यर्मिया 31:31 - नेवाः बाइबल

³¹ परमप्रभुं धयादी, “इस्राएलयापिं व यहूदायापिंलिसे जिं न्‍हूगु बाचा चीत्‍यनागु ई वयाच्‍वंगु दु।

यर्मिया 31:31 ပူးပေါင်းရင်းမြစ်များ

यशैया 59:21

परमप्रभुं धयादी, “जिगु खँय् धाःसा, जिगु बाचा छिमिगु निंतिं थ्‍व हे जुइ। जिगु आत्‍मा छंके दु व चिलावनी मखु, अले जिगु वचन जिं छंगु म्‍हुतुइ तयाबियागु दु। उपिं छंगु म्‍हुतुइ व छिमि काय् म्‍ह्याय्‌पिनिगु म्‍हुतुइ व छिमि सन्‍तानतय् म्‍हुतुइ थनिंनिसें सदांया निंतिं दयाच्‍वनी।” परमप्रभुं घोषणा यानादी।

यर्मिया 23:5

“स्‍व, थज्‍याःगु दिं वयाच्‍वंगु दु, गबले जिं दाऊदया वंशपाखें छगू धर्मी कचायात पिकाय्। वं जुजु जुयाः बुद्धिं शासन याइ। वं देशय् न्‍याय व पाय्‌छिगु ज्‍या याइ।

यर्मिया 30:3

जिं जिमि प्रजा इस्राएल व यहूदायात बेबिलोनं लित हयेगु दिं वयेत्‍यंगु दु। जिं इमि पुर्खातय्‌त बियागु देशय् जिं इमित लित हये। इमिसं हाकनं उगु देशय् अधिकार याइ,’” परमप्रभुं धयादी।

यर्मिया 31:27

परमप्रभुं धयादी, “जिं इस्राएलया घराना व यहूदाया घरानाया मनूतय्‌गु ल्‍याः व पशुतय्‌गु ल्‍याः यक्‍व अप्‍वय्‌काबीगु दिं वयेत्‍यंगु दु।

यर्मिया 32:40

जिं इपिं लिसे न्‍ह्याबलेंया निंतिं बाचा चिने। इमिगु भिं जुइगु ज्‍या यायेगु जिं गुबलें त्‍वःते मखु। इपिं जिपाखें फस्‍वया मवनेमा धकाः जिं जिगु भय इमिगु मनय् तयाबी।

इजकिएल 37:26

जिं इपिंलिसें शान्‍ति व सुरक्षाया बाचा ची, व न्‍ह्याबलेंया लागि जुइ। जिं इमित थापं याये, जिं इमिगु ल्‍याः अप्‍वय्‌काबी। इमिगु दथुइ जिं थःगु पवित्रथाय् न्‍ह्याबलेंया लागिं तये।

आमोस 9:13

परमप्रभुं धयादी, “थज्‍याःगु दिं वयाच्‍वंगु दु,” “गुबलय् छिमिके यक्‍व अन्‍न बाली दइ, छिमिसं फुक्‍क छ्व बुँपालेगु ई स्‍वयाः न्‍ह्यः हये फइ मखु,” दाखमद्य दय्‌केगु स्‍वयाः याकनं दाख सइ। पर्वत व डाँडां क्‍वहां वयाच्‍वंगु थें तसकं साःगु दाखमद्य जुइ।

मत्ती 26:28

“थ्‍व न्‍हूगु बाचायागु जिगु हि खः। थ्‍व हे हिं यक्‍वसिगु पाप क्षमा जुइ।

मर्कूस 14:24

अले वय्‌कलं इमित धयादिल – “थ्‍व जिगु न्‍हूगु बाचायागु हि खः। थ्‍व हे हिं यक्‍वसिगु पाप क्षमा जुइ।

लूका 22:20

नये धुंकाः अथे हे ख्‍वला कयाः वय्‌कलं धयादिल – “थ्‍व ख्‍वला छिमिगु निंतिं जिगु हि हाय्‌कागु परमेश्‍वरयागु न्‍हूगु बाचा खः।

१ कोरिन्‍थी 11:25

नये धुंकाः वय्‌कलं अथे हे ख्‍वला कयाः थथे धयादिल – “थ्‍व ख्‍वला जिगु हि हाय्‌काः यानागु परमेश्‍वरयागु न्‍हूगु बाचा खः। जितः लुमंकेत थथे ख्‍वलां त्‍वनेगु यायेगु या।”

२ कोरिन्‍थी 3:6

उकिं जिमित न्‍हूगु बाचा न्‍यंके फय्‌कादीम्‍ह परमेश्‍वर हे खः। थ्‍व न्‍हूगु बाचा च्‍वयातःगु नियम मखु, बरु थ्‍व आत्‍मां बियादीगु खः। च्‍वयातःगु नियमं मनूतय्‌त स्‍याइ, तर आत्‍मां जीवन बी।

गलाती 6:16

थथे न्‍हूपिं जुयाः म्‍वानाच्‍वंपिं धात्‍थेंयापिं इस्राएलीतय्‌त परमेश्‍वरं दया व शान्‍ति बियादीमा।

व्‍यवस्‍था 29:14

परमप्रभुं छिमित धयादी, “पाफयाः थ्‍व बाचा जिं छिपिंलिसें जक चिनागु मखु

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

हिब्रू 12:24

छिपिं न्‍हूगु बाचा चिनाः परमेश्‍वर व मनूतय् दथुइ च्‍वनादीम्‍ह येशूयाथाय् व बदलाया लागि हालाच्‍वंगु हाबिलया हिया पलेसा क्षमा या निंतिं नवाइगु हाः हाः याःगु हिया थासय् वःगु दु।

हिब्रू 13:20

परमेश्‍वरं तःधंम्‍ह फैजवाः झी प्रभु येशूयात सीम्‍हं हानं म्‍वाकादीगु दु। अले वय्‌कःयागु हे हिं शान्‍ति बीम्‍ह परमेश्‍वरं झीपिंलिसे सदांया निंतिं बाचा चिनादीगु दु।

हिब्रू 7:12

मेम्‍ह पुजाहारी हिलीबलय् व्‍यवस्‍था नं हिलेमाः।

हिब्रू 9:15

परमेश्‍वरं बी धकाः धयादीगु सदां दयाच्‍वनीगु आशिष वय्‌कःया ल्‍ययातःपिं मनूतय्‌सं काये दयेमा धकाः थथे न्‍हूगु बाचा चिनाः ख्रीष्‍ट परमेश्‍वर व मनूतय्‌गु दथुइ च्‍वनादीगु खः। न्‍हापांगु बाचाय् मनूतय्‌सं याःगु अपराधं आः छुत्‍कारा दइ, छाय्‌धाःसा थ्‍व हे ज्‍याया लागि वय्‌कः सिनादी धुंकल।