यर्मिया 32:4 - नेवाः बाइबल

⁴ यहूदाया जुजु सिदकियाह बेबिलोनीतय्‌गु ल्‍हातं बचय् जुइ मखु, धात्‍थें वयात बेबिलोनयाम्‍ह जुजुया ल्‍हातय् बिइगु जुइ। वं वलिसें चुलिंचू च्‍वनाः खँ ल्‍हाइ। इपिं छम्‍हय्‌सिनं मेम्‍हय्‌सित थथःगु मिखां स्‍वइ।

यर्मिया 32:4 ပူးပေါင်းရင်းမြစ်များ

यर्मिया 21:7

जि, परमप्रभुं धाये, अनंलि यहूदाया जुजु सिदकियाह, वया हाकिमत महामारी, तरवार व अनिकालं बचय्‌जूपिं थ्‍व शहरय् दुपिं मनूतय्‌त बेबिलोनया जुजु नबूकदनेसर व इमित स्‍यायेत स्‍वयाच्‍वंपिं शत्रुतय्‌गु ल्‍हातय् जिं लःल्‍हानाबी। वं इमित तरवारं स्‍याइ, वं इमित त्‍वःती मखु अले दया नं याइ मखु, माया नं याइ मखु।’

यर्मिया 25:35

उबलय् फैजवाःतय्‌त शरण कायेगु थाय् दइ मखु। बथांया नायःतय्‌गु निंतिं बिस्‍युं वनेगु थाय् दइ मखु।

यर्मिया 34:21

“यहूदायाम्‍ह जुजु सिदकियाह व वया हाकिमतय्‌त इमित स्‍यायेत स्‍वःपिं शत्रुतय्‌गु ल्‍हातय् व छिमिगु न्‍ह्यःनं लिचिलावंपिं बेबिलोनयाम्‍ह जुजुया सेनाया ल्‍हातय् बी।

यर्मिया 34:3

वयागु ल्‍हातं छ बचय् जुइ फइ मखु। तर धात्‍थें हे छन्‍त ज्‍वनाः वयागु ल्‍हातय् बिइगु जुइ। छं बेबिलोनयाम्‍ह जुजुयात थःगु हे मिखां खनी। छं वलिसे चुलिंचू च्‍वनाः खँ ल्‍हाइ अले छ बेबिलोनय् वनी।

यर्मिया 37:17

तःन्‍हु लिपा सिदकियाह जुजुं वयात सःतके छ्वत, अले थःगु दरबारय् यंकाः जुजुं सुं मदुगु थासय् वयात न्‍यन, “परमप्रभुपाखें छुं खँ दु ला?” यर्मियां धाल, “दु, छितः बेबिलोनयाम्‍ह जुजुया ल्‍हातय् लःल्‍हाइगु जुइ।”

यर्मिया 38:18

तर छि बेबिलोनयाम्‍ह जुजुया हाकिमतय्‌थाय् मवन धाःसा थ्‍व शहरयात बेबिलोनीतय्‌गु ल्‍हातय् बिइगु जुइ, अले इमिसं थुकियात छ्वय्‌काबी, छि इमिगु ल्‍हातं बचय् जुइ फइ मखु।’”

यर्मिया 38:23

“छिकपिनि सकलें कलाःपिं व काय् म्‍ह्याय्‌पिन्‍त बेबिलोनीतय्‌थाय् यंकी। छि थः नं इमिगु ल्‍हातं बचय् जुइ मखु। छितः बेबिलोनयाम्‍ह जुजुं ज्‍वना यंकी। अले थ्‍व शहरयात मि तयाः छ्वय्‌काबी।”