यर्मिया 32:19 - नेवाः बाइबल

¹⁹ छिगु बिचाः तःधं अले छिगु ज्‍याखँय् शक्ति दु, मनूतय्‌गु फुक्‍क पहःचहः छिं खं। छम्‍ह छम्‍ह मनूयात वयागु पहःचहः व ज्‍याकथं फल बियादी।

यर्मिया 32:19 ပူးပေါင်းရင်းမြစ်များ

१ राजा 8:32

छिं स्‍वर्गं न्‍यनाः वकथं हे यानादिसँ। थः दासतय्‌गु दथुइ न्‍याय यानादिसँ। दोषीयात पाय्‌छिगु सजाँय बियादिसँ, दोषी मखुम्‍हय्‌सित त्‍वःतकादिसँ।

२ इतिहास 16:9

छाय्‌धाःसा गुम्‍हय्‌सिगु नुगः परमप्रभुया निंतिं विश्‍वास यायेबहः जू, इमिगु निंतिं थःत बल्‍लाःम्‍ह क्‍यनेत वय्‌कलं थःगु मिखा पृथ्‍वीया फुक्‍क थासय् थुखे उखे ब्‍वय्‌का च्‍वनादी। थुकी छिं मूर्ख ज्‍या यानादिल। उकिं आवंलि छिगु निंतिं लडाइँ हे लडाइँ जुइ।”

अय्‍यूब 34:11

छाय्‌धाःसा वय्‌कलं ला मनूयात वयागु ज्‍या स्‍वयाः फल बियादी, वयागु पहःचहःकथं फल बियादी।

अय्‍यूब 34:21

“वय्‌कलं मनूतय्‌गु पहःचहः स्‍वयाच्‍वनादी, अले इमिगु फुक्‍क पलाखय् वय्‌कलं थःगु मिखा ब्‍वयाच्‍वनादी।

भजनसंग्रहया सफू 111:2

परमप्रभुं ततःधंगु ज्‍या यानादीगु दु, थ्‍व ज्‍या खनाः लय्‌ताःपिं सकसिनं थ्‍व थथःगु मतिइ तयातइ।

भजनसंग्रहया सफू 34:15

भिंगु ज्‍या याइपिन्‍त परमप्रभुं स्‍वयाच्‍वंगु दु, अले इमिगु प्रार्थना न्‍यनेत वय्‌कलं न्‍हाय्‌पं बियाच्‍वंगु दु।

भजनसंग्रहया सफू 62:12

सदां दयाच्‍वनीगु माया नं जिगु हे खः।” हे परमप्रभु छिं मनूतय्‌गु ज्‍या स्‍वयाः सिरपाः बियादी।

भजनसंग्रहया सफू 92:6

थ्‍व खँ बुद्धि मदुम्‍ह मनुखं सीके फइ मखु, मूर्खं थुइके नं फइ मखु,

प्रस्‍थान 15:11

हे परमप्रभु, छि थें जाःम्‍ह सु द्यः दु धकाः? छि थें पवित्रम्‍ह सु दु धकाः? छि थें तःधंगु महिमां जाःम्‍ह व भय कायेबहःम्‍ह सु दु धकाः? छिं थें सुनां अजू चायापुगु ज्‍या क्‍यनेफु?

हितोपदेश 5:21

परमप्रभुं छं याःगु फुक्‍कं स्‍वयाच्‍वंगु दु। छ गन गन वन दक्‍वं स्‍वयाच्‍वंगु दु।

हितोपदेश 8:14

सल्‍लाह व क्‍वःछीगु ज्‍या जिगुपाखें हे जुइ। दुग्‍यां व शक्ति जिगु हे खः।

उपदेशक 12:14

झीसं यानागु ज्‍या, भिं जुइमा वा मभिं जुइमा, सुला याःगु ज्‍यानापं फुक्‍क खँया न्‍याय परमेश्‍वरं यानादी।

यशैया 28:29

थुपिं फुक्‍कं दक्‍व शक्ति दुम्‍ह परमप्रभुयापाखें हे वइ, गुम्‍ह तसकं बांलाःगु सल्‍लाह बीम्‍ह व बुद्धिं जाःम्‍ह खः।

यशैया 40:13

वय्‌कःयागु मन सीके फुम्‍ह सु दु? वय्‌कःयात सल्‍लाह बी फुम्‍ह सु दु?

यशैया 59:18

इमिसं याःथें वय्‌कलं इमित बदला बियादी। वय्‌कःयात विरोध याःपिन्‍त तमं सजाँय बियादी अले शत्रुतय्‌त बदला कयादी। टापुया देशयापिन्‍सं इमित याःथें वय्‌कलं बदला कयादी।

यशैया 9:6

छाय्‌धाःसा झीगु निंतिं छम्‍ह मचा बूगु दु। झीगु निंतिं छम्‍ह काय् ब्‍यूगु दु। वं हे झीत राज्‍य याइ। वय्‌कःया नां “तसकं अजू चाइपुसे च्‍वंम्‍ह सल्‍लाहकार,” “शक्ति दुम्‍ह परमेश्‍वर,” “सदांयाम्‍ह अबु,” “शान्‍तिया राजकुमार” जुइ।

यर्मिया 16:17

इमिगु फुक्‍क ज्‍या जिं खं। छुं नं ज्‍या जिपाखें सुलाच्‍वंगु मदु। इमिसं याःगु पाप जिं खं।

यर्मिया 17:10

“जि परमप्रभुं मनूतय्‌गु मनयात दुवालाः स्‍वये, इमिगु नुगःयात जाँचय् याये। छम्‍ह छम्‍हय्‌सित जिं वयागु पहःचहः व ज्‍या स्‍वयाः फल बी।”

यर्मिया 21:14

जि, परमप्रभुं धाये, जिं छिमिगु ज्‍या स्‍वयाः छिमित सजाँय बी, जिं छिमिगु गुँइ मि तयाबी, उकिं छिमिगु प्‍यखें दुगु फुक्‍क भस्‍म याइ।’”

यर्मिया 23:24

“छु सुं मनू जिं खंके मफय्‌क गुप्‍ति थासय् सुले फइ ला? छु स्‍वर्ग व पृथ्‍वीइ न्‍ह्याथाय् नं जि मदु ला?” परमप्रभुं धयादी।

यर्मिया 25:14

छाय्‌धाःसा यक्‍व जातिं व ततःधंपिं जुजुपिन्‍सं इमित दास दय्‌की। जिं इमिगु ज्‍या व ल्‍हाःया ज्‍याकथं इमित फल बी।”

दानिएल 2:45

पर्वतं मनूतय्‌गु ल्‍हातं मथीकं तज्‍यानावःगु ल्‍वहं अले उकिं नँ, कँय्, चा, वहः व लुँयात चुंचुं याःगु छःपिन्‍सं खनादिल। वपाखें तःधंम्‍ह परमेश्‍वरं महाराजयात लिपा छु छु जुइतिनि धकाः क्‍यनादीगु दु। “म्‍हगस धात्‍थेंयागु खः अले अर्थ विश्‍वास यायेबहः जू।”

दानिएल 4:35

“पृथ्‍वीयापिं सकलें मनूत परमेश्‍वरया न्‍ह्यःने छुं नं मखु, स्‍वर्गया दूतत व पृथ्‍वीयापिं मनूतय्‌त वय्‌कलं थः यःथें यानादी। सुनानं वय्‌कःया ल्‍हाः पने फइ मखु अले वय्‌कःयात छिं छु यानादियागु? धकाः न्‍यने फइ मखु।”

जकरिया 9:1

छगू अगमवाणी, हद्राक देशया विरोधय् परमप्रभुयागु वचन अले थ्‍व दमस्‍कसय् नं लाइ, छाय्‌धाःसा फुक्‍क मनूतय् व इस्राएलया कुलया मिखा परमप्रभुपाखे दु–

मत्ती 16:27

आः याकनं हे परमेश्‍वरं मनूया काय्‌यात झःझः धाय्‌क स्‍वर्गदूतत नाप छ्वयाहयादी। अले वय्‌कलं छम्‍ह छम्‍ह मनूयात इमिगु ज्‍या स्‍वयाः सिरपाः बियादी।

यूहन्‍ना 5:29

अले थुपिं म्‍वाना वइ। भिं याःपिन्‍त अनन्‍त जीवन बियादी। अले मभिं याःपिन्‍त न्‍याय यानादी।”

२ कोरिन्‍थी 5:10

न्‍याय यानादी खुन्‍हु झीपिं सकलें ख्रीष्‍टया न्‍ह्यःने दंवने मानि। अबलय् थन संसारय् च्‍वनाः भिंगु यानावंपिन्‍त भिंक हे, अले मभिंगु यानावंपिन्‍त मभिंक हे न्‍याय यानादी।

एफिसी 1:11

परमेश्‍वरं थ्‍व फुक्‍क न्‍हापा हे क्‍वःछिना तःकथं यानादीगु खः। वय्‌कलं झीत न्‍हापांनिसें हे ख्रीष्‍टनाप मिलय् यानाः थः मनू यायेत ल्‍ययादीगु खः।

हिब्रू 4:13

परमेश्‍वरं मखंगु छुं हे मदु। सृष्‍टियागु फुक्‍क खँ वय्‌कलं खं। थ्‍व हे परमेश्‍वरयात झीसं थथःगु ल्‍याःचाः बीमाः।

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।

प्रकाश 22:12

“स्‍व, जि याकनं हे वयेत्‍यनागु दु। मनूतय्‌गु ज्‍या स्‍वयाः जिं इमित बीमाःगु इनाम बी।