यर्मिया 31:2 - नेवाः बाइबल

² परमप्रभुं थथे धयादी, “तरवारं बचय्‌जूपिं मनूतय्‌त मरुभूमिइ दयामाया दइ। जि इस्राएलयापिं मनूतय्‌त आराम बीत वये।”

यर्मिया 31:2 ပူးပေါင်းရင်းမြစ်များ

भजनसंग्रहया सफू 78:52

थः मनूतय्‌त धाःसा वय्‌कलं फैतय्‌त ज्‍वये थें मरुभूमियागु लं पिने यंकादिल।

भजनसंग्रहया सफू 95:11

उकिं जिं तमं पाफयाः धया, ‘छिपिं जिगु झासु लनेगु थासय् गुबलें दुहां वये फइ मखु।’”

प्रस्‍थान 1:16

“हिब्रू मिसातय् मचा बुइबलय् मचातइगु थलय् छिमिसं सुसाःकुसाः याःवनेबलय् काय् बूसा स्‍यानाछ्व, म्‍ह्याय् बूसा स्‍याये मते।”

प्रस्‍थान 1:22

अले फारोनं थः फुक्‍क प्रजायात थथे धकाः उजं बिल, “हिब्रूतय् ग्‍वःम्‍ह काय्‌मस्‍त बुइ इपिं फुक्‍कसित नील खुसिइ यंकाः वांछ्व। म्‍ह्याय् मस्‍तय्‌त जक ल्‍यंका ति।”

प्रस्‍थान 12:37

इस्राएलीत रामसेसंनिसें सुक्‍कोत तक न्‍यासि वन, मिस्‍त व मस्‍त त्‍वःताः खुगू लाख ति मनूत दु।

प्रस्‍थान 2:23

यक्‍व ई लिपा मिश्रयाम्‍ह जुजु सित। दास जुयाः च्‍वनेमाःगुलिं इस्राएलीतय्‌सं झसुकाः तयाः ग्‍वाहालि फ्‍वन। इमिगु सः परमेश्‍वरयाथाय् थ्‍यन।

प्रस्‍थान 33:14

परमप्रभुं लिसः बियादिल, “जि थः हे छनापं वने अले जिं छन्‍त विश्राम बी।”

प्रस्‍थान 5:21

अले इमिसं धाल, “परमप्रभुं छिकपिनिगु न्‍याय यानादीमा, छाय्‌धाःसा छिकपिन्‍सं यानाः जुजु व वया भारदारत जिपिंलिसें तंचाःगु दु, अले जिमित स्‍यायेत तरवार नं बियादीगु दु।”

यर्मिया 2:2

“छं वनाः यरूशलेमय् च्‍वंपिं सकसितं थ्‍व खबर न्‍यंकि, “परमप्रभुं थथे धयादी, ‘छं ल्‍याय्‌म्‍हबलय्‌यागु भक्ति, “‘भम्‍चा थें छं जितः माया याःगु जि लुमंसे वः। मरुभूमिइ, पुसा मह्वःगु थासय् छ जिगु ल्‍यूल्‍यू जुइगु।

इजकिएल 20:35

जिं छिमित जाति जातितय्‌गु मरुभूमिइ हये, अले अन जिं इमिगु न्‍ह्यःने हे छिमिगु न्‍याय याये।

होशे 11:4

जिं इमित मनूतय्‌गु दया व मायाया खिपतं सालाः हया। इमिगु गःपतं जुवा ल्‍ह्वनाबिया अले इमित नकेत जि क्‍वछुना।

गन्‍ती 10:33

परमप्रभुया पर्वत, सीनै त्‍वःताः इपिं स्‍वन्‍हु तक न्‍ह्याः वन। इमिगु निंतिं बाय् च्‍वनेगु थाय् मालेत परमप्रभुया बाचाया सनू थुपिं स्‍वन्‍हु तक हे इमिगु न्‍ह्यः न्‍ह्यः वन।

गन्‍ती 14:20

परमप्रभुं धयादिल, “छं धाःकथं जिं थुमित क्षमा बिया।

मत्ती 11:28

“कु क्‍वबिया त्‍यानुचाःपिं फुक्‍कं जिथाय् झासु लंकः वा, जिं छिमित आराम बी।

व्‍यवस्‍था 1:30

छिमिगु न्‍ह्यःने झायादीम्‍ह, छिमि परमप्रभु परमेश्‍वर थः हे मिश्रय् छिमिगु मिखाया न्‍ह्यःने ल्‍वानादीगु थें हे छिमिगु पंलिनाः ल्‍वानादी।

व्‍यवस्‍था 1:33

वय्‌कलं छिमिगु निंतिं बाय् च्‍वनेगु थाय् मालेत व छिपिं वनेमाःगु लँपु क्‍यनेत चान्‍हय् मि व न्‍हिनय् सुपाँचय् जुयाः यात्रा धुछि न्‍ह्यःने न्‍ह्यःने झायादिल।

व्‍यवस्‍था 12:9

छाय्‌धाःसा छिपिं याउँक च्‍वनेगु थाय् व परमप्रभु परमेश्‍वरं छिमित बियादीत्‍यंगु सर्बयलय् आः तक नं मथ्‍यंनि।

व्‍यवस्‍था 2:7

परमप्रभु परमेश्‍वरं छिमित ल्‍हातं यायेगु फुक्‍क ज्‍याय् सुवाः बियादीगु दु। वय्‌कलं छिमित थ्‍व तःधंगु मरुभूमिया यात्रा दुच्‍छि बिचाः यानादीगु दु। थुपिं पिइदँया इलय् परमप्रभु परमेश्‍वर छिपिंनापं च्‍वनादीगु दु। अले छिमित छुं नं मगाःमचाः जूगु मदु।

व्‍यवस्‍था 8:16

मरुभूमिइ छिमित क्‍वमिलु यायेत व छिमिगु मन स्‍वयाः लिपा छिमिगु भिं यायेत वय्‌कलं छिमित छिमि पुर्खातय्‌सं मस्‍यूगु मन्‍ना नकादिल।

यहोशू 1:13

“परमप्रभु छिमि परमेश्‍वरं छिमित आराम बियादी अले छिमित थ्‍व देश बियादीगु दु धकाः परमप्रभुया दास मोशां छिमित ब्‍यूगु आज्ञा लुमंकी।