यर्मिया 32:39 - नेवाः बाइबल

³⁹ जिं इमिगु जीवनय् छगू हे मन व छगू हे बिचाः बी। अले इमिसं न्‍ह्याबलें थःगु भिं व थः सन्‍तानतय्‌गु भिंया निंतिं जिगु भय काइ।

यर्मिया 32:39 ပူးပေါင်းရင်းမြစ်များ

उत्‍पत्ति 17:7

जिं छ व छिमि सन्‍तानलिसे चिनागु बाचा सदांया लागि म्‍वाकातये, छाय्‌धाःसा जि छं व इमि परमेश्‍वर खः।

उत्‍पत्ति 18:19

जिं वयात ल्‍ययागुलिं वं थः मस्‍तय्‌त व सन्‍तानयात खःगु व भिंगु ज्‍या यानाः परमप्रभुया लँय् जुइत उजं बिइ। थुकिं हे परमप्रभुं अब्राहामलिसे चिनादीगु बाचा पूवंके फइ।”

उत्‍पत्ति 22:12

दूतं धयाहल, “छं छिमि काय्‌यात ल्‍हाः ल्‍ह्वने मते, अले वयात छुं हे याये मते। जिं सिल, छ धात्‍थें हे परमेश्‍वरं धाःथे याइम्‍ह खः। छाय्‌धाःसा छं थः याकः काय्‌यात तकं वय्‌कःया लागि होमबलि बीत स्‍वल।”

२ इतिहास 30:12

जुजु व वया भारदारतय्‌सं परमप्रभुया वचनकथं ब्‍यूगु आज्ञा मानय् यायेत परमेश्‍वरया ल्‍हातं यहूदाया मनूतय्‌त छगू हे मन बियादिल।

भजनसंग्रहया सफू 112:1

हल्‍लेलूयाह! धन्‍य खः व मनू गुम्‍हय्‌सिनं परमप्रभुया भय काइ, गुम्‍ह परमप्रभुया आज्ञा पालन यायेत लय्‌ताइ।

भजनसंग्रहया सफू 128:6

छं थः छय्-छुइपिन्‍त नं खनेमा। इस्राएलय् शान्‍ति जुइमा!

भजनसंग्रहया सफू 86:11

हे परमप्रभु, जितः छिगु लँपु क्‍यनादिसँ, अले जिं दुनुगलंनिसें छिगु आज्ञा मानय् याये, छिगु नांया भय कायेत जिगु मनयात छधी यानादिसँ।

हितोपदेश 23:17

पापीतलिसे नुगः मुइके मते, तर सदां परमप्रभुया भय कयाच्‍वँ।

यशैया 35:8

अन छपु मू लँ दइ, वयात पवित्रताया लँ धकाः धाइ। सुं अशुद्धपिं अनं जुयाः वनी मखु। तर व लँ इमिगु निंतिं जक जुइ गुम्‍ह अनं जुयाः वंगु दु। दुष्‍टत व मूर्खत अनं वने दइ मखु।

यशैया 52:8

ध्‍यान बियाः न्‍यँ! छिमि पाः च्‍वनाच्‍वंपिं पालेत लसतां थथे छसलं हाला हइ। परमप्रभु सियोनय् झाइबलय्, इमिसं व थःगु हे मिखां खनी।

यशैया 65:23

इमिसं सित्तिंवंक ज्‍या याइ मखु, वा विपत्तिया निंतिं मचात बुइकी मखु। छाय्‌धाःसा इपिं व इमि सन्‍ताननापं जि, परमप्रभुपाखें सुवाः दुपिं प्रजा जुइ।

यर्मिया 24:7

जि हे परमप्रभु खः धकाः म्‍हसीगु नुगः जिं इमित बी। अले इपिं जि प्रजा जुइ। जि इमि परमेश्‍वर जुये, छाय्‌धाःसा इपिं दुनुगलंनिसें जिथाय् लिहां वइ।

यर्मिया 31:33

“उबलय् जिं इस्राएलया घरानानापं चीत्‍यनागु बाचा थुकथं खः, जिं थःगु नियम इमिगु मनय् तयाबी अले इमिगु नुगलय् च्‍वयाबी। जि इमि परमेश्‍वर जुइ अले इपिं जिम्‍ह मनूत जुइ।

यर्मिया 32:40

जिं इपिं लिसे न्‍ह्याबलेंया निंतिं बाचा चिने। इमिगु भिं जुइगु ज्‍या यायेगु जिं गुबलें त्‍वःते मखु। इपिं जिपाखें फस्‍वया मवनेमा धकाः जिं जिगु भय इमिगु मनय् तयाबी।

यर्मिया 6:16

परमप्रभुं थथे धयादी, “प्‍यकालँय् दनाः स्‍व! पुलांगु लँ गन दु धकाः न्‍यँ! भिंगु लँयागु बारे न्‍यँ, व लँय् हुँ! अले छिमिगु मन याउँसे च्‍वनी। तर इमिसं धाल, ‘जिपिं व लँय् वने मखु।’

इजकिएल 36:26

जिं छिमित छगू न्‍हूगु नुगः बी, अले छिमिगु दुने जिं न्‍हूगु आत्‍मा तयाबी। छिमिगु म्‍हं ल्‍वहंया नुगः लिकयाः जिं छिमित लायागु नुगः बी।

इजकिएल 37:22

जिं इमित थःगु हे देशय् इस्राएलया पहाड पहाडय् छगू हे जाति दय्‌के। इपिं सकसिगु लागि छम्‍ह हे जुजु जुइ। इपिं हाकनं गुबलें निगू अलग अलग जाति अथवा निगू अलग अलग राज्‍य जुइ मखु।

इजकिएल 37:24

“‘जिम्‍ह दास दाऊद इमि जुजु जुइ, इमि छम्‍ह हे फैजवाः जुइ। इमिसं जिगु नियम पालन याइ, अले जिगु विधित पालन यानाः वकथं जुइ।

इजकिएल 37:25

जिं जिम्‍ह दास याकूबयात बियागु देशय् इपिं च्‍वनी, अन इमि पुर्खात च्‍वनाच्‍वंगु खः। इपिं व इमि सन्‍तानत न्‍ह्याबलें अन च्‍वनी। जिम्‍ह दास दाऊद न्‍ह्याबलेंया निंतिं इमि शासक जुइ।

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

यूहन्‍ना 17:21

इपिं नं छप्‍पँ जुयाच्‍वनेमा। यःम्‍ह बाः, गथे छि जिके, अले जि छिके दु, अथे हे इपिं नं झीके छप्‍पँ जुयाच्‍वनेमा। थुकथं जूसा जक छिं जितः छ्वयाहःगु खः धकाः संसारं विश्‍वास याइ।

प्रेरित 13:33

थ्‍व हे खँ वय्‌कलं सीम्‍ह येशूयात म्‍वाकाः झी इमि सन्‍तानयागु निंतिं पूवंकादिल। निगूगु भजनय् येशूया खँय् थथे च्‍वयातःगु दु – “‘छ जिमि काय् खः। थनिंनिसें जि छं बाः जुल।’

प्रेरित 2:39

झी प्रभु परमेश्‍वरं थःम्‍हं सःता दिक्‍वसित थ्‍व हे खँ बी धकाः बचं बियादीगु खः। उकिं थ्‍व बचं छिकपिं, छिकपिनि मस्‍त व आः तकं तापाक च्‍वनाच्‍वंपिं फुक्‍कसिगु निंतिं बियादीगु खः।”

प्रेरित 3:26

परमेश्‍वरं सी धुंकूम्‍ह थःकाय्‌यात हानं म्‍वाकाः न्‍हापालाक छिकपिन्‍थाय् छ्वयाहयादिल। छिकपिन्‍त पापया ज्‍यां लिचिकाः आशिष बीत थथे यानादीगु खः।”

प्रेरित 4:32

फुक्‍क विश्‍वासीतय्‌गु मन व नुगः छगू थें जू। अथे जूगुलिं सुनानं थ्‍व जिगु व छंगु धकाः मधासे फुक्‍कं मंकाः याना तल।

प्रेरित 9:31

थथे यहूदिया, गालील व सामरियाय् च्‍वंगु मण्‍डलीइ सुख शान्‍ति जुल। प्रभुयात हनेगु व वय्‌कःयागु खँ न्‍यनिगुलिं यानाः पवित्र आत्‍मायागु ग्‍वाहालि दयाः मण्‍डली च्‍वन्‍ह्याना वल, अले विश्‍वासीत नं यक्‍व दयावल।

रोमी 11:16

छायेहःगु छकुचा जक छ्वचुं पवित्र जूसां न्‍हायातःगु छ्वचुं छग्‍वारां पवित्र जुइ। अथे हे सिमाया हा पवित्र जूसा कचामचा नं पवित्र जुइ।

१ कोरिन्‍थी 7:14

छाय्‌धाःसा विश्‍वासी मखुम्‍ह भाःत विश्‍वासी कलाःम्‍हं यानाः पवित्र जुल। अथे हे विश्‍वासी मखुम्‍ह कलाः विश्‍वासी भाःतं यानाः पवित्र जुल। अथे मखुसा ला इपिंपाखें दुम्‍ह मचा पवित्र जुइ हे मखुत नि। तर इपिं ला पवित्र हे जुइ।

२ कोरिन्‍थी 13:11

यःपिं दाजुकिजापिं, लय्‌ताया च्‍वँ। मभिंगु लँपु त्‍वःताः भिंगु लँपु ज्‍वनाच्‍वँ। जिं धयागु खँ नुगलय् तयाति। छिपिं सकलें मिलय् जुयाच्‍वँ। अले माया यानादीम्‍ह व शान्‍ति बियादीम्‍ह परमेश्‍वर छिपिंनाप च्‍वनादी।

व्‍यवस्‍था 5:29

जिगु भय काइगु व न्‍ह्याबलें जिगु आज्ञा मानय् याइगु इमिगु मन जूगु जूसा इपिं व इमि सन्‍तानतय्‌गु न्‍ह्याबलें भिं जुइ।

व्‍यवस्‍था 6:2

जिवंकाछि परमप्रभु छिमि परमेश्‍वरयागु भय कयाः छिमि काय्‌म्‍ह्याय्‌पिं व छय्‌पिन्‍सं वय्‌कःया फुक्‍क आज्ञा व नियम मानय् यायेमाः। अले छिपिं ताःई तक म्‍वाइ।

व्‍यवस्‍था 6:24

परमप्रभुं हे झीत थुपिं फुक्‍क नियम मानय् यायेगु व परमप्रभु झी परमेश्‍वरयागु भय कायेगु आज्ञा बियादीगु खः। अथे याःसा झीगु भिं जुया हे च्‍वनी, अले थौं तक थें वय्‌कलं झीत म्‍वाःकातइ।

हिब्रू 10:20

पर्दां अथे धइगु वय्‌कःयागु म्‍हं झीत छपु न्‍हूगु व जीवन दुगु लँपु चाय्‌कादीगु दु।