्‍वय्‌के मखु, छाय्‌धाःसा जिं थःगु आत्‍मा इस्राएलया घरानायाके प्‍वंके, परमप्रभु परमेश्‍वरं धयादी।”

मीका 4:5

देश देशयापिं फुक्‍क मनूत थथःगु द्यःया ल्‍यूल्‍यू वंसां झीपिं धाःसा न्‍ह्याबलें परमप्रभु झी परमेश्‍वरया ल्‍यूल्‍यू वने। जिपिं धाःसा न्‍ह्याबलें न्‍ह्याबलें परमप्रभु जिम्‍ह परमेश्‍वरयागु नां कयाः जुयाच्‍वने।

व्‍यवस्‍था 31:6

बल्‍ला व साहसी जु। इपिंलिसें ग्‍याये मते वा थरथर खाये मते। छाय्‌धाःसा परमप्रभु छिमि परमेश्‍वर हे छिपिंलिसें झाइ। वय्‌कलं छिमित गुबलें त्‍वःतादी मखु, अले त्‍यागय् यानादी मखु।”

व्‍यवस्‍था 31:8

परमप्रभु थः हे छंगु न्‍ह्यःने झाइ, अले छनापं दइ। वय्‌कलं छन्‍त गुबलें त्‍वःतादी मखु अले त्‍यागय् याइ मखु। ग्‍याये मते, नुगः क्‍वतुंके मते।”

हिब्रू 13:20

परमेश्‍वरं तःधंम्‍ह फैजवाः झी प्रभु येशूयात सीम्‍हं हानं म्‍वाकादीगु दु। अले वय्‌कःयागु हे हिं शान्‍ति बीम्‍ह परमेश्‍वरं झीपिंलिसे सदांया निंतिं बाचा चिनादीगु दु।

हिब्रू 4:1

थथे झासु लंके बियादी धकाः परमेश्‍वरं पाफयादीगु झीगु निंतिं नं खः। उकिं होश या, छिपिं मध्‍ये सुं नं झासु लने मखंकाः च्‍वने म्‍वाःलेमा।

हिब्रू 7:24

येशू धाःसा सदां म्‍वाना च्‍वनीम्‍ह जूगुलिं वय्‌कःया पुजाहारीया ज्‍या न्‍ह्याबलें दयाच्‍वनी।

याकूब 1:17

फुक्‍क भिंगु भिंगु व सिद्धगु वरदान च्‍वं, आकाशय् च्‍वंगु फुक्‍क जः सृष्‍टि यानादीम्‍ह परमेश्‍वरपाखें वःगु खः। परमेश्‍वर गुबलें हिली मखु, वय्‌कः हिलिगु किचः थें नं मखु।

१ पत्रुस 1:5

परमेश्‍वरयात छिमिसं क्‍वात्तुक विश्‍वास यानाच्‍वंगुलिं वय्‌कःयागु शक्तिं छिमित मुक्ति बियादी। दकलय् लिपा थ्‍व मुक्ति छिमिगु न्‍ह्यःने खनेदः वइ।