यर्मिया 31:3 - नेवाः बाइबल

³ परमप्रभु पुलांगु इलय् थथे धाधां झीथाय् खनेदय्‌कः झाल, “जिं छन्‍त न्‍ह्याबलें दयाच्‍वनीगु मायां माया यानागु दु। उकिं जिं छन्‍त करुणा यानाः थःथाय् हयागु दु।

यर्मिया 31:3 ပူးပေါင်းရင်းမြစ်များ

१ राजा 10:9

परमप्रभु छिकपिनि परमेश्‍वरया प्रशंसा जुइमा। वय्‌कः छि खनाः गुलि लय्‌तायादी व छितः जुजु दय्‌काः थःगु नामय् शासन याके बियाः क्‍यनादीगु दु। छाय्‌धाःसा परमप्रभुं इस्राएलयात सदां माया यानादी। उकिं न्‍याय व धार्मिकता तया तयेत वय्‌कलं छितः इस्राएलयाम्‍ह जुजु दय्‌कादीगु दु।”

भजनसंग्रहया सफू 103:17

तर परमप्रभुयागु सदां दयाच्‍वनीगु दया माया न्‍ह्याबलें वय्‌कःया भय काइपिन्‍के दु। इमि मस्‍त व छय्‌पिनिगु लागिं नं वय्‌कः न्‍ह्याबलें दयादुम्‍ह जुइ।

भजनसंग्रहया सफू 25:6

हे परमप्रभु! छिं जितः यक्‍व न्‍ह्यः क्‍यनादीगु गुबलें मफुइगु दया माया लुमंकादिसँ।

श्रेष्‍ठगीत 1:4

जितः छिनापं हे यंकादिसँ, झीपिं याकनं हे बिस्‍युं वनेनु! जुजुं जितः थः द्यनेगु कोथाय् यंकादीमा। जिपिं छिके लय्‌ताये अले खुशी जुये, अले दाखमद्य स्‍वयाः नं छिगु मायाया प्रशंसा याये। इमिसं छितः ल्‍वय्‌क माया याइ।

यशैया 43:4

छ जिगु मिखाय् तसकं मू वंम्‍ह व हनाबना दुम्‍ह जूगुलिं, जिं छन्‍त माया यानागुलिं जिं मनूतय्‌त छंगु पलेसा व जात जातितय्‌त छंगु जीवनया पलेसा बी।

यशैया 45:17

तर हे इस्राएलीत, छिपिं धाःसा परमप्रभुपाखें सदां दइगु उद्धारं बचय् जुइ। छिपिं गुबलें नं लाजय् लाइ मखु, अले लिपाथ्‍यंक छिमिगु गुबलें बेइज्‍जत जुइ मखु।

यशैया 49:14

तर सियोनं धाल, “परमप्रभुं जितः त्‍वःतादीगु दु। जिम्‍ह परमप्रभुं जितः ल्‍वःमंकादीगु दु।”

होशे 11:1

“इस्राएलयात मचाबलय् निसें हे जिं माया याना। जिं थःकाय्‌यात मिश्र देशं सःता।

होशे 11:4

जिं इमित मनूतय्‌गु दया व मायाया खिपतं सालाः हया। इमिगु गःपतं जुवा ल्‍ह्वनाबिया अले इमित नकेत जि क्‍वछुना।

मलाकी 1:2

परमप्रभुं धयादी, “जिं छिमित माया यानागु दु।” “तर छिमिसं धाइगु, ‘छिं जिमित गय् यानाः माया यानादियागु दु लय्?’ “परमप्रभुं धयादी, ‘एसाव याकूबया दाजु, मखु ला?’ अय्‌नं जिं छिमि पुर्खा याकूबयात ल्‍यया।

रोमी 8:30

वय्‌कलं न्‍हापांनिसें ल्‍ययातःपिन्‍त सःता नं दिल। थथे वय्‌कलं सःतादीपिन्‍त धर्मी ठहरय् यानादिल। थुकथं वय्‌कलं धर्मी ठहरय् याःपिन्‍त तःधं नं यानादिल।

रोमी 9:13

“याकूबयात माया याना, एसावयात धाःसा मयय्‌का।”

व्‍यवस्‍था 10:15

अय्‌नं छिमि पुर्खातय्‌त परमेश्‍वरं माया यानाः ल्‍ययादिल। अथे जुयाः मेगु फुक्‍क जातितय् दथुं वय्‌कलं छिपिं, इमि सन्‍तानतय्‌त ल्‍ययादिल। थथे छिपिं थौं तक नं वय्‌कःयागु ल्‍यःपिं मनूत खः।

व्‍यवस्‍था 33:26

“येशूरुनया परमेश्‍वर थें जाःम्‍ह मेम्‍ह सुं मदु। वय्‌कः इमित झःझः धाय्‌क आकाशं झायादी। वय्‌कः सुपाँचं गयाः छिमित ग्‍वाहालि बीत झायादी।

व्‍यवस्‍था 33:3

मनूतय्‌त माया याइम्‍ह धात्‍थें छि हे खः, फुक्‍क पवित्र मनूत छिगु हे ल्‍हातय् दु। इपिं सकसिनं छिगु तुतिइ थःपिनिगु छ्यं क्‍वछुकी, अले छिपाखें सय्‌का सीका काइ,

व्‍यवस्‍था 4:37

वय्‌कलं छिमि पुर्खातय्‌त माया यानादीगुलिं इमि सन्‍तानतय्‌त नं ल्‍ययादिल। वय्‌कः थम्‍हं हे थःगु तःधंगु शक्तिं छिमित मिश्रं पितहयादिल।

२ तिमोथी 1:9

थ्‍व हे परमेश्‍वरं झीत बचय् यानाः वय्‌कःया मनूत यायेत सःतादिल। झीसं यानागु धर्मकर्मं यानाः मखु, बरु वय्‌कलं हे दया माया यानाः झीत बचय् यानादीगु खः। सृष्‍टि जुइ न्‍ह्यः हे ख्रीष्‍ट येशूं झीत थ्‍व दया माया बियादीगु खः।

याकूब 1:18

वय्‌कलं सृष्‍टि यानादीगु मध्‍ये न्‍हापांगु फल झीपिं जुइ फयेमा धकाः सत्‍य वचनपाखें झीत थःम्‍हं ल्‍ययादीगु खः।

१ पत्रुस 1:3

झी प्रभु येशू ख्रीष्‍टया बाः परमेश्‍वर न्‍ह्याबलें तःधनेमा। वय्‌कलं झीत दया माया यानाः सी धुंकूम्‍ह येशू ख्रीष्‍टयात म्‍वाकाः झीत तसकं तःधंगु व म्‍वानाच्‍वंगु आशाया निंतिं न्‍हूगु जीवन बियादिल।

१ यूहन्‍ना 4:19

परमेश्‍वरं झीत न्‍हापालाक माया यानादीगुलिं झीसं नं वय्‌कःयात माया यानागु खः।