26 थुबलय् हे जि न्ह्यलं चाल अले जिं प्यखेरं स्वयाः। जिगु म्हगस जितः न्ह्यइपुसे च्वन।
याकूबया न्ह्यलं चासेंलि वं बिचाः यात, “परमप्रभु थन हे दी, जिं सीके मफुत।”
नसाया निंतिं ज्या यायेत छ सुथ न्हापां दनेगु व चान्हय् लिबाक्क द्यंवनेगु सितिं खः। छाय्धाःसा वय्कलं थःत यःपिन्त न्ह्यः बियादीगु दु।
जिं धाःसा छुं मभिंगु मयानागुलिं छिगु ख्वाः खनी। जि दनावयेबलय् छितः स्वयेदयाः तसकं लय्ताये।
छ मग्यासे लासाय् ग्वारातूवने फइ, अले चच्छिं छन्ह्यः यानाः द्यनेफइ।