यर्मिया 30:5 - नेवाः बाइबल

⁵ परमप्रभुं थथे धयादी, “‘ख्‍याइगु सः, छगू भयया ख्‍वःसः ताये दयाच्‍वंगु दु तर शान्‍तियागु मखु।

यर्मिया 30:5 ပူးပေါင်းရင်းမြစ်များ

यशैया 5:30

व दिं वइबलय् समुद्रं सः पिकया हः थें इपिं वयाथाय् हाः वइ। व देशयात स्‍वःसा, अन खिउँगु व कष्‍ट जक दु अले जःयात सुपाचं त्‍वपुयाः खिउँकाबी।

यशैया 59:11

झीपिं सकलें भालुत थें हाली। अले सुकुभत्तुं थें तसकं विलाप याइ। झीसं न्‍याय फ्‍वनी तर सुयातं नं व दइ मखु, मुक्तिया लँपु मालाच्‍वनी तर व झीपिंपाखें तापाक्‍क हे दु।

यर्मिया 12:12

मरुभूमियागु फुक्‍क नांगा डाँडाय् नाश याइपिं थाहां वःगु दु। परमप्रभुयागु तरवारं देशयागु छगू कुन्‍चांनिसें मेगु कुन्‍चा तक नाश याइ, अले सुं नं सुरक्षित जुइ मखु।

यर्मिया 25:36

फैजवाःत पिच्‍याना हाःगु सः न्‍यँ, अले बथांया नायःत ख्‍वःगु सः न्‍यँ। छाय्‌धाःसा परमप्रभुं इमिगु ख्‍यः नाश यानादीगु दु।

यर्मिया 30:4

इस्राएल व यहूदाया बारे परमप्रभुं धयादीगु खँ थ्‍व हे खः,

यर्मिया 46:5

तर जिं छु खनाच्‍वना? इपिं ला ग्‍यानाच्‍वंगु दु। इपिं लिचिलाच्‍वंगु दु। इमि सिपाइँत बुत। इपिं हथाय् पथासं बिस्‍युं वनाच्‍वंगु दु। इमिसं लिफः मस्‍वः, प्‍यखेरं आतंक हे आतंक दु,” परमप्रभुं धयादी।

यर्मिया 6:22

परमप्रभुं थथे धयादी, “स्‍व, उत्तरय् लाःगु देशं छगू सेना वयाच्‍वंगु दु, पृथ्‍वीया तापाःगु थासं छगू बल्‍लाःगु जाति लडाइँया लागिं तयार जुयाच्‍वंगु दु।

यर्मिया 6:26

हे जिमि मनूत, भांग्राया वसः फिनाः नउलय् ग्‍वारा ग्‍वारा तु। याकः काय्‌या लागि ख्‍वय् थें हे ह्वाँय्‌ह्वाँय् ख्‍व। छाय्‌धाःसा नाश याइम्‍ह झीथाय् आकाझाकां वइ।

यर्मिया 8:16

शत्रुतय् सलतय्‌गु स्‍वाँ स्‍वाँ याःगु सः दानपाखें ताये दयाच्‍वंगु दु। इमि बल्‍लाःपिं सलत हाःगु सः न्‍यनाः देशयापिं सकलें मनूत थरथर खात। इपिं देशयात अले अन दुगु फुक्‍क खँयात नाश यायेत वःगु दु। शहर व अन च्‍वंपिन्‍त।

यर्मिया 8:19

ध्‍यान बियाः न्‍यँ! तापाःगु देशं जिमि मनूत ख्‍वयाच्‍वंगु सः ताये दयाच्‍वंगु दु। “छु परमप्रभु सियोनय् मदी ला? छु आः अन जुजु मदी ला?” “इमिसं छाय् जितः थःगु मूर्तितपाखें व ज्‍यालगे मजूगु विदेशी मूर्तितपाखें तंचायेकूगु?”

यर्मिया 9:19

सियोनयापिं ख्‍वयाच्‍वंगु सः ताये दयाच्‍वंगु दु, ‘जिपिं गय् यानाः नाश जुल। जिमित तसकं बेइज्‍जत याःगु दु, जिमिसं थःगु देश त्‍वःते हे माः, छाय्‌धाःसा इमिसं जिमिगु छेँ नाश यानाब्‍यूगु दु।’”

आमोस 8:10

जिं छिमिगु नखःचखःयात दुखं च्‍वनीगु दिनय् व छिमिगु दक्‍व म्‍येयात ख्‍वःसलय् हिलाबी। जिं छिपिं सकसितं भांग्रा फीकेबी अले सँ खाकेबी। याकः काय्‌या निंतिं दुखं च्‍वंथें व ईयात यानाबी। व दिं तसकं म्‍हाइपूगु दिं जुइ।

हबकूक 1:10

इमिसं जुजुतय्‌त गिजय् याइ अले शासकतय्‌त हेस्‍याइ। किल्‍ला दुगु दक्‍व शहरत खनाः इपिं न्‍हिली, चायागु द्वम्‍बःचात दय्‌काः इमिसं व त्‍याकाकाइ।

हबकूक 1:6

स्‍व, जिं बेबिलोनीतय्‌त थने, व जाति तसकं नुगः छाःगु व लाः लाः थें यानाजुइगु जाति खः, मेपिनिगु च्‍वनेगु थाय् लाकाकायेत इपिं पृथ्‍वी न्‍यंकनं वनी।