यर्मिया 30:23 - नेवाः बाइबल

²³ स्‍व, तम्‍वय् परमप्रभुयागु ग्‍वःफय् मुयावइ, दुष्‍टतय्‌गु छेनय् व न्‍याइ।

यर्मिया 30:23 ပူးပေါင်းရင်းမြစ်များ

भजनसंग्रहया सफू 58:9

कंया मिइ देछुइगु थल क्‍वाये न्‍ह्यः व वाउँगु जूसां गंगु जूसां उकियात फसं पुइकायंकू थें वय्‌कलं दुष्ततय्‌त पुइकायंकादी।

हितोपदेश 1:27

वाफय् वः थें छिमित आपत वइ, ग्‍वःफय् वः थें छिमित दुःख जुइ।

यर्मिया 25:32

दक्‍व शक्ति दुम्‍ह परमप्रभुं थथे धयादी, “स्‍व, विपत्ति छगू जातिं मेगु जाति तक न्‍यनावनी। पृथ्‍वीयागु कुन्‍चां तःधंगु ग्‍वःफय् वयाच्‍वंगु दु।”

यर्मिया 4:11

उबलय् थुपिं मनूत व यरूशलेमयात थथे धाइ, “मरुभूमिया नांगा डाँडा डाँडां क्‍वाःगु फय् जिमि मनूत दुथाय् न्‍ह्याइ। थ्‍व अन्‍नय् दुगु धू व सु पुइकायंकीगु बुलुहुं वइगु फय् मखु।

विलाप 1:12

थ्‍व लँपु जुयावनीपिं सकलें मनूत, छु छिमित थुकियागु छुं वास्‍ता मदु ला? प्‍यखेरं स्‍व व बिचाः या, थःगु तःधंगु तंया दिनय्, परमप्रभुं जितः बियादीगु दुःखकष्‍ट थें ज्‍याःगु मेगु छुं दुःख दु ला?

जकरिया 9:14

परमप्रभु शत्रुतय्‌थाय् खनेदः वइ अले वय्‌कःया वाण हाबलासा थें थी। दक्‍व शक्ति दुम्‍ह परमप्रभुं तुरही पुयादी, अले दच्‍छिनयागु ग्‍वःफसय् जुयाः वय्‌कः झायादी।