यर्मिया 32:17 - नेवाः बाइबल

¹⁷ “हे परमप्रभु परमेश्‍वर, छिं थःगु शक्ति व ताहाकःगु ल्‍हातं आकाश व पृथ्‍वी दय्‌कादिल। छिगु निंतिं छुं नं थाकु मजू।

यर्मिया 32:17 ပူးပေါင်းရင်းမြစ်များ

उत्‍पत्ति 18:14

परमप्रभुया लागि थाकुगु धयागु छु दु? जि दच्‍छि लिपा जिं धयागु इलय् छन्‍थाय् लिहां वये। उबलय् साराया काय् दये धुंकी।”

२ राजा 19:15

हिजकियां परमप्रभुयात थथे प्रार्थना यात, “हे परमप्रभु, इस्राएलया परमेश्‍वर, करूबतय् दथुइ सिंहासनय् च्‍वनादीम्‍ह, छि हे जक संसारया फुक्‍क राज्‍ययाम्‍ह परमेश्‍वर खः। छिं स्‍वर्ग व पृथ्‍वी दय्‌कादिल।

२ राजा 3:18

थ्‍व परमप्रभुया निंतिं चिधंगु खँ खः, वय्‌कलं मोआबयात नं छिकपिनिगु ल्‍हातय् बियादी।

नहेम्‍याह 9:6

छि जक परमप्रभु खः। छिं हे आकाश, दकलय् तःजाःगु आकाश व उकियागु दक्‍व नगुत, पृथ्‍वी व उकी दुगु फुक्‍क, समुद्र व उकी दुगु फुक्‍क दय्‌कादिल। छिं हे उपिं फुक्‍कयात जीवन बियादी। अले स्‍वर्गया सेनां छितः आराधना याइ।

अय्‍यूब 42:2

“छिं न्‍ह्यागुं नं यानादी फु धकाः जिं स्‍यू। सुनानं छिगु योजनायात स्‍यंके फइ मखु।

भजनसंग्रहया सफू 102:25

दकलय् न्‍हापां छिं पृथ्‍वी सृष्‍टि यानादिल, अले थःगु हे ल्‍हातं आकाश दय्‌कादिल।

भजनसंग्रहया सफू 136:12

वय्‌कलं बल्‍लाःगु ल्‍हातं व चकंगु लपुं इमित पित हयादिल, वय्‌कःया दया माया सदां दयाच्‍वनी।

प्रस्‍थान 20:11

खुन्‍हु तक परमप्रभुं आकाश व पृथ्‍वी, समुद्र व उकी दुगु फुक्‍कं दय्‌कादिल। अले न्‍हय्‌न्‍हु खुन्‍हु आराम कयादिल। उकिं परमप्रभुं विश्रामबारयात आशिष बियाः उकियात पवित्र यानादिल।

यशैया 42:5

परमप्रभु परमेश्‍वरं आकाश दय्‌काः उकियात चकंकादिल, अले पृथ्‍वी व उकी दुगु फुक्‍कयात न्‍यनावंकादिल, अले वय्‌कलं अन दुपिं मनूतय्‌त सासः व थुखे उखे जुइपिन्‍त जीवन बियादी। परमप्रभु परमेश्‍वरं थथे धयादी –

यशैया 44:24

“परमप्रभुं थथे धयादी, छन्‍त उद्धार यानादीम्‍ह अले छन्‍त गर्भय् दय्‌कादीम्‍ह, “जि हे परमप्रभु खः, गुम्‍हय्‌सिनं फुक्‍कं दय्‌कादिल, गुम्‍हय्‌सिनं याकःचां हे आकाशयात चकंकादिल, गुम्‍हय्‌सिनं थम्‍हं हे पृथ्‍वीयात न्‍यनावंकादिल,

यशैया 45:12

पृथ्‍वी जिं हे दय्‌काःगु खः, अले उकी दुपिं मनूत नं जिं हे सृष्‍टि यानागु खः। जिगु हे ल्‍हाःया ज्‍यां आकाशयात चक्‍कंकागु खः। अले उकी दुगु नक्षत्र व नगुत पाय्‌छिकथं मिलय् यानातयागु दु।

यशैया 59:1

धात्‍थें हे परमप्रभुया ल्‍हाः बचय् याये मफय्‌क चिहाकः जूगु मदु, अले वय्‌कःया न्‍हाय्‌पं नं तायेमदय्‌क ख्‍वातुसे च्‍वंगु मदु।

यर्मिया 1:6

जिं धया, “स्‍वयादिसँ परमप्रभु परमेश्‍वर, जि ला नवाये नं मसः, जि ला मचा हे तिनि।”

यर्मिया 14:13

तर जिं धया, “हाय! परमप्रभु परमेश्‍वर, अगमवक्तातय्‌सं इमित ‘छिमिसं तरवार व अनिकाल खनी मखु, जिं छिमित धात्‍थें थ्‍व थासय् न्‍ह्याबलें दयाच्‍वनीगु शान्‍ति बी धकाः धयाच्‍वनी।’”

यर्मिया 21:2

“जिमिगु निंतिं आः परमप्रभुयाके न्‍यनादिसँ, छाय्‌धाःसा बेबिलोनया जुजु नबूकदनेसरं जिमित हमला यानाच्‍वंगु दु। न्‍हापा न्‍हापा परमप्रभुं झीगु निंतिं अजू चायापुगु ज्‍या यानादीगु थें आः नं यानादी ला? गुकिं यानाः व झीथासं लिहांवनी ला।”

यर्मिया 27:5

थ्‍व पृथ्‍वी, थ्‍व पृथ्‍वीइ च्‍वंपिं मनूत व पशुतय्‌त जिं थःगु तःधंगु बलं व ल्‍हाःया शक्तिं दय्‌कागु दु, अले जिं थुकियात सुयात बी मास्‍ति वः वयात बी।

यर्मिया 32:27

“जि परमप्रभु फुक्‍क मनूतय् परमेश्‍वर खः। छु जिगु निंतिं थाकुगु ज्‍या छुं दु ला?

यर्मिया 33:3

‘जितः प्रार्थना या, अले जिं छन्‍त लिसः बी। छं मस्‍यूगु ततःधंगु व गुप्‍ति खँ जिं छन्‍त कने।’

यर्मिया 4:10

अले जिं धया, “हाय! परमप्रभु परमेश्‍वर, छिं छन्‍त शान्‍ति दइ धकाः धयाः यरूशलेमयापिं मनूतय्‌त ध्‍वंलाःगु दु। छाय्‌धाःसा जिमिगु गःपतय् तरवार तःगु दु।”

यर्मिया 51:15

“परमप्रभुं पृथ्‍वीयात थःगु बलं दय्‌कादिल। वय्‌कलं थःगु बुद्धिं संसारयात थापं यानादिल। थःगु दुग्‍यानं वय्‌कलं आकाशयात चक्‍कंकादिल।

यर्मिया 51:19

याकूबया भाग इपिं थें मखु। वय्‌कलं हे फुक्‍क दय्‌कादिल। अले वय्‌कलं इस्राएलयात थः प्रजा दय्‌केत ल्‍ययादीगु दु। दक्‍व शक्ति दुम्‍ह परमप्रभु वय्‌कःया नां खः।

इजकिएल 11:13

जिं अगमवाणी ल्‍हानाच्‍वनाबलय् हे आकाझाकां बनायाहया काय् पलत्‍याह सित, अले भ्‍वसुलाः तसकं हालाः जिं धया, “हाय, परमप्रभु परमेश्‍वर! छु छिं इस्राएलया ल्‍यनाच्‍वंपिन्‍त भज्‍यंक नाश यानादी ला?”

इजकिएल 9:8

इमिसं स्‍यानाच्‍वंबलय् जि छम्‍ह जक ल्‍यन। अले बँय् भ्‍वसुलाः ख्‍वख्‍वं जिं धया, “हे परमप्रभु परमेश्‍वर, यरूशलेमय् थःगु तं प्‍वंकादीबलय् इस्राएलयापिं ल्‍यंपिं सकसितं नं छिं स्‍यानादी ला?”

दानिएल 2:22

दुग्‍यंगु व सुलाच्‍वंगु खँयात वय्‌कलं हे उलादी, अले वय्‌कलं खिउँगु थासय् छु दु धकाः स्‍यू। वय्‌कःयाके न्‍ह्याबलें जः दयाच्‍वनी।

दानिएल 6:20

अले व सिहंत तयातःगु तःजाःगु गाः लिक्‍क थ्‍यंबलय् ख्‍वःसलं धाल, “हे दानिएल, म्‍वाःम्‍ह परमेश्‍वरया दास, छं न्‍ह्याबलें सेवा याइम्‍ह छिमि परमेश्‍वरं छन्‍त बचय् याये फत ला?”

जकरिया 12:1

छगू अगमवाणी– इस्राएलया बारे परमप्रभुया वचन थ्‍व हे खः। आकाशयात चकंकादीम्‍ह, पृथ्‍वीया जग तयादीम्‍ह अले मनूया आकार दय्‌कादीम्‍ह परमप्रभुं थथे धयादीगु दु,

जकरिया 8:6

दक्‍व शक्ति दुम्‍ह परमप्रभुं थथे धयादी, “अबलय् थुपिं ल्‍यंदुपिन्‍त थ्‍व खँ अजूचाइपुस्‍से च्‍वने फु, अय्‌नं छु व जिगु मिखाय् अजूचाइपुस्‍से च्‍वनी ला?” दक्‍व शक्ति दुम्‍ह परमप्रभुं थथे धयादी।

गन्‍ती 11:23

परमप्रभुं मोशायात लिसः बियादिल, “छु जिगु शक्ति कम जूगु दु ला? छं आः थत्‍थें हे जिं धयागु खँ जुइ कि मजुइ धकाः स्‍वये खनी।”

मत्ती 19:26

इमिगु ख्‍वालय् स्‍वयाः वय्‌कलं धयादिल – “मनूतय्‌पाखें थथे जुइ फइ मखु, अय्‌नं परमेश्‍वरं याये मफुगु छुं नं मदु।”

मर्कूस 10:27

वय्‌कलं इमित स्‍वयाः धयादिल – “मनूतय्‌पाखें थथे जुइ फइ मखु, अय्‌नं परमेश्‍वरं याये मफुगु छुं नं मदु।”

लूका 1:37

उकिं परमेश्‍वरं याये मफुगु छुं नं मदु।”

लूका 18:27

वय्‌कलं धयादिल – “मनूतय्‌सं याये मफुगु परमेश्‍वरं यानादी फु।”

प्रेरित 14:15

“दाजुकिजापिं, छिकपिन्‍सं थ्‍व छु यानादियागु? जिपिं नं ला छिकपिं थें हे थ्‍व संसारयापिं मनूत खः नि। जिमिसं ला छिकपिन्‍त भिंगु खँ कनाः थथे म्‍वाःमदुगु ज्‍यां त्‍वःतकाः स्‍वर्ग, पृथ्‍वी, समुद्र व अन च्‍वंगु दक्‍व फुक्‍कं सृष्‍टि यानादीम्‍ह म्‍वाःम्‍ह परमेश्‍वरपाखे लिफः स्‍वकेत जक स्‍वयाच्‍वनागु खः।

प्रेरित 15:18

परमप्रभुं धयादीगु थ्‍व खँ, न्‍हापांनिसें हे धयावयाच्‍वंगु खः।’”

प्रेरित 17:24

“थ्‍व हे परमेश्‍वरं थ्‍व संसार, अले थ्‍व संसारय् दुगु दक्‍वं दय्‌कादीगु खः। थथे स्‍वर्ग व पृथ्‍वीया मालिक जुयादीम्‍ह परमेश्‍वर मनूतय्‌गु ल्‍हातं दय्‌कूगु देगलय् च्‍वनादी मखु।

प्रकाश 4:11

“जिमि प्रभु परमेश्‍वर, छिं हे फुक्‍कं खँ सृष्‍टि यानादीगु खः। छिगु इच्‍छा कथं हे फुक्‍कं दुगु खः, छिं हे सृष्‍टि यानादीगु खः। उकिं परमप्रभु जिमि परमेश्‍वर, छि महिमा, हनाबना व शक्ति दुम्‍ह खः।”