यर्मिया 30:9 - नेवाः बाइबल

⁹ तर इमिसं जि परमप्रभु थः परमेश्‍वरयागु व जिं इमिगु लागि ल्‍ययाम्‍ह दाऊद जुजुया सेवा याइ।

यर्मिया 30:9 ပူးပေါင်းရင်းမြစ်များ

भजनसंग्रहया सफू 89:49

हे परमप्रभु, छिगु न्‍हापायागु सदां दइगु दया माया गन वन? छिं थःगु विश्‍वास याये बहःसुलिइ दाऊदनापं पाफयादीगु गन दु?

यर्मिया 23:5

“स्‍व, थज्‍याःगु दिं वयाच्‍वंगु दु, गबले जिं दाऊदया वंशपाखें छगू धर्मी कचायात पिकाय्। वं जुजु जुयाः बुद्धिं शासन याइ। वं देशय् न्‍याय व पाय्‌छिगु ज्‍या याइ।

यर्मिया 29:11

छाय्‌धाःसा जिं छिमिगु निंतिं गुगु योजना दय्‌कागु दु, व जिं स्‍यू,” परमप्रभुं धयादी। “व छिमिगु भिंया लागि खः, छिमित स्‍यंकेत मखु, छिमित बांलाःगु भविष्‍य व आशा बीत।

यर्मिया 30:21

इमि नायः इपिं मध्‍ये हे छम्‍ह जुइ। इमि शासक इमिगु दथुं हे पिहां वइ। जिं वयात सःतेबलय् व जिगु लिक्‍क वइ। छाय्‌धाःसा जिं मसःतेकं सुनां जिगु न्‍ह्यःने वयेगु साहस याइ?’ परमप्रभुं धयादी।

यर्मिया 33:15

“‘व दिंखुन्‍हु, जिं दाऊदया वंशपाखें छगू धर्मी कचायात पिकाय्। उम्‍ह जुजुं देशन्‍यंक भिंगु व न्‍याययागु ज्‍या याइ।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

मत्ती 2:2

अले इमिसं मनूतय्‌के थथे धकाः न्‍यन – “यहूदीतय् जुजु जुयाः बूम्‍ह गन दु? वय्‌कः बूगु खँ सीकेगु छगः नगु पुर्बय् खनागुलिं वय्‌कःयात दर्शन यायेत जिपिं थन वयागु खः।”

लूका 1:69

वय्‌कलं हे झीत छम्‍ह तसकं तःधंम्‍ह मुक्तिदाता बियादिल। झीम्‍ह मुक्तिदाता वय्‌कःया च्‍यः जुजु दाऊदया सन्‍तानपाखें झाइ।

प्रेरित 13:23

“थ्‍व हे मनूया कुलं परमेश्‍वरं इस्राएलयात मुक्ति बीम्‍ह येशूयात छ्वयाहयादिल। थथे छ्वयाहये धकाः वय्‌कलं न्‍हापा हे बचं बियादीगु खः।

प्रेरित 13:34

“परमेश्‍वरं वय्‌कःयात गुबलें सीम्‍वाय्‌क म्‍वाकादीगु खँय् थथे धयादिल – “‘जिं दाऊदयात बी धकाः धयागु पवित्र आशिष छिमित बी।’

प्रेरित 2:30

दाऊद छम्‍ह अगमवक्ता जूगुलिं, परमेश्‍वरं वया हे छम्‍ह सन्‍तानयात सिंहासनय् तयादी धकाः पाफयादीगु खँ स्‍यूगुलिं,