यर्मिया 32:20 - नेवाः बाइबल

²⁰ छिं मिश्र देशय् अजू चायापुगु चिं व अजू चायापुगु ज्‍या क्‍यनादिल अले थौं तक इस्राएलीत व फुक्‍क मनूतय्‌त अथे क्‍यनाच्‍वनादीगु दु। आः छितः फुक्‍क थासय् म्‍हस्‍यू।

यर्मिया 32:20 ပူးပေါင်းရင်းမြစ်များ

२ शमूएल 7:23

अले छिगु जाति इस्राएल थें ज्‍याःगु जाति मेगु छु जाति दु धकाः? थः हे मू पुलाः त्‍वःतकेत झाःगु पृथ्‍वीइ मेगु छुं जाति दु ला? छिं मिश्रं थः मनूतय्‌त मू पुलाः त्‍वःतकाः थःगु नां तःधंकादिल, छिं अजू चायापुगु ज्‍या क्‍यनादिल अले छि थःमनूतय्‌गु लँय् दंपिं जाति जातियात व इमि द्यःतय्‌त ख्‍याना छ्वयादिल।

१ इतिहास 17:21

अले छिगु जाति इस्राएल थें ज्‍याःगु जाति मेगु छु जाति दु धकाः? उद्धार यायेत परमेश्‍वर थः हे झाःगु पृथ्‍वीइ मेगु छुं जाति दु ला? छिं मिश्रं थः मनूतय्‌त त्‍वःतकाः थःगु नां तःधंकादिल, छिं अजू चायापुगु ज्‍या क्‍यनादिल अले इमिगु लँय् दंपिं जाति जातियात ख्‍यानाः छ्वयादिल।

नहेम्‍याह 9:10

मिश्रीतय्‌सं तःधंछु जुयाः जिमि पुर्खातय्‌त क्‍वत्‍यला तःगुलिं छिं फारो, वया भारदार व वया देशयापिं सकल मनूतय्‌त सजाँय बीत अजू चाइपुगु चिं व ज्‍या यानाः थःगु निंतिं थौं तक दनिगु छगू तःधंगु नां तयादिल।

नहेम्‍याह 9:11

इपिं गंगु बँ जुयाः वने फयेमा धकाः छिं इमिगु न्‍ह्यःने समुद्रयात ब्‍वथलादिल। छि मनूत गंगु बँ जुयाः वन, अय्‌नं लखय् ल्‍वहं वांछ्वःगु थें इमित ल्‍यू वःपिन्‍त छिं वांछ्वयादिल।

भजनसंग्रहया सफू 135:9

हे मिश्र, छन्‍थाय् वय्‌कलं फारो व वया फुक्‍क भारदारतय् दथुइ चिं व अजू चायापुगु ज्‍या क्‍यनादिल।

प्रस्‍थान 10:2

अले जिं गथे यानाः मिश्रीतय्‌त हेस्‍यानाः इमिगु दथुइ गज्‍याः गज्‍याःगु अजू चायापुगु चिं क्‍यना, छं थः काय्‌पिन्‍त व छय्‌पिन्‍त कँ। अले छिमिसं जि हे परमप्रभु खः धकाः सी।”

प्रस्‍थान 3:20

अथे जुयाः जिं मिश्र देशपाखे थःगु ल्‍हाः ल्‍ह्वनाः इमित जिगु अजू चायापुगु ज्‍यां कय्‌के। अले तिनि वं छिमित वनेबी।

प्रस्‍थान 7:3

मिश्र देशय् थःगु यक्‍व चिं व अजू चायापुगु ज्‍या यानाः क्‍यनेत जिं फारोया नुगः छाय्‌काबी।

प्रस्‍थान 9:16

अय्‌नं जिगु शक्ति क्‍यनेत व पृथ्‍वीइ न्‍यंक जिगु नां कायेमा धकाः हे जिं छन्‍त म्‍वाकातयागु खः।

यशैया 63:12

वय्‌कः गन दी? गुम्‍हय्‌सिनं थःगु बल्‍लाःगु ल्‍हाः मोशाया जव ल्‍हाःपाखे न्‍ह्यज्‍याकादिल, गुम्‍हय्‌सिनं सदां सदांया निंतिं थःगु नां जाय्‌केत इमिगु हे न्‍ह्यःने लःयात निगू भाग यानादिल।

यशैया 63:14

गथे पशुत ब्‍यासिइ ज्‍वये यंकी, अथे हे परमप्रभुया आत्‍मां इमित आराम बी। अथे हे छिं थःगु नांया महिमाया निंतिं थः प्रजायात न्‍ह्यलुवाः जुयाः यंकादिल।

यर्मिया 13:11

छाय्‌धाःसा गथे छपु जनी मनूया जँय् क्‍वातुक्‍क ची, अथे हे जिं इस्राएलया फुक्‍क घराना व यहूदाया फुक्‍क घरानायात जिगु नां, प्रशंसा व हनाबनाया निंतिं जिगु प्रजा जुइत चिनागु दु। तर इमिसं खँ मन्‍यं,’ परमप्रभुं धयादी।

दानिएल 6:28

थुकथं दारा जुजुया पालय् व फारसी कोरेस जुजुया पालय् दानिएलयात बांलात।

दानिएल 9:15

“हे परमप्रभु जिमि परमेश्‍वर, छिं थः मनूतय्‌त बल्‍लाःगु ल्‍हातं मिश्र देशं पित हयाः थौं तक नं थःगु निंतिं नां तयादिल। जिमिसं पाप यानागु दु, जिमिसं मभिंगु ज्‍या यानागु दु।

प्रेरित 7:36

अले वं हे मिश्र देशय् अजू चायापुगु ज्‍या व चिं यानाक्‍यनाः इस्राएलीतय्‌त अनं पित ब्‍वना हल। अथे हे वं लाल समुद्र व मरुभूमिइ पिइदँ तक अजू चायापुगु ज्‍या व चिं यानाक्‍यन।

व्‍यवस्‍था 11:3

मिश्रया जुजु फारो व वया देश न्‍यंकभनं वय्‌कलं क्‍यनादीगु चिं व अजू चाइपुगु ज्‍या,

व्‍यवस्‍था 4:34

छिमि परमप्रभु परमेश्‍वरं छिमित मिश्रय् यानादी थें छु सुं द्यवं मेगु जातिया दथुं पित हयाः थः मनूत दय्‌कूगु दु ला? छिमिसं खंक हे वय्‌कलं थःगु बल्‍लागु ल्‍हाः व चकंगु लँपु छ्यलादिल। वय्‌कलं महामारी व लडाइँ हयादिल, अले अजू चाइपुगु व ग्‍यानापुस्‍से च्‍वंगु ज्‍या यानादिल ला?

व्‍यवस्‍था 6:22

परमप्रभुं झीगु मिखाया न्‍ह्यःने हे मिश्रीत, फारो व वया सकलें छेँजःतय्‌त तसकं ग्‍यानापुसे च्‍वंगु चिं व अजू चायापुगु ज्‍या क्‍यनादिल।

व्‍यवस्‍था 7:19

छिमिसं अन हे थःगु मिखां ग्‍यानापुसे च्‍वंगु महामारी खनाः अले परमप्रभु छिमि परमेश्‍वरं अजू चाइपुगु चिं व ज्‍या यानाः थःगु बल्‍लाःगु ल्‍हाः व चकंगु लप्‍पूं छिमित पित हयादीगु दु। छिमित ख्‍याइपिं छिमि शत्रुतय्‌त नं परमप्रभु छिमि परमेश्‍वरं अथे हे यानादी।