यर्मिया 32:35 - नेवाः बाइबल

³⁵ अज्‍ज इमिसं बेन-हिन्‍नोमया बेसीइ बालद्यःयात पुजा याइगु थाय् दय्‌कल। मोलोखद्यःयात थः काय्‌म्‍ह्याय्‌पिं बलि बिल। इमिसं थज्‍याःगु घच्‍चाइपुगु ज्‍या यानाः यहूदायात पाप याके बीमा धकाः जिं इमित आज्ञा बियागु नं मदु, न जिगु मतिइ थज्‍याःगु खँ गुबलें वल।”

यर्मिया 32:35 ပူးပေါင်းရင်းမြစ်များ

१ राजा 11:33

जिं थथे याये, छाय्‌धाःसा इमिसं जितः त्‍वःताः सीदोनीतय् अश्‍तोरेत द्यःमय्‌जु, मोआबीतय् द्यः कमोश व अम्‍मोनीतय् द्यः मोलोखयात पुजा यात। इपिं जिगु लँपुइ जूगु मदु, जितः यःगु ज्‍या याःगु मदु, सोलोमनया अबु दाऊदं मानय् याःथें जिगु विधि व नियम इमिसं मानय् याःगु मदु।

१ राजा 11:7

यरूशलेमया पुर्बपाखेया पहाडय् वं घच्‍चाइपूम्‍ह मोआबी द्यः कमोश व अम्‍मोनीतय् घच्‍चाइपूम्‍ह द्यः मोलोखयात पुजा याइगु पुजा यायेगुथाय् दय्‌कल।

१ राजा 14:16

यारोबामं याःगु पाप व वं इस्राएलीतय्‌त याकूगु पापं यानाः परमप्रभुं इस्राएलयात त्‍वःतादी।”

१ राजा 15:26

नादाबं थः बौनं थें परमप्रभुं याये मते धकाः धयादीगु मभिंगु ज्‍या यात। वं थः बौ नं थें इस्राएलीतय्‌त पाप याकेत उक्‍सय् यात।

१ राजा 15:30

यारोबाम थःम्‍हं हे याःगु पाप व इस्राएलीतय्‌त याकेब्‍यूगु पापं यानाः परमप्रभु, इस्राएलया परमेश्‍वरयात तंचाय्‌कूगुलिं थथे जूगु खः।

१ राजा 16:19

वं याःगु पापं यानाः थथे जूगु खः, छाय्‌धाःसा वं परमप्रभुयात मयःगु मभिंगु ज्‍या यात। वं यारोबामं थें थःम्‍हं नं पाप यात अले इस्राएलयात नं पाप याकल।

१ राजा 21:22

छं जितः तंचाय्‌कूगुलिं अले इस्राएलयात पाप याकूगुलिं जिं छंगु घरानायात नबातया काय् यारोबामया घरानायात व अहियाहया काय् बाशाया घरानायात याःथें यानाबी।’

२ राजा 21:11

“यहूदायाम्‍ह जुजुं मनश्‍शें याः थें घच्‍चाइपुगु ज्‍या याःगु दु। वं इस्राएलीत स्‍वयाः न्‍ह्यः थ्‍व देशय् च्‍वनाच्‍वंपिं एमोरीतय्‌सं स्‍वयाः अप्‍वः मभिंगु ज्‍या यानाः थःगु मूर्तितपाखें यहूदायात पाप याकूगु दु।

२ राजा 21:4

वं परमप्रभुया देगलय् वेदीत दय्‌कल, उगु देगःया बारे परमप्रभुं धयादीगु खः, “यरूशलेमय् जिं थःगु नां तये।”

२ राजा 23:10

जुजु योशियाहं मोलोखया निंतिं सुनानं थःकाय् वा म्‍ह्याय्‌यात मिइ छाये मफयेमाः धकाः बेन-हिन्‍नोमया खोँचय् दुगु द्यःपुजा याइगु थाय् तोपेतयात अशुद्ध यानाबिल।

२ राजा 23:15

इस्राएलयात पाप याकूम्‍ह नबातया काय् यारोबामं दय्‌कूगु बेथेलय् दुगु पुजा याइगु थाय् व वेदी नं वं स्‍यंकाबिल। वं व पुजा याइगु थाय्‌यात छ्वयेकाबिल। उकियात चुंचुं यानाबिल। अशेरा द्यःमय्‌जुया थांयात नं छ्वयेकाबिल।

२ राजा 3:3

अथेसां थः स्‍वयाः न्‍हापायाम्‍ह जुजु नबातया काय् यारोबामं थें वं इस्राएलयात नं पाप याकल, वं व याना हे च्‍वन।

२ इतिहास 33:6

वं थः काय्‌पिन्‍त बेन-हिन्‍नोमया ब्‍यासिइ मिइ बलि बिल। वं जादु यात अले भिं मभिं स्‍वल। वं तन्‍त्रमन्‍त्र यात अले भुतप्रेत व आत्‍मातनापं स्‍वापु तइपिनिगु व झाक्रिततय्‌गु सल्‍लाह काल। वं परमप्रभुया मिखाय् तसकं मभिंगु ज्‍या यानाः वय्‌कःयात तंचाय्‌कल।

२ इतिहास 33:9

अथेजूसां मनश्‍शें यहूदायापिं मनूतय्‌त ततःधंगु पाप याकल। उपिं पाप परमप्रभुं इस्राएलीतय् न्‍ह्यःनं लिनाछ्वःपिं जातितय्‌गु पाप स्‍वयाः तःधं।

२ इतिहास 36:14

पुजाहारीतय् फुक्‍क नायःत व मनूतय्‌सं नं मेमेगु जातिं याःगु थें घच्‍चायापुगु ज्‍या यानाः झन विश्‍वासघात यात। इमिसं परमप्रभुं थःम्‍हं हे यरूशलेमय् शुद्ध यानादीगु देगःयात अशुद्ध यात।

प्रस्‍थान 32:21

अनंलि मोशां हारूनयात धाल, “थुपिं मनूतय्‌सं छितः छु याःगु दु धकाः छिं थुमित थुलि तःधंगु पाप याके बियागु?”

यशैया 57:5

पुजा याइगु स्‍वसिमातय्‌गु दथुइ व फुक्‍क झ्‍याम्‍म च्‍वंगु सिमाया क्‍वय् येचाःपिं थें च्‍वं। छिमिसं थःकाय् म्‍ह्याय्‌पिन्‍त न्‍हसिकापय् व ल्‍वहंकापिइ बलि छाइ।

यर्मिया 19:2

तज्‍याःगु थलया ध्‍वाखां बेन-हिन्‍नोमया ब्‍यासिइ हुँ अले अन जिं छन्‍त धयागु खँ कँ।

यर्मिया 30:14

छं फुक्‍क पासापिन्‍सं छन्‍त ल्‍वःमंके धुंकल। इमिसं छन्‍त वास्‍ता मयाः। छं तःधंगु अपराध याःगुलिं व यक्‍व पाप याःगुलिं जिं छन्‍त शत्रु थें कय्‌कागु दु। अले दयामाया मदुम्‍हय्‌सिनं थें छन्‍त सजाँय बियागु दु।

यर्मिया 44:4

अय्‌नं जिं जिम्‍ह दास अगमवक्तातय्‌त बारम्‍बार इमिथाय् थथे धाय्‌के छ्वया, ‘जितः तसकं मयःगु थज्‍याःगु घच्‍चाइपुगु ज्‍या याये मते।’

यर्मिया 7:30

“यहूदायापिं मनूतय्‌सं जिगु मिखाय् मभिंगु ज्‍या याःगु दु, परमप्रभुं धयादी। जितः तसकं मयःगु मूर्तित इमिसं जिगु नां दुगु देगलय् तयातःगु दु अले देगःयात अशुद्ध यानाब्‍यूगु दु।

यर्मिया 7:31

इमिसं थः काय्‌म्‍ह्याय्‌पिं मेपिं द्यःतय्‌गु निंतिं मिइ भोग बीत हिन्‍नोमया ब्‍यासिइ दुगु तोपेतय् पुजा यायेगुथाय् दय्‌कूगु दु। जिं अथे यायेगु आज्ञा बियागु मखु, अज्‍याःगु खँ जिं मतिइ नं तयागु मदु।

इजकिएल 23:37

छाय्‌धाःसा इमिसं व्‍यभिचार याःगु दु, इमिगु ल्‍हातय् हि दु। इमिसं थःगु मूर्तितनापं व्‍यभिचार यात, जिगु लागि बुइकूपिं इमि काय् म्‍ह्याय्‌पिन्‍त इमिसं उपिं मूर्तितय्‌गु न्‍ह्यःने मिइ बलि छाल।

लेवी 18:21

“‘थः काय्‌म्‍ह्याय् मोलेक द्यःया निंतिं मिइ छानाः थः परमेश्‍वरया नां अशुद्ध याये मते। जि हे परमप्रभु खः।

प्रेरित 7:43

मखु, छिमिसं मोलोख द्यःयागु खः व रेफन द्यः धाःम्‍ह नगुयागु मूर्ति क्‍वबिया जुल। थ्‍व मूर्तित छिमिसं हे पुजा यायेत दय्‌कूगु खः। अथे जूगुलिं जिं छिमित सजाँय बीत बेबिलोनं नं उखे छ्वये।’”

व्‍यवस्‍था 12:31

छिमिसं परमप्रभु थः परमेश्‍वरया आराधना इमिसं इमि द्यःयात आराधना याःथें याये मते, छाय्‌धाःसा इमि द्यःतय्‌त पुजा याइबलय् इमिसं परमप्रभुयात मयःगु फुक्‍क कथंयागु घच्‍चाइपुसे च्‍वंगु ज्‍या याइ। इमिसं थःकाय् म्‍ह्याय्‌पिन्‍त तक नं थः द्यःतय् लागिं मिइ तयेगु याः।

व्‍यवस्‍था 18:10

थःकाय् वा म्‍ह्याय्‌यात मिइ बलि छाइम्‍ह, साइत स्‍वइम्‍ह, जादु क्‍यनीम्‍ह, छुक विछुक धाइम्‍ह, बोक्‍सी ज्‍या याइम्‍ह,

व्‍यवस्‍था 24:4

वयात त्‍वःतूम्‍ह न्‍हापांम्‍ह भाःतं व अशुद्ध जुइ धुंकाः व नापं हानं ब्‍याहा यायेदइ मखु। छाय्‌धाःसा थ्‍व परमप्रभुयात घच्‍चाइपुगु खँ खः। थुकथं परमप्रभु छिमि परमेश्‍वरं छिमित सर्बय‌कथं बियादीगु देशय् पाप हये मते।