यर्मिया 30:8 - नेवाः बाइबल

⁸ “‘दक्‍व शक्ति दुम्‍ह परमप्रभुं धयादी, उखुन्‍हु जिं व जुवा इमिगु ककुं त्‍वथुलाबी, अले इमिगु सिखः कुचा कुचा यानाबी। इपिं हाकनं विदेशीतय् दास जुइ मखु।

यर्मिया 30:8 ပူးပေါင်းရင်းမြစ်များ

भजनसंग्रहया सफू 107:14

वय्‌कलं इमित तसकं खिउँगु व कालया किपालुं पित हयादिल, अले इमिगु सिखः कुचा कुचा यानादिल।

यशैया 10:27

उखुन्‍हु इमिगु कु छिमिगु ब्‍वहलय् व इमिगु ककुसिँ छिमिगु गःपतं चीकाछ्वइ वय्‌कलं दासत्‍वया जुवा त्‍वःथुलादी अले थुकियात छिमिगु ब्‍वहलं चीकादी।

यशैया 14:1

परमप्रभुं याकूबया घरानायात दया यानादी, वय्‌कलं इस्राएलयात हाकनं छकः थः मनूकथं ल्‍ययाः इमिगु थःगु हे देशय् पलिस्‍था यानादी, अन पिने वःपिं मनूत इपिंनापं मिलय् जू वइ अले याकूबया घरानानापं मिलय् जुयाच्‍वनी।

यशैया 14:25

जिं अश्‍शूरीतय्‌त जिगु हे देशय् नाश याये, जिं इमित जिगु पर्वतय् पालिं न्‍हुत्तुन्‍हुयातये, अश्‍शूरीतय्‌गु जुवां व इमिसं क्‍वबिया च्‍वंगु ब्‍वःझं जिमि प्रजायात मुक्त याये।”

यशैया 14:3

परमप्रभुं छिमिगु दुःखकष्‍ट व छिमिसं यानावःगु थाकुगु थाकुगु ज्‍यापाखें छिमित छुत्‍कारा बियादीबलय्

यशैया 9:4

छाय्‌धाःसा छिं इमिगु जुवा व ब्‍वहलय् च्‍वंगु कथियात, इमित अत्‍याचार याःपिनिगु तुतांयात त्‍वथुलादीगु दु। अले इमित मिद्यानया सिपाइँतय्‌त बुकु थें छिं थः प्रजायात अत्‍याचार याःपिन्‍त व क्‍वत्‍यलातःपिन्‍त बुकादीगु दु।

यर्मिया 2:20

“यक्‍व न्‍हापा हे छं थःगु जुवा त्‍वःथुल, सिखःयात चफ्‍फुनाबिल, अले धाल, जिं छिगु सेवा याये मखुत। धात्‍थें फुक्‍क डाँडा डाँडाय् व फुक्‍क वाउँगु सिमाया क्‍वय् व वेश्‍या थें क्‍वछुल।

यर्मिया 25:14

छाय्‌धाःसा यक्‍व जातिं व ततःधंपिं जुजुपिन्‍सं इमित दास दय्‌की। जिं इमिगु ज्‍या व ल्‍हाःया ज्‍याकथं इमित फल बी।”

यर्मिया 27:2

परमप्रभुं जितः थथे धयादिल, “छेंगूया खिपः व सिँया गजबारं छगू जुवा दय्‌कि, अले छंगु ककुइ ति।

यर्मिया 27:7

वयागु थःगु जाति पतन जुइगु ई मवतले थ्‍व फुक्‍क जातिं वयागु, वया काय्‌यागु व वया छय्‌यागु सेवा याइ। अनंलि यक्‍व जाति व ततःधंपिं जुजुपिन्‍सं वयात थःगु बसय् तइ।

यर्मिया 28:10

अनंलि हनन्‍याह अगमवक्तां यर्मिया अगमवक्ताया ककुं व जुवा लिकयाः त्‍वथुलाबिल।

यर्मिया 28:13

“वनाः हनन्‍याहयात थथे धा, ‘परमप्रभुं थथे धयादी – छं सिँयागु जुवा ला त्‍वथुलाबिल तर जिं उकिया पलेसा नँयागु जुवा हये।

यर्मिया 28:4

जिं यहोयाकीमया काय् यहूदाया जुजु यहोयाकीन व यहूदां ज्‍वनाः बेबिलोनय् यंकूपिं मेपिं सकसित नं हाकनं थ्‍व थासय् लित हये,’ परमप्रभुं धयादी, ‘छाय्‌धाःसा जिं बेबिलोनयाम्‍ह जुजुया जुवा त्‍वथुलाबी।’”

इजकिएल 30:18

तहपनेसय् जिं मिश्रीतय्‌गु जुवा त्‍वथुलाबीबलय् अन न्‍हिनय् हे खिउँसे च्‍वनी, वं घमण्‍ड याइगु वयागु शक्तिया नाश जुइ। वयात सुपाँचं त्‍वपुइ, वया गांतय्‌त ज्‍वना यंकी।

इजकिएल 34:27

ख्‍यलय् दुगु सिमातय्‌सं फलफुल बी, जमिनं थःगु बाली बी, मनूत देशय् सुरक्षित जुइ। इमिगु जुवाया सिँ त्‍वधुलाः इमित दास दय्‌कूपिंपाखें त्‍वःतकीबलय् जि हे परमप्रभु खः धकाः इमिसं सी।

नहूम 1:13

आः इमिगु झ्‍यातुगु कु जिं छंगु ब्‍वहलं लिकायाबी, अले छिमित चिनातःगु सिखः चफुनाबी।”