यर्मिया 31:9 - नेवाः बाइबल

⁹ इपिं ख्‍वख्‍वं लिहां वइ। जिं इमित लित हइबलय् इमिसं प्रार्थना याइ। जिं इमित खुसिया सिथ सिथ इपिं लुफिं महाइगु पिचुगु लँपुं हये। छाय्‌धाःसा जि इस्राएलया अबु खः, एफ्राइम जिम्‍ह जेठाम्‍ह काय् खः।

यर्मिया 31:9 ပူးပေါင်းရင်းမြစ်များ

१ इतिहास 29:10

अले दाऊद जुजुं सकल मनूतय् न्‍ह्यःने परमप्रभुया प्रशंसा यात। वं धाल, परमप्रभु जिमि पुर्खा इस्राएलया परमेश्‍वर, छिगु प्रशंसा न्‍ह्याबलें जुयाच्‍वनेमा।

भजनसंग्रहया सफू 107:7

परमेश्‍वरं इमित इपिं च्‍वने फइगु छगू शहरय् तप्‍यंक यंकादिल।

भजनसंग्रहया सफू 23:2

वय्‌कलं जितः वाउँगु घाँसय् थ्‍यनादी, वय्‌कलं जितः सफागु लःया पुखुलिइ यंकादी।

भजनसंग्रहया सफू 89:27

हाकनं जिं वयात थः तःधिकःम्‍ह काय् व पृथ्‍वीया जुजुपिनि नायः दय्‌काबी।

प्रस्‍थान 4:22

छं फारोयात धा, ‘परमप्रभुं धयादी, इस्राएल जिमि दकलय् न्‍हापां बूम्‍ह काय् खः।

यशैया 42:16

जिं जिमि कांपिं प्रजातय्‌त इपिं गुबलें मवंगु लँपुइ यंके। इमिसं मस्‍यूगु लँपुइ जिं इमित लँ क्‍यँक्‍यं यंके। जिं इमिगु निंतिं खिउँगुयात जलय् अले गाः वंगु थाय्‌यात माथं वंकाबी। थज्‍याःगु ज्‍या जिं याये। जिं इमित त्‍वःते मखु।

यशैया 43:20

ध्‍वंचात व न्‍हिकांझंगःत, व मरुभूमियापिं मेपिं पशुतय्‌सं जितः हनाबना तइ, छाय्‌धाःसा जिं थः मनूतय्‌त, जिं ल्‍ययातयापिन्‍त त्‍वनेगु निंतिं मरुभूमिइ लः अले गंगु बँय् खुसिबाः न्‍ह्याकाबी।

यशैया 45:11

“परमप्रभु, पवित्र परमेश्‍वर व इस्राएलया सृष्‍टिकर्तां थथे धयादी, आः वइतिनिगुया बारे, छु छिमिसं जिमि काय् म्‍ह्याय्‌पिनिगु बारे न्‍ह्यसः न्‍यना ला, अले जिगु ल्‍हाःया ज्‍याया बारे छिमिसं उजं बियागु ला?

यशैया 57:14

अले परमेश्‍वरं थथे धयादी, “दय्‌की, दय्‌की, मू लँ दय्‌की! जिमि प्रजाया लँया फुक्‍क पंगःत चीकाछ्व।”

यशैया 63:13

गुम्‍हय्‌सिनं इमित गुँ सलतय्‌त थें ब्‍यासिइ लुफिं महाय्‌मा धकाः गाः गाः वंगु थाय्‌तय्‌पाखें यंकादीगु, मखु ला?

यशैया 63:16

तर छि ला जिमि अबु खः। अब्राहामं जिमित म्‍हमस्‍यूसां अले इस्राएलं जिमित नाला मकाःसां, छि, हे परमप्रभु, जिमि अबु खः। छिगु नां न्‍हापांनिसें हे जिमित उद्धार याइम्‍ह खः।

यशैया 64:8

अय्‌नं हे परमप्रभु, छि जिमि अबु खः। जिपिं चा खः, अले छि धाःसा कुमाः खः। जिपिं छिगु हे ल्‍हाःया ज्‍यात खः।

यर्मिया 3:19

“जिं मनमनं धया, “‘हे इस्राएल, जिं छिमित थः मस्‍त दय्‌केगु व छगू सुख हे सुख जुइगु, संसारया दकलय् बांलाःगु देश बीगु बिचाः यानागु खः।’ जिं छिमिसं जितः अबु धाइ, अले जिगु ल्‍यू जुइगु त्‍वःती मखु धकाः मतिइ तयागु खः।

यर्मिया 3:4

अय्‌नं छं जितः थथे धाइ, ‘हे जिम्‍ह अबु, छि जिम्‍ह ल्‍याय्‌म्‍हबलय्‌याम्‍ह पासा खः।

यर्मिया 31:20

छु! एफ्राइम जिम्‍ह यःम्‍ह काय्, मखु ला? छु व जितः लय्‌तायेकीम्‍ह मचा, मखु ला? वयागु विरोधय् जिं न्‍ह्याक्‍व हे खँ ल्‍हाना सां जिं धात्‍थें वयात आः तक नं लुमंका च्‍वना। उकिं वयात जिं यय्‌का। जिं धात्‍थें वयात तसकं माया याना,” परमप्रभुं धयादी।

यर्मिया 50:4

“उपिं दिनय्, उगु इलय् इस्राएलया मनूत व यहूदाया मनूत नापनापं ख्‍वख्‍वं थः परमप्रभु परमेश्‍वरयात माःवनी,” परमप्रभुं धयादी।

होशे 12:4

याकूबं स्‍वर्गदूतनापं ल्‍वानाः हे त्‍याकल। व ख्‍वल, अले वं आशिषया निंतिं इनाप यात। वं बेथेलय् वय्‌कःयात नापलात, अले वय्‌कःनापं वं खँ ल्‍हात।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

जकरिया 12:10

“दाऊदया घराना व यरूशलेमयापिं मनूतय्‌त दया व प्रार्थनाया आत्‍मां जाय्‌काबी। इमिसं थःपिन्‍सं सुयाब्‍यूम्‍ह मनू, जितः स्‍वइ। अले मनूत याक काय्‌या निंतिं शोक याःगु थें वयागु निंतिं इपिं दुखं च्‍वनी। दकलय् न्‍हापा बूम्‍ह काय्‌या निंतिं थें दुखं च्‍वनी।

मलाकी 2:10

छु झी इस्राएलीत सकसियां छम्‍ह हे अबु मखु ला? छु छम्‍ह हे परमेश्‍वरं झीत दय्‌कादीगु मखु ला? अथे जूगुलिं छाय् झीसं थःथवय् विश्‍वासघात यानाः परमेश्‍वरं झी पुर्खातलिसे चिनादीगु बाचायात क्‍वह्यंकेगु?

गन्‍ती 2:18

पच्‍छिमपाखे एफ्राइम, मनश्‍शे व बेन्‍यामीनया छाउनीया झण्‍डाया मनूत थथःगु पुचःकथं च्‍वनेमाः, इमि नायः अम्‍मीहूदया काय् एलीशामा खः,

मत्ती 3:3

थ्‍व हे यूहन्‍नायागु खँ यशैया अगमवक्तां थथे च्‍वया थकूगु दु – “मरुभूमिइ छम्‍ह मनू थथे धकाः हालाः वइ – ‘प्रभुयात लँ ब्‍यु, वय्‌कःयागु लँ छिंकाब्‍यु।’”

मत्ती 5:4

नुगः मछिंका जुइपिं मनूत धन्‍यपिं खः, परमेश्‍वरं हे इमित ह्यय्‌कादी।

मत्ती 6:9

छिमिसं थथे प्रार्थना या – “‘हे झीम्‍ह स्‍वर्गय् च्‍वनादीम्‍ह परमेश्‍वर बाः, छिगु नां पवित्र जुइमा।

लूका 6:21

छिपिं नयेपित्‍याका च्‍वंपिं धन्‍यपिं खः, छाय्‌धाःसा छिमिसं लुधंके खनीतिनि। आः ख्‍वया च्‍वंपिं धन्‍यपिं खः, छाय्‌धाःसा छिपिं लय्‌ताये दइतिनि।

रोमी 8:26

गथे यानाः प्रार्थना यायेमाः धकाः झीसं मस्‍यूगुलिं व झीगु विश्‍वास बमलाःगुलिं पवित्र आत्‍मां झीत ग्‍वाहालि यानादी। थथे पवित्र आत्‍मा थःम्‍हय्‌सिनं हे माक्‍व खँ धयाः झीगु निंतिं बिन्‍ति यानादी।

२ कोरिन्‍थी 6:18

जि छिमि बाः जुइ। अले छिपिं जिम्‍ह काय्‌म्‍ह्याय्‌पिं जुइ धकाः दक्‍व शक्ति दुम्‍ह परमप्रभुं धयादीगु खः।”

व्‍यवस्‍था 14:1

छिपिं परमप्रभु छिमि परमेश्‍वरया मनूत खः। सिनावंम्‍ह मनूया लागि दुखं च्‍वनीबलय् छिमिसं थःगु म्‍हय् घाः याये मते अथवा मेपिंन्‍सं याःथें छ्यंया न्‍ह्यःने च्‍वंगु सँ खाये मते।

व्‍यवस्‍था 32:6

हे मूर्ख व बुद्धि मदुपिं मनूत, छु छिमिसं परमप्रभुयात थुकथं हे पलेसा पुलेगु ला? छिमित सृष्‍टि यानादीम्‍ह अले दय्‌कादीम्‍ह वय्‌कः हे छिमि बाः, छिमि सृष्‍टिकर्ता, मखु ला?

हिब्रू 12:13

माथंवंगु लँय् जु। बमलाःगु तुति खुत्‍यां मकायेमा, बरु लनेमा।

हिब्रू 12:23

अन स्‍वर्गय् नां च्‍वयातःपिं, परमेश्‍वरया दकलय् तःधिकःम्‍ह काय्‌यात विश्‍वास याना च्‍वंपिनिगु पुचलय् छिपिं दुथ्‍याःगु दु। फुक्‍क मनूतय्‌त न्‍याय यानादीम्‍ह परमेश्‍वर दीथाय् छिपिं वःगु दु। अन धर्मी मनूया सिद्ध जुइ धुंकूपिं आत्‍मात नं दु।

हिब्रू 5:7

संसारय् दीबलय् हे येशूं मिखाय् ख्‍वबि हाय्‌काः थःत हानं म्‍वाका दीम्‍हय्‌सित बिन्‍ति व प्रार्थना यानादिल। वय्‌कः क्‍वमिलुम्‍ह जूगुलिं व बाःयात दुनुगलंनिसें मानय् यानादीम्‍ह जूगुलिं वय्‌कःयागु बिन्‍ति व प्रार्थना परमेश्‍वरं न्‍यनादिल।

प्रकाश 7:17

सिंहासनयागु दथुइ च्‍वंम्‍ह चीधिकःम्‍ह भ्‍याःचा हे इमित ज्वइम्‍ह जुइ। अले इमित वय्‌कलं हे गुबलें मसुइगु बुंगाःचाय् ब्‍वना यंकादी। अले परमेश्‍वरं हे इमिगु मिखाय् च्‍वंगु ख्‍वबि हुयादी।”