यर्मिया 30:3 - नेवाः बाइबल

³ जिं जिमि प्रजा इस्राएल व यहूदायात बेबिलोनं लित हयेगु दिं वयेत्‍यंगु दु। जिं इमि पुर्खातय्‌त बियागु देशय् जिं इमित लित हये। इमिसं हाकनं उगु देशय् अधिकार याइ,’” परमप्रभुं धयादी।

यर्मिया 30:3 ပူးပေါင်းရင်းမြစ်များ

एज्रा 3:1

न्‍हय्‌गूगु ला क्‍यंबलय् थथःगु शहरय् च्‍वनेधुंकूपिं इस्राएलीत सकलें छप्‍पँ जुयाः यरूशलेमय् मुंवल।

एज्रा 3:12

न्‍हापायागु देगः खंपिं बुरापिं पुजाहारीत, लेवीत व परिवार परिवारया नायःत थ्‍व देगःया जग तःगु खनाः ह्वाँय्‌ह्वाँय् ख्‍वल। मेपिन्‍सं धाःसा लय्‌लय्‌तायाः जयजय यात।

एज्रा 3:8

यरूशलेमय् परमेश्‍वरया देगलय् इपिं थ्‍यंकः वःगु निगूगु दँया निगूगु लाय् शालतिएलया काय् यरूबाबेल, योसादाकया काय् येशूअ, पुजाहारीत, लेवीत अले बेबिलोनं लिहांवःपिं सकसिनं ज्‍या शुरु यात। परमप्रभुया देगः दय्‌काच्‍वंगु ज्‍या स्‍वयेत निइदँ व व स्‍वयां च्‍वय्‌यापिं लेवीतय्‌त इमिसं ल्‍यल।

भजनसंग्रहया सफू 126:4

हे परमप्रभु! नेगेवया गंगु बँय् खुसित न्‍ह्याःगु थें हे जिमिगु अवस्‍था हाकनं बांलाकादिसँ।

भजनसंग्रहया सफू 53:6

इस्राएलीतय्‌गु उद्धार सियोनं वःगु जूसा गुलि बांलाइ! गुबलय् परमेश्‍वरं थःमनूतय्‌गु अवस्‍था हाकनं बांलाकादी, उबलय् इस्राएलया मनूत लय्‌तायाः हाली।

यर्मिया 16:15

तर इमिसं धाइ, ‘इस्राएलीतय्‌त उत्तरयागु देश व मेगु फुक्‍क देशं गन गन वय्‌कलं इमित पितिना छ्वयादीगु खः, व फुक्‍क देशं पित हयादीम्‍ह गथे परमप्रभु धात्‍थें म्‍वाःम्‍ह खः।’ छाय्‌धाःसा जिं इमि तापाःबाज्‍यापिन्‍त बियागु देशय् जिं इमित हाकनं हये।

यर्मिया 23:5

“स्‍व, थज्‍याःगु दिं वयाच्‍वंगु दु, गबले जिं दाऊदया वंशपाखें छगू धर्मी कचायात पिकाय्। वं जुजु जुयाः बुद्धिं शासन याइ। वं देशय् न्‍याय व पाय्‌छिगु ज्‍या याइ।

यर्मिया 27:11

तर छुं जातिं बेबिलोनयाम्‍ह जुजुया जुवा थःगु ककुइ तयाः वयागु सेवा याइ, जिं उगु जातियात वयागु थःगु हे देशय् बुँज्‍या याकेबी अले च्‍वनेबी,”’” परमप्रभुं धयादी।

यर्मिया 27:22

‘व फुक्‍क सामान बेबिलोनय् यंकीगु जुइ। अले जिं इमित वास्‍ता मयातले व सामान अन हे दयाच्‍वनी अले जिं व सामान हाकनं लित हये, अले यरूशलेमय् हाकनं तये,’” परमप्रभुं धयादी।

यर्मिया 29:10

परमप्रभुं थथे धयादी, “बेबिलोनया न्‍हयेदँ पूवने धुंकाः जि छिमिथाय् वये, अले छिमित थ्‍व थासय् लित हये धयागु जिगु बचं पूवंके।

यर्मिया 29:14

छिमिसं जितः लुइकी,” परमप्रभुं धयादी, “अले छिमित कैदं लित हये। जिं छिमित ज्‍वंकाछ्वयागु फुक्‍क जाति व फुक्‍क थासं जिं छिमित मुंके,” परमप्रभुं धयादी। “गुगु थासं जिं छिमित ज्‍वंकाछ्वयागु खः जिं छिमित व हे थासय् लित हये।”

यर्मिया 3:18

अबलय् इस्राएलया मनूत यहूदाया मनूतलिसें मिलय् जुइ, इपिं छकलं उत्तरय् च्‍वंगु देशं लिहां वयाः जिं इमि पुर्खातय्‌त न्‍ह्याबलेंया निंतिं बियागु देशय् वइ।

यर्मिया 30:10

“‘उकिं परमप्रभुं धयादी, हे जिम्‍ह दास, याकूबया सन्‍तान, ग्‍याये मते। हे इस्राएलयापिं मनूत, नुगः क्‍वतुंके मते। जिं थम्‍हं हे छिमित तापाःगु देशं व छिमि सन्‍तानयात ज्‍वनायंकातःगु देशं बचय् यानाः हये। याकूबयात हाकनं शान्‍ति व सुरक्षा दइ। सुनानं वयात ख्‍याये फइ मखु।’

यर्मिया 30:18

“परमप्रभुं थथे धयादी, “‘जिं थःम्‍हं हे थः प्रजायात इमिगु देशय् लित हये अले फुक्‍क परिवारयात दयामाया याये। शहरयात व नाश जूगु थासय् हे हाकनं दय्‌की। जुजुया दरबार नं हाकनं थःगु थासय् दय्‌की।

यर्मिया 30:4

इस्राएल व यहूदाया बारे परमप्रभुं धयादीगु खँ थ्‍व हे खः,

यर्मिया 31:16

परमप्रभुं थथे धयादी, “ख्‍वःसः दिकि, मिखां ख्‍वबि पिकाये मते। छाय्‌धाःसा छिमिगु ज्‍याया सिरपाः दइ,” परमप्रभुं धयादी, “इपिं शत्रुया देशं लिहां वइ।

यर्मिया 31:23

दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “जिं थः मनूतय्‌त थःगु देशय् लित हयेबलय् इमिसं हाकनं छकः यहूदा देश व उकिया शहरय् हाकनं थथे धाइ, ‘परमप्रभुं थः च्‍वनीगु यरूशलेमया पवित्र डाँडायात सुवाः बियादीमा।’

यर्मिया 31:27

परमप्रभुं धयादी, “जिं इस्राएलया घराना व यहूदाया घरानाया मनूतय्‌गु ल्‍याः व पशुतय्‌गु ल्‍याः यक्‍व अप्‍वय्‌काबीगु दिं वयेत्‍यंगु दु।

यर्मिया 31:31

परमप्रभुं धयादी, “इस्राएलयापिं व यहूदायापिंलिसे जिं न्‍हूगु बाचा चीत्‍यनागु ई वयाच्‍वंगु दु।

यर्मिया 31:38

परमप्रभुं धयादी, “हननेलया धरहरांनिसें कुन्‍चाय् च्‍वंगु मू लुखा तक थ्‍व शहर जिगु निंतिं हाकनं दय्‌कीगु दिं वयाच्‍वंगु दु।

यर्मिया 32:37

स्‍व! जिं थःम्‍हं हे इमित छु छु देशय् तंमय्‌ जबरजस्‍ती पित छ्वयागु खः अनं इमित लित हयाः थ्‍व हे शहरय् मुंके। जिं इमित याउँक च्‍वनेबी।

यर्मिया 32:44

बेन्‍यामीनया लागाय्, यरूशलेमया जःखः च्‍वंगु गामय्, यहूदाया शहर शहरय्, पहाडी देशया शहर शहरय्, पच्‍छिमया फेदी व नेगेवया शहर शहरय् वहः बियाः मनूतय्‌सं बुँ न्‍याइ, इमिसं साक्षी तयाः भ्‍वँतय् सही याइ अले उकी छाप तइ, छाय्‌धाःसा जिं हाकनं इमित इमिगु देशय् लित हये, जि, परमप्रभुं धाये।”

यर्मिया 33:26

अले जक जिं याकूबयात व जिम्‍ह दास दाऊदया सन्‍तानयात त्‍वःताबी, अले वया सन्‍तानत मध्‍ये छम्‍हय्‌सित नं अब्राहाम, इसहाक व याकूबया वंशयात राज्‍य यायेत जिं ल्‍यये मखु। छाय्‌धाःसा जिं इमिगु सुख शान्‍ति लित हयाबी अले इमित दयामाया याये।’”

यर्मिया 51:60

बेबिलोनय् याकनं वइगु विपत्तित यर्मियां छथू भ्‍वँतय् च्‍वःगु खः, वं च्‍वःगु फुक्‍क खँ बेबिलोनया बारे खः।

इजकिएल 20:42

जिं थःगु ल्‍हाः ल्‍ह्वनाः छिमित बी धकाः छिमि पुर्खातलिसे पाफयागु इस्राएल देशय् हयेबलय् छिमिसं जि हे परमप्रभु खः धकाः सी।

इजकिएल 34:13

जिं इमित जाति जातिया थासं लिगना हये, अले देश देशं मुंके। जिं इमित इमिगु थःगु हे देशय् हये, जिं इमित इस्राएलया पहाड पहाडय् उकिया खुसिचा खुसिचाय् व देशयागु फुक्‍क बस्‍तीइ ज्‍वये।

इजकिएल 36:24

“‘जिं जाति जातितपाखें छिमित पित हये। फुक्‍क देशं छिमित मुंके, अले छिमित छिमिगु थःगु हे देशय् लित हये।

इजकिएल 47:14

छिमिसं इमित बराबर यानाः इनाब्‍यु। थ्‍व छिमि पुर्खातय्‌त बी धकाः ल्‍हाः ल्‍ह्वनाः पाफयागुलिं थ्‍व देश छिमिगु सर्बय जुइ।

योएल 3:1

परमप्रभुं धयादी, “उगु दिनय् व उबलय् हे जिं यहूदा व यरूशलेमयापिं मनूतय्‌त हाकनं भिं यानाबी।

सपन्‍याह 2:7

अले व समुद्रया सिथय् च्‍वगु देय् यहूदाया खलःयापिं ल्‍यंदुपिं मनूतय्‌गु लागिं जुइ, इमिसं अन थः फैतय्‌त ज्‍वइ। अश्‍कलोनया छेँतय् इपिं बहनी द्यनी, छाय्‌धाःसा परमप्रभु इमि परमेश्‍वरं इमिगु भिंगु दिं हाकनं लित हयादी।

सपन्‍याह 3:20

उबलय् जिं छिमित मुंके अले छिमित छेँय् हये। जिं छिमिगु मिखाया न्‍ह्यःने हे छिमिगु भिंगु दिं लित बीबलय्, पृथ्‍वी न्‍यंक जिं धात्‍थें हे छिमिगु नां व प्रशंसा च्‍वन्‍ह्याकाबी,” परमप्रभु धयादी।

लूका 17:22

अले वय्‌कलं चेलातय्‌त धयादिल – “छन्‍हु अज्‍याःगु नं दिं वइतिनि गुखुन्‍हु छिमिसं मनूया काय्‌यात छकः जक स्‍वये दःसां ज्‍यू, धकाः धाइ। तर छिमिसं स्‍वये खनी मखु।

लूका 19:43

थज्‍याःगु ई वइतिनि गुबलय् छिमि शत्रुतय्‌सं छिमिगु शहरयात प्‍यखेरं घेरय् यानाः गनं वने मजीक कुना तइ।

लूका 21:6

अले येशूं धयादिल – “छिमिसं खनाच्‍वंगु थ्‍व फुक्‍कं छन्‍हु नाश जुइतिनि, अबलय् थ्‍व फुक्‍कं दुना वनाः ल्‍वहं छगः नं दइ मखुनि।”

व्‍यवस्‍था 30:3

ज्‍वनाः यंकूपिं छिमित परमप्रभु छिमि परमेश्‍वरं लित हयादी। अले वय्‌कलं छिमित गुगु जातितय्‌गु दथुइ छ्यालब्‍याल यानादीगु खः उपिं जातितय् दथुं माया यानाः हाकनं मुंकादी।

व्‍यवस्‍था 30:5

वय्‌कलं छिमित छिमि पुर्खातय्‌गु देशय् हयादी। अले छिमिसं व देशयात अधिकार याइ। वय्‌कलं छिमिगु भिं यानादी अले छिमि पुर्खातय्‌गु ल्‍याः स्‍वयाः छिमिगु ल्‍याः अप्‍वः यानादी।

हिब्रू 8:8

परमेश्‍वरं इमिगु द्वंबिद्वंयात क्‍यनाः थथे धयादिल – “इस्राएलयापिं व यहूदायापिंलिसे जिं न्‍हूगु बाचा चीत्‍यनागु ई वयाच्‍वंगु दु।