यर्मिया 31:34 - नेवाः बाइबल

³⁴ ‘प्रभुयात म्‍हसीकी’ धकाः इमिसं थः जःलाखःलापिन्‍त व दाजुकिजापिन्‍त नं स्‍यना जुइ माली मखु, छाय्‌धाःसा चिधिकःपिन्‍संनिसें कयाः तःधिकःपिन्‍सं तकं जितः म्‍हसी। इमिसं याःगु मभिंगु बांमलाःगु ज्‍याखँ फुक्‍कं जिं क्षमा यानाबी। अले इमिगु पाप नं जिं लुमंके मखु,” परमप्रभुं धयादी।

यर्मिया 31:34 ပူးပေါင်းရင်းမြစ်များ

१ इतिहास 28:9

“हे जिमि काय् सोलोमन, छं थः बौया परमेश्‍वरयात म्‍हसीकि, अले तनमनं वय्‌कःया सेवा या। वय्‌कलं झीगु फुक्‍क बिचाः व इच्‍छा स्‍यू। वय्‌कःयात माल धाःसा छं वय्‌कःयात नापलाकी, तर छं वय्‌कःयात त्‍वःतल धाःसा वय्‌कलं छन्‍त न्‍ह्याबलेंया लागि त्‍वःतादी।

भजनसंग्रहया सफू 25:7

जिं ल्‍याय्‌म्‍हबलय् यानागु पापयात ल्‍वःमंकादिसँ। जितः लुमंकादिसँ, अले छि धात्‍थें गुलि दया माया दुम्‍ह खः धकाः क्‍यनादिसँ।

यशैया 11:9

इमिसं जिगु फुक्‍क पवित्र पर्वतय् छुं नं स्‍यंके फइ मखु, अले छुं मभिंगु खँ नं अन दइ मखु, छाय्‌धाःसा समुद्र लखं जाः थें पृथ्‍वी परमप्रभुया ज्ञानं जाइ।

यशैया 29:24

आत्‍माय् अलमलय् जूपिं मूर्ख मनूतय्‌सं लिग्‍यां दय्‌की अले कचकच यानाजुइपिन्‍सं स्‍यनातःगु खँ मानय् याइ।”

यशैया 30:26

परमप्रभुं थः प्रजायात घाः चिनादी खुन्‍हु अले वय्‌कलं इमित यानादीगु घाः लाय्‌कादी खुन्‍हु तिमिला सूर्य थें च्‍वनी अले सूर्यया जः न्‍हय्‌न्‍हुया जः थें न्‍हय्‌दुगं अप्‍वः ज्‍वाल्‍ल थी।

यशैया 33:24

सियोनय् च्‍वनीपिं सुनानं “जि म्‍हंमफु” धकाः धाइ मखु अले अन च्‍वनीपिं मनूतय्‌गु पाप क्षमा याइ।

यशैया 33:6

छिमिगु ईया निंतिं वय्‌कः बल्‍लाःगु जग व मुक्ति अले ज्ञान व बुद्धिया तसकं मू वंगु धुकू जुयादी। परमप्रभुया भय कायेगु हे धुकूया ताःचा खः।

यशैया 38:17

धात्‍थें हे जिगु उन्‍नतिया निंतिं जिं थथे सास्‍ती नये माल। छिं जितः माया यानाः सीगालय् वनेगुपाखें बचय् यानादिल। छिं जिगु फुक्‍क पाप क्षमा यानादिल।

यशैया 43:25

“जि, जि व हे खः, गुम्‍हय्‌सिनं छंगु अपराध थःगु हे लागिं क्षमा यानाबी, जिं छंगु पाप गुबलें लुमंके मखु।

यशैया 44:22

जिं छंगु अपराधत सुपाँय् थें अले छंगु पाप सुथय्‌या खसु थें चीकाछ्वयागु दु। जिथाय् लिहां वा, छाय्‌धाःसा जिं छन्‍त उद्धार यानागु दु।”

यशैया 52:6

अथे जुयाः जिमि प्रजां जिगु नां म्‍हस्‍यू। थुकथं इमिसं व दिंखुन्‍हु इपिं लिसे नवाम्‍ह जि हे खः धकाः म्‍हसी। खः, जि व हे खः।”

यशैया 54:13

छिमि सकलें काय्‌पिन्‍त परमप्रभुं हे स्‍यनेगु याइ, अले छिमि काय् म्‍ह्याय्‌पिन्‍त सुख शान्‍ति दइ।

यर्मिया 24:7

जि हे परमप्रभु खः धकाः म्‍हसीगु नुगः जिं इमित बी। अले इपिं जि प्रजा जुइ। जि इमि परमेश्‍वर जुये, छाय्‌धाःसा इपिं दुनुगलंनिसें जिथाय् लिहां वइ।

यर्मिया 32:40

जिं इपिं लिसे न्‍ह्याबलेंया निंतिं बाचा चिने। इमिगु भिं जुइगु ज्‍या यायेगु जिं गुबलें त्‍वःते मखु। इपिं जिपाखें फस्‍वया मवनेमा धकाः जिं जिगु भय इमिगु मनय् तयाबी।

यर्मिया 33:8

जिं इमित इमिसं जिगु विरोधय् याःगु फुक्‍क अधर्म व पापपाखें शुद्ध याये। जिगु विरोधय् विद्रोही जुयाः याःगु इमिगु फुक्‍क पाप जिं क्षमा यानाबी।

यर्मिया 50:20

परमप्रभुं धयादी, “उपिं दिनय्, उगु इलय् इस्राएलया अपराधयात माली, तर छगू नं लुइ मखु, अले यहूदाया पाप नं माली तर छगू नं लुइ मखु। छाय्‌धाःसा जिं बचय् यानातयागु ल्‍यं दुगु ब्‍वयात जिं क्षमा याये।”

यर्मिया 9:23

परमप्रभुं थथे धयादी, “बुद्धि दुपिन्‍सं थःगु बुद्धियागु खँय् तःधंछुइ मते, बल्‍लाःपिन्‍सं थःगु बलयागु खँय् तःधंछुइ मते, तःमितय्‌सं थःगु धनयागु खँय् तःधंछुइ मते!

होशे 2:20

जिं छन्‍त जिगु विश्‍वास बहःगुलीं थः कलाः यानातये, अले छं जितः परमप्रभु धकाः म्‍हसी।”

मीका 7:18

छि थें ज्‍याःम्‍ह परमेश्‍वर सु दु? गुम्‍हय्‌सिनं अधर्म क्षमा यानादी, अले ल्‍यंदुपिं थःमनूतय्‌गु पाप क्षमा यानादी? छि सदां तंचायादी मखु, तर दयामाया यायेत छितः यः।

मीका 7:19

छिं जिमित हानं दयामाया यानादी, छिं जिमिगु पापयात तुतिं न्‍हुयादी, अले जिमिगु अधर्म तज्‍जाःगु समुद्रय् वान्‍छ्वयादी।

हबकूक 2:14

छाय्‌धाःसा समुद्र लखं जाः थें पृथ्‍वी परमप्रभुया महिमाया ज्ञानं जाइ।

मत्ती 11:27

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू, बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका ब्‍यूपिन्‍सं जक बाःयात म्‍हसी।”

लूका 1:77

परमेश्‍वरया थःमनूतय्‌गु पाप क्षमा जुइ, अले हानं इपिं बचय् जुइ धकाः इमित धायेगु नं छंगु ज्‍या जुइ।

यूहन्‍ना 17:3

छि छम्‍ह हे जक सत्‍य परमेश्‍वरयात व छिं छ्वयाहयादीम्‍ह येशू ख्रीष्‍टयात म्‍हसीकेगु हे अनन्‍त जीवन खः।

यूहन्‍ना 17:6

“छिं जितः बियादीपिं संसारय् च्‍वंपिं मनूतय्‌त छिगु नां जिं म्‍हसीका बिया। इपिं छिकपिनि हे मनूत खः, अले इपिं छिं जितः बियादिल। इमिसं नं छिगु वचन मानय् यानाच्‍वंगु दु।

यूहन्‍ना 6:45

थुपिं फुक्‍कं परमेश्‍वरं स्‍यना तःपिं जुइ धकाः अगमवक्तातय्‌सं च्‍वया थकूगु दु। बाःयागु खँ न्‍यनाः सय्‌का सीका काःपिं फुक्‍कं जिथाय् वइ।

प्रेरित 10:43

न्‍हापायापिं अगमवक्तातय्‌सं नं येशूयात विश्‍वास याःपिं मनूतय्‌गु पाप वय्‌कःयागु नामं जक क्षमा जुइफु धकाः धयावंगु दु।”

२ कोरिन्‍थी 2:10

थुकथं छिमिसं सुयात क्षमा याइ वयात जिं नं क्षमा बी। छाय्‌धाःसा जिं सुयातं छुं खँय् क्षमा याये माःसा छिमिगु हे निंतिं ख्रीष्‍टया न्‍ह्यःने यानाबी।

२ कोरिन्‍थी 4:6

“खिउँथासं जः थिनावइ” धकाः धयादीम्‍ह परमेश्‍वरं हे जिमिगु मनय् नं जः खय्‌कादिल। उकिं येशू ख्रीष्‍टया न्‍ह्यःने झीत परमेश्‍वरया महिमा व ज्ञान गुलि तःधं धकाः ध्‍वाथुइक क्‍यनेत थथे यानादीगु खः।

एफिसी 1:7

ख्रीष्‍ट येशूं हि हाय्‌कादीगुलिं झीगु पाप क्षमा जुल। अले झीत छुत्‍कारा बियादिल। परमेश्‍वरयागु दया माया गुलि तःधं!

१ थेसलोनिकी 4:9

आः छिमित थःथवय् माया यानाच्‍वनेमाः धकाः जिमिसं च्‍वया च्‍वनेमाःगु मदु, छाय्‌धाःसा थ्‍व खँ ला छिमित परमेश्‍वरं हे स्‍यनादीगु दु।

हिब्रू 5:12

आः ला छिपिं मेपिन्‍त स्‍यनीपिं जुइमाःगु खः। अय्‌नं परमेश्‍वरयागु खँय् छुं हे मस्‍यूनिगुलिं छिमित मेपिन्‍सं स्‍यनेमाः थें च्‍वं नि। छिपिं दुधंगु नसा नये मफुनिपिं मांयागु दुरु त्‍वने मानिपिं थें जुयाच्‍वन।

हिब्रू 8:11

‘प्रभुयात म्‍हसीकी’ धकाः इमिसं थः जःलाखःलापिन्‍त व दाजुकिजापिन्‍त नं स्‍यना जुइ माली मखु, छाय्‌धाःसा चिधिकःपिन्‍संनिसें कयाः तःधिकःपिन्‍सं तकं जितः म्‍हसी।

हिब्रू 8:12

इमिसं याःगु मभिंगु बांमलाःगु ज्‍याखँ फुक्‍कं जिं क्षमा यानाबी, अले इमिगु पाप नं जिं लुमंके मखु।”

१ यूहन्‍ना 2:20

ख्रीष्‍टं छिमित पवित्र आत्‍मा बियादीगु दु, उकिं छिपिं थुपिं थें मखु। अय्‌जूगुलिं सत्‍य छु खः धयागु छिमिसं स्‍यू।

१ यूहन्‍ना 2:27

अय्‌नं ख्रीष्‍टं छिमिगु नुगलय् पवित्र आत्‍मायात तयादीगु दु, उकिं सुनानं छिमित स्‍यने माःगु मदु। पवित्र आत्‍मां छिमित फुक्‍कं स्‍यनादी। वय्‌कः सत्‍य खः, गुबलें मखुगु खँ ल्‍हानादी मखु। पवित्र आत्‍मां गथे स्‍यनादिल, अथे हे यानाः छिपिं ख्रीष्‍टनाप च्‍वनाच्‍वँ।

१ यूहन्‍ना 5:20

परमेश्‍वरया काय् झायाः झीत धात्‍थेंयाम्‍ह परमेश्‍वर म्‍हसीकादिल। थ्‍व खँ झीसं स्‍यू। धात्‍थेंयाम्‍ह परमेश्‍वरया काय् येशू ख्रीष्‍टनाप झीगु जीवन नं प्‍यपुनाच्‍वंगु दु। थ्‍व हे सत्‍य परमेश्‍वर खः, अले हानं थ्‍व हे परमेश्‍वर अनन्‍त जीवन नं खः।

१ शमूएल 2:12

एलीया काय्‌पिं लुच्‍चात खः, इमिसं परमप्रभुयात वास्‍ता मयाः।