यर्मिया 31:14 - नेवाः बाइबल

¹⁴ पुजाहारीतय्‌त जिं भिंगु भिंगु नसां प्‍वाः जाय्‌काबी। जि प्रजा जिगु भिंगु ज्‍यां लुधनी,” परमप्रभुं धयादी।

यर्मिया 31:14 ပူးပေါင်းရင်းမြစ်များ

२ इतिहास 6:41

“हे परमप्रभु परमेश्‍वर, दनाः छि थःगु शक्तिया सनूनापं थःगु आरामया थासय् झासँ। हे परमप्रभु परमेश्‍वर छिकपिनि पुजाहारीतय्‌त उद्धारया वसः फिकादिसँ। छु भिंगु खः, उकी छिकपिनि मनूत लय्‌तायाच्‍वनेमा।

नहेम्‍याह 10:39

इस्राएलीत व लेवीतय्‌सं देछाया अन्‍न, न्‍हूगु दाखमद्य व चिकं पवित्र थासय् छ्यलेगु थलबल दुगु धुकुतिइ हयेमाः। थ्‍व हे सेवा याइपिं पुजाहारी, देगलय् पिवाः च्‍वनिपिं व म्‍ये हालीपिं च्‍वनीगु थाय् खः। “जिमिसं थः परमप्रभु परमेश्‍वरयागु देगः बांलाक स्‍वये।”

भजनसंग्रहया सफू 107:9

छाय्‌धाःसा वय्‌कलं प्‍याःचाःपिन्‍त चित्त बुझे यानादी, अले नये पित्‍यापिन्‍त भिंगु भिंगु चिजं लुधंकादी।

भजनसंग्रहया सफू 132:16

थनयापिं पुजाहारीतय्‌त जिं उद्धारया वसः फीकाबी, अले थनच्‍वंपिं विश्‍वास यायेबहःपिं मनूतय्‌सं लय्‌लय्‌तातां म्‍ये हाली।

भजनसंग्रहया सफू 132:9

छिकपिनि पुजाहारीत धर्मी जुइमा। अले छिकपिनि विश्‍वास यायेबहःपिं मनूतय्‌सं लय्‌लय्‌तातां म्‍ये हालेमा।

भजनसंग्रहया सफू 17:15

जिं धाःसा छुं मभिंगु मयानागुलिं छिगु ख्‍वाः खनी। जि दनावयेबलय् छितः स्‍वयेदयाः तसकं लय्‌ताये।

भजनसंग्रहया सफू 36:8

छिं इमित गाक्‍क नकेबियाच्‍वनादीगु दु। छिं थःगु लसताया खुसिं इमित लः त्‍वंकेबियाच्‍वंगु दु।

भजनसंग्रहया सफू 63:2

जिं छितः पवित्र थासय् खनागु दु। अले छिगु शक्ति व महिमा नं खना।

भजनसंग्रहया सफू 63:5

जिगु नुगः तःजिगु भ्‍वय् नये थें लुधंगु दु। जिगु म्‍हुतुं छिगु म्‍ये हालाः छितः तःधंकाच्‍वनी।

भजनसंग्रहया सफू 63:6

जिं लासाय् नं छितः लुमंके। चच्‍छिं जिं छिगु ध्‍यान यानाच्‍वने।

भजनसंग्रहया सफू 65:4

धन्‍य खः छिं ल्‍ययाः थःनापं पवित्र थासय् हःपिं मनूत। छिगु पवित्रगु देगःया आशिषं जिपिं तसकं लुधं।

भजनसंग्रहया सफू 85:13

धार्मिकता परमप्रभुया न्‍ह्यः न्‍ह्यः वनी, अले वय्‌कःया निंतिं लँ दय्‌की।

भजनसंग्रहया सफू 90:14

सुथ पतिकं थःगु सदां दयाच्‍वनीगु दया मायां जिमित जाय्‌कादिसँ। अले जिमिसं भजन हाले फयेमा व म्‍वानाच्‍वंतले लय्‌तायाच्‍वने फयेमा।

श्रेष्‍ठगीत 5:1

हे जिमि तसकं यःम्‍ह मय्‌जु, जिमि भम्‍चा, जि जिगु बगैँचाय् वयागु दु, जिं जिगु नस्‍वाःगु मसलानापं मूर्र मुनागु दु। जिं जिगु हाप्‍वः व कस्‍ति नयागु दु। जिं जिगु दाखमद्य व दुरु त्‍वना। नयेगु या, हे जिमि पासा, त्‍वँ, अले मतिनां मजाःतले त्‍वँ, जिमि प्रिय।

यशैया 25:6

थन सियोन पर्वतय् दक्‍व शक्ति दुम्‍ह परमप्रभुं पृथ्‍वीया फुक्‍क जातिया निंतिं छगू भ्‍वय् तयार यानादी। व भ्‍वय् तसकं साःगु चीजबीजं व दक्‍वसिबय् भिंगु दाखमद्यं जाःगु जुइ।

यशैया 61:6

अले छिमित परमप्रभुया पुजाहारी धकाः धाइ, छिमित झी परमेश्‍वरया दासया नां बी। छिमिसं जाति-जातितय्‌गु धन सम्‍पत्तिं नइ, अले इमिगु हे धन-सम्‍पत्ति छिमिगु निंतिं फुइँ जुइ।

यर्मिया 31:25

छाय्‌धाःसा जिं त्‍यानुचाःपिन्‍त आराम बी, अले दुःख जुयाच्‍वंपिन्‍त सुख बी।”

यर्मिया 33:9

अले थुकिया निंतिं जिं यानागु फुक्‍क भिंगु भिंगु ज्‍याया बारे न्‍यनीपिं थ्‍व संसारया फुक्‍क जातितय्‌गु न्‍ह्यःने थ्‍व शहरं जितः नां, लसता व हनाबना हयाबी। जिं थुकिया लागि यानागु फुक्‍क भिंगु ज्‍याया बारे उपिं जातितय्‌सं न्‍यनी, अले जिं थुकियात बियागु गाक्‍क सुख शान्‍तिया कारणं इपिं ग्‍यानाः थुरथुर खाइ।’

यर्मिया 50:19

तर जिं इस्राएलयात वयागु थःगु हे ख्‍यलय् लित हये अले व कर्मेल व बाशानय् जइ। वयागु नये पित्‍याःगु एफ्राइम व गिलादया डाँडाय् लुधनी।”

इजकिएल 34:14

जिं इमित बांलाःगु घाँय्‌ख्‍यलय् ज्‍वये। इस्राएलया ततःजाःगु पहाडत इमिगु ज्‍वयेगु थाय् जुइ। अन इपिं भिंगु ख्‍यलय् ग्‍वार्तुलाच्‍वनी। इस्राएलया पहाड पहाडय् भिंगु ख्‍यलय् इपिं ज्‍वये खनी।

हाग्‍गै 2:19

भखारिइ अन्‍न ल्‍यंदनि ला? आःतक दाखमा, यःमरिमा, धालय्‌मा व जैतूनया सिमाय् फल मसःनि। “‘थनिनिसें जिं छिमित सुवाः बी।’”

मत्ती 5:6

परमेश्‍वरया न्‍ह्यःने धर्मी ठहरय् जुइत पित्‍याकाः प्‍याय्‌चाय्‌का जुइपिं मनूत धन्‍यपिं खः, परमेश्‍वरं इमित लुधंकादी।

एफिसी 1:3

ख्रीष्‍टयात विश्‍वास यानागुलिं परमेश्‍वरं झीत स्‍वर्गयागु फुक्‍क आशिष बियादीगुलिं झी प्रभु येशू ख्रीष्‍टया बाः परमेश्‍वरयात तःधंकेमाः।

एफिसी 3:19

दक्‍व ज्ञान बुद्धि स्‍वयाः नं तःधंगु वय्‌कःयागु मायायात छिमिसं थुइके फयेमा, अले वय्‌कःयागु फुक्‍क भिंगु बांलाःगु खं छिमिगु नुगः जायाच्‍वनेमा धकाः नं जिं प्रार्थना यानाच्‍वनागु दु।

व्‍यवस्‍था 33:23

नप्‍ताली कुलया बारे वं थथे धाल, “नप्‍ताली, छिपिं परमप्रभुया कृपां लुधंपिं अले परमप्रभुया सुवालं जाःपिं खः। छिमिसं दच्‍छिनपाखे गालील समुद्र तक अधिकार याइ।”

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

प्रकाश 5:10

छिं हे इमित झी परमेश्‍वरया सेवा यायेत छगू राज्‍य व पुजाहारीत दय्‌कादिल। अले इमिसं संसारय् राज्‍य याइ।”