यर्मिया 31:23 - नेवाः बाइबल

²³ दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “जिं थः मनूतय्‌त थःगु देशय् लित हयेबलय् इमिसं हाकनं छकः यहूदा देश व उकिया शहरय् हाकनं थथे धाइ, ‘परमप्रभुं थः च्‍वनीगु यरूशलेमया पवित्र डाँडायात सुवाः बियादीमा।’

यर्मिया 31:23 ပူးပေါင်းရင်းမြစ်များ

भजनसंग्रहया सफू 128:5

परमप्रभुं छ म्‍वानाच्‍वंतले सियोनं छन्‍त सुवाः बियादीमा। छं यरूशलेम च्‍वन्‍ह्याःगु खनेमा।

भजनसंग्रहया सफू 129:8

अनं जुयाः वइपिं वनिपिन्‍सं सुनानं थथे धाइ मखु, “परमप्रभुं छन्‍त सुवाः बियादीमा। परमप्रभुया नामय् जिमिसं छन्‍त सुवाः बी।”

भजनसंग्रहया सफू 134:3

स्‍वर्ग व पृथ्‍वी सृष्‍टि यानादीम्‍ह परमप्रभुं छन्‍त सियोनं सुवाः बियादीमा।

भजनसंग्रहया सफू 28:9

हे परमप्रभु, थः मनूतय्‌त बचय् यानादिसँ। थः सर्बययात आशिष बियादिसँ। अले इमि जवाः जुयाः इमिगु बिचाः यानादिसँ।

यशैया 1:21

स्‍वःसा, विश्‍वास याये बहःजूगु शहर आः गथे छम्‍ह वेश्‍या थें जुल! न्‍याय व धार्मिकतां जाःगु शहर तर आः स्‍याइपालिपिन्‍सं जाःगु दु!

यशैया 1:26

जिं छिमि न्‍यायकर्तातय्‌त न्‍हापा थें अले छिमित सल्‍लाह बीपिन्‍त नं दकलय् न्‍हापा थें हे लिफ्‍यानाहये। अनंलि छन्‍त ‘धार्मिकताया शहर’ व ‘विश्‍वास याये बहःगु शहर’ धकाः धाइ।”

यशैया 11:9

इमिसं जिगु फुक्‍क पवित्र पर्वतय् छुं नं स्‍यंके फइ मखु, अले छुं मभिंगु खँ नं अन दइ मखु, छाय्‌धाःसा समुद्र लखं जाः थें पृथ्‍वी परमप्रभुया ज्ञानं जाइ।

यशैया 32:16

व मरुभूमिइ न्‍याय बाय् च्‍वनी, अले नायुगु बुँइ धार्मिकता बाय् च्‍वनी।

यशैया 33:5

परमप्रभु दक्‍वसिबय् तःधंम्‍ह जुयादीगु दु, छाय्‌धाःसा वय्‌कः दक्‍वसिबय् च्‍वय् च्‍वनादी। वय्‌कलं सियोनयात न्‍याय व धार्मिकतां जाय्‌कादीगु दु।

यशैया 60:21

अनंलि छिमि फुक्‍क प्रजात धर्मी जुइ, इमिसं सदांया निंतिं देशय् अधिकार याइ। जिगु गौरव क्‍यनेत इपिं जिं पिनागु माचा थें खः, अले इपिं जिगु ल्‍हाःया ज्‍या खः।

यर्मिया 29:14

छिमिसं जितः लुइकी,” परमप्रभुं धयादी, “अले छिमित कैदं लित हये। जिं छिमित ज्‍वंकाछ्वयागु फुक्‍क जाति व फुक्‍क थासं जिं छिमित मुंके,” परमप्रभुं धयादी। “गुगु थासं जिं छिमित ज्‍वंकाछ्वयागु खः जिं छिमित व हे थासय् लित हये।”

यर्मिया 30:18

“परमप्रभुं थथे धयादी, “‘जिं थःम्‍हं हे थः प्रजायात इमिगु देशय् लित हये अले फुक्‍क परिवारयात दयामाया याये। शहरयात व नाश जूगु थासय् हे हाकनं दय्‌की। जुजुया दरबार नं हाकनं थःगु थासय् दय्‌की।

यर्मिया 32:44

बेन्‍यामीनया लागाय्, यरूशलेमया जःखः च्‍वंगु गामय्, यहूदाया शहर शहरय्, पहाडी देशया शहर शहरय्, पच्‍छिमया फेदी व नेगेवया शहर शहरय् वहः बियाः मनूतय्‌सं बुँ न्‍याइ, इमिसं साक्षी तयाः भ्‍वँतय् सही याइ अले उकी छाप तइ, छाय्‌धाःसा जिं हाकनं इमित इमिगु देशय् लित हये, जि, परमप्रभुं धाये।”

यर्मिया 50:7

इमित नापलाकूपिन्‍सं इमित नयाबिल। इमि शत्रुतय्‌सं धाल, ‘थुकी जिमिगु छुं दोष मदु, छाय्‌धाःसा इमिसं इमिगु खःगु च्‍वनेगु थाय् परमप्रभु, इमि पुर्खातय्‌गु आशा, परमप्रभुया विरोधय् पापयात।’

ओबदिया 1:17

तर सियोन पर्वतय् उद्धार जुइ, व पवित्रगु थाय् जुइ। याकूबया घरानां थःगु सर्बय थःगु ल्‍हातय् काइ।

मीका 4:1

लिपांगु न्‍हिइ परमप्रभुया देगः पलिस्‍था यानातःगु पर्वत मेगु फुक्‍क पर्वत स्‍वयाः मू वंगु जुयाः थापं जुइ। व हिमालत स्‍वयाः तसकं तःजाः जुइ, अले मनूत अन मूंवइ।

जकरिया 8:3

परमप्रभुं थथे धयादी, “जि सियोनय् लिहां वये अले यरूशलेमय् बाय् च्‍वने। अबलय् यरूशलेमयात ‘विश्‍वास याये बहःगु शहर’ धकाः धाइ, अले दक्‍व शक्ति दुम्‍ह परमप्रभुया पहाडयात धाःसा ‘पवित्र पर्वत’ धाइ।”

रुथया सफू 2:4

अबलय् हे बोअज बेथलेहेमं थ्‍यंकः वल अले ज्‍यामितय्‌त नाप लानाः धाल, “परमप्रभु छिपिंलिसें दयेमा”। इमिसं लिसः बिल, “परमप्रभुं छितः सुवाः बियादीमा।”