यर्मिया 32:24 - नेवाः बाइबल

²⁴ “स्‍वयादिसँ, शहर कब्‍जा यायेत बेबिलोनीतय्‌सं प्‍यखेरं घेरय् याःगु दु। तरवार, अनिकाल व महामारीया कारणं शहर इमिगु ल्‍हातय् लाइ। छिं धयादीगु फुक्‍क खँ आः पूवन, व छिं खं।

यर्मिया 32:24 ပူးပေါင်းရင်းမြစ်များ

२ शमूएल 20:15

अले योआबया पुचः वयाः शेबायात हाबिल-बेथ-माकाय् घेरय् यात। अले इमिसं शहरयात घेरय् यानातःगु पखालय् थाहां वनेत लँ दय्‌केत ल्‍वहं व चा द्वंचिन। व पिनेया पखाःया न्‍ह्यःने खः। अले पखाः थुनेत इमिसं उकियात हमला यात।

यशैया 37:33

“उकिं अश्‍शूरया जुजुया बारे परमप्रभुं थथे धयादी, “व थ्‍व शहरय् वइ मखु, न थन छपु नं वाण कय्‌की, न ढाल ज्‍वनाः न्‍ह्यःने वये फइ, न थुकिया विरोधय् घेरय् यायेगु चा व ल्‍वहंया द्वम्‍बःचा दय्‌के फइ।

यर्मिया 16:4

“इपिं ग्‍यानापुगु ल्‍वचं सी। इमिगु लागिं सुं नं ख्‍वइ मखु वा सुनानं इमित थुनी मखु। इपिं बँय् फोहर थें लानाच्‍वनी। इपिं तरवार व अनिकालं नाश जुइ, इमिगु सीम्‍ह आकाशयापिं झंगःपन्छित व पृथ्‍वीयापिं पशुतय्‌गु नयेगु नसा जुइ।”

यर्मिया 20:5

जिं थ्‍व शहरया फुक्‍क धन-सम्‍पत्ति, थन सःगु फुक्‍क, फुक्‍क मू वंगु सामान व यहूदाया जुजुपिनिगु फुक्‍क धन-सम्‍पत्ति इमि शत्रुतय्‌गु ल्‍हातय् बी। इमिसं व फुक्‍क बेबिलोनय् यंकी।

यर्मिया 24:10

जिं इमित व इमि पुर्खातय्‌त बियागु थ्‍व देशय् इपिं भज्‍यंक नाश मजूतले जिं इमिथाय् तरवार, अनिकाल व महामारी छ्वये।”

यर्मिया 29:17

खः, दक्‍व शक्ति दुम्‍ह परमप्रभुं थथे धयादी, “जिं थःम्‍हं हे इमिथाय् तरवार, अनिकाल व महामारी छ्वये, अले जिं इमित नये तकं मज्‍यूगु ध्‍वग्‍गीगु यःमरि थें यानाबी।

यर्मिया 29:18

इमित जिं तरवार, अनिकाल व महामारीं लिनाछ्वये। व खनाः संसारया फुक्‍क मनूत तसकं ग्‍याइ। जिं इमित लिनाछ्वयागु फुक्‍क जातितय्‌गु दथुइ जिं इमित सराः, भय, गिल्‍ला व निन्‍दाया पात्र दय्‌के।

यर्मिया 32:25

अय्‌नं हे परमप्रभु परमेश्‍वर, थ्‍व शहर शत्रुतय्‌गु ल्‍हातय् लायेत्‍यंबलय् हे छिं जितः साक्षीत सःताः वहः बियाः व बुँ न्‍या धकाः धयादिल।”

यर्मिया 32:28

उकिं जि, परमप्रभुं थथे धाये – जिं थःम्‍हं हे थ्‍व शहरयात बेबिलोनीतय्‌गु व बेबिलोनयाम्‍ह जुजु नबूकदनेसरया ल्‍हातय् बीत्‍यनागु दु। वं थ्‍वयात त्‍याकाकाइ।

यर्मिया 32:3

यहूदाया जुजु सिदकियाहं वयात थथे धयाः कुनातःगु खः, “छं छाय् थथे धयाः अगमवाणी ल्‍हानागु, ‘परमप्रभुं थथे धयादी – जिं थःम्‍हं हे थ्‍व शहर बेबिलोनया जुजुया ल्‍हातय् बीत्‍यनागु दु, वं थ्‍व का हे काइ।

यर्मिया 32:36

“तरवार, अनिकाल व महामारीया कारणं थ्‍व शहरयात बेबिलोनया जुजुया ल्‍हातय् बी धकाः छिमिसं थ्‍व शहरया बारे धयाजूगु दु। तर परमप्रभु इस्राएलया परमेश्‍वरं थथे धयादी –

यर्मिया 32:5

वं सिदकियाहयात बेबिलोनय् यंकी, जिं वयागु न्‍याय मयाःतले व अन हे च्‍वनी।’ परमप्रभुं धयादी, ‘छिपिं बेबिलोनीतनापं ल्‍वाःसां छिपिं ताःलाइ मखु।’”

यर्मिया 33:4

छाय्‌धाःसा छिमिसं द्वम्‍बःचात व तरवारया विरोधय् पःखाःयात बल्‍लाकेगु लागिं धलिं व ल्‍वहं कायेत थुंगु थ्‍व शहरया छेँत व यहूदाया जुजुपिनिगु दरबारयागु बारे परमप्रभु इस्राएलया परमेश्‍वरं धयादी,

यर्मिया 34:17

“उकिं परमप्रभुं थथे धयादी – छिमिसं जिगु आज्ञा पालन याःगु मदु। अले थः मनूतय्‌त स्‍वतन्‍त्र यायेगु घोषणा याःगु मदु। उकिं आः जिं थःम्‍हं हे छिमिगु निंतिं स्‍वतन्‍त्र यायेगु घोषणा याये, छिमित तरवार, महामारी व अनिकालं सीगु घोषणा याये। जिं छिमित पृथ्‍वीया राज्‍य राज्‍यया निंतिं घच्‍चाइपुपिं यानाबी।

यर्मिया 52:4

उकिं सिदकियाहं राज्‍य यानाच्‍वंगु गुंगूगु दँया झिगूगु लाया झिन्‍हु दुखुन्‍हु बेबिलोनयाम्‍ह जुजु नबूकदनेसर यरूशलेमय् हमला यायेत थः फुक्‍क सेना ज्‍वनावल। इमिसं शहरया पिने छाउनी तल अले शहरयात घेरय् यात।

यर्मिया 52:6

प्‍यंगूगु लाया गुन्‍हु दुखुन्‍हु थुलि तःधंगु अनिकाल जुल कि मनूतय्‌के नयेत तकं छुं मन्‍त।

यर्मिया 6:6

दक्‍व शक्ति दुम्‍ह परमप्रभुं थथे धयादी, “यरूशलेमया सिमा पालाः पःखाः लिक्‍क घेरय् याइगु द्वम्‍बचात दय्‌कि! जिं थ्‍व शहरयात सजाँय बी छाय्‌धाःसा थन अत्‍याचार हे अत्‍याचार दु।

इजकिएल 14:21

“परमप्रभु परमेश्‍वरं थथे धयादी – जिं यरूशलेमय् अन च्‍वंपिं मनूत व पशुत स्‍यायेत जिगु प्‍यंगू सजाँय– तरवार, अनिकाल, गुँपशुत व महामारी छ्वयेबलय् झन गुलि बांमलाइगु जुइ!

इजकिएल 21:22

पःखाः तछ्याइगु ततग्‍वःगु धलिंत तयेत, तसलं स्‍याये पालेत आज्ञा बीत, लडाइँया सः न्‍यंकेत, ध्‍वाखा तछ्यायेत तग्‍वःगु धलिं तयेत, द्वम्‍बःचा थकायेत व घेरय् याइगु चाया पःखाः दय्‌केत वयागु जव ल्‍हातय् यरूशलेमया चिट्ठा लाइ।

इजकिएल 21:27

नाश! नाश! जिं थ्‍व शहरयात सत्‍यानाश यानाबी। थ्‍व शहरयात न्‍याय यायेगु अधिकार दुम्‍ह मवतले हाकनं थ्‍व शहरयात दय्‌की मखु। व वये धुंकाः जिं वयात थ्‍व लःल्‍हानाबी।’”

इजकिएल 26:8

वं देशया मू भागया बस्‍ती बस्‍तीइ च्‍वंपिं मनूतय्‌त तरवारं स्‍याइ। वं छंगु विरोधय् चा व ल्‍वहं द्वंचिकाः द्वम्‍बःचा दय्‌काः छन्‍त हमला याइ अले ढालत ल्‍ह्वनी।

इजकिएल 4:2

अनंलि उकियात घेरय् या! उकिया प्‍यखेरं चा व ल्‍वहं द्वँचिंकाः द्वम्‍बःचा दय्‌कि! उकियागु न्‍ह्यःने छाउनी दय्‌कि! पःखाः तछ्याइगु ततग्‍वःगु धलिंत ति!

हबकूक 1:10

इमिसं जुजुतय्‌त गिजय् याइ अले शासकतय्‌त हेस्‍याइ। किल्‍ला दुगु दक्‍व शहरत खनाः इपिं न्‍हिली, चायागु द्वम्‍बःचात दय्‌काः इमिसं व त्‍याकाकाइ।

जकरिया 1:6

अय्‌नं जिं थः दास अगमवक्तातय्‌पाखें छिमि पुर्खातय्‌त बियागु वचन व ख्‍याच्‍वः इमिके पूरा जुल। “अले इमिसं पस्‍ताय् चायाः धाल, ‘दक्‍व शक्ति दुम्‍ह परमप्रभुं झीगु पहःचहः व ज्‍याकथं झीलिसें छु यायेगु क्‍वःछिनादीगु खः व वय्‌कलं झीपिंलिसे यानादिल।’”

मत्ती 24:35

आकाश व पृथ्‍वी मदयावनी, अय्‌नं जिगु वचन मदयावनी मखु।

व्‍यवस्‍था 4:26

थौं जिं स्‍वर्ग व पृथ्‍वीयात छिमिगु विरोधय् साक्षी तये। छिपिं देशयात अधिकार यायेत यर्दनया उखे वनेत्‍यंगु दु। अय्‌नं छिमिसं जिगु आज्ञा त्‍वाथुल धाःसा यक्‍व दँ तक अन च्‍वने दइ मखु। तर छिपिं भज्‍यंक नाश जुयावनी।