यर्मिया 30:21 - नेवाः बाइबल

²¹ इमि नायः इपिं मध्‍ये हे छम्‍ह जुइ। इमि शासक इमिगु दथुं हे पिहां वइ। जिं वयात सःतेबलय् व जिगु लिक्‍क वइ। छाय्‌धाःसा जिं मसःतेकं सुनां जिगु न्‍ह्यःने वयेगु साहस याइ?’ परमप्रभुं धयादी।

यर्मिया 30:21 ပူးပေါင်းရင်းမြစ်များ

उत्‍पत्ति 18:27

अब्राहामं हानं धाल, “जि ला थ्‍व पृथ्‍वीया धू व नौ जक जूसां जिं प्रभुलिसे थुकथं खँ ल्‍हायेफुगु दु।

उत्‍पत्ति 18:30

अब्राहामं धाल, “जिं हाकनं न्‍ह्यसः यात धकाः तंचायादी मते प्रभु, व शहरय् स्‍विम्‍ह जक भिंपिं मनूत दत धाःसा छिं छु यानादी?” वय्‌कलं धयादिल, “स्‍विम्‍ह जक दत धाःसां जिं नाश याये मखु।”

उत्‍पत्ति 18:32

दक्‍वसिबय् लिपा अब्राहामं हाकनं धाल, “जिं हाकनं छकः न्‍यने प्रभु, तंम्‍वयादी मते। अन झिम्‍ह जक भिंपिं मनूत दत धाःसा लय्?” वय्‌कलं धयादिल, “झिम्‍ह जक भिंपिं मनू दत धाःसां जिं शहरयात नाश याये मखु।”

उत्‍पत्ति 49:10

यहूदाया ल्‍हातिइ न्‍ह्याबलें राजदण्‍ड दइ, वया सन्‍तानं न्‍ह्याबलें शासन याइ। जाति जातितय्‌सं वयात कोसेलि हइ अले इमिसं वयाः वयात भागि याइ।

२ शमूएल 7:13

जिगु लागि देगः दय्‌कीम्‍ह व हे जुइ, अले जिं वयागु सिंहासन न्‍ह्याबलेंया लागि पलिस्‍था याये।

एज्रा 2:2

इमि नायःत थुपिं खः – यरूबाबेल, येशूअ, नहेम्‍याह, सरायाह, रेलयाह, मोर्दकै, बिल्‍शान, मिस्‍पार, बिग्‍वै, रेहूम व बानाहा। लिहांवःपिं इस्राएली मिजंतय्‌गु नां धलः थथे दु –

नहेम्‍याह 7:2

जिं जिमि किजा हनानीनापं किल्‍लाया कप्‍तान हनन्‍याहयात यरूशलेमय् शासन यायेगु जिम्‍मा बिया। व मेपिं मनूत स्‍वयाः तसकं विश्‍वास याये बहःम्‍ह व परमेश्‍वरया ग्‍याःभय काइम्‍ह खः।

भजनसंग्रहया सफू 65:4

धन्‍य खः छिं ल्‍ययाः थःनापं पवित्र थासय् हःपिं मनूत। छिगु पवित्रगु देगःया आशिषं जिपिं तसकं लुधं।

भजनसंग्रहया सफू 89:29

जिं वया वंशयात न्‍ह्याबलें तयातये, अले आकाश दतले वयागु सिंहासन दयाच्‍वनी।

प्रस्‍थान 3:5

परमेश्‍वरं धयादिल, “थुखे लिक्‍क वये मते। थःगु लाकां त्‍वः, छाय्‌धाःसा छ दनाच्‍वंगु थाय् पवित्रगु खः।”

यशैया 63:1

एदोमपाखें व बोज्रापाखें ह्याउँसे च्‍वंगु वसः पुनावःम्‍ह सु खः? झःझः धाःगु वसः पुनाः अले थःगु तःधंगु शक्तिं वयाच्‍वंम्‍ह सु खः? “धार्मिकतां न्‍ववाइम्‍ह व बचय् यायेत तसकं शक्ति दुम्‍ह जि हे खः।”

यर्मिया 30:9

तर इमिसं जि परमप्रभु थः परमेश्‍वरयागु व जिं इमिगु लागि ल्‍ययाम्‍ह दाऊद जुजुया सेवा याइ।

यर्मिया 33:15

“‘व दिंखुन्‍हु, जिं दाऊदया वंशपाखें छगू धर्मी कचायात पिकाय्। उम्‍ह जुजुं देशन्‍यंक भिंगु व न्‍याययागु ज्‍या याइ।

यर्मिया 49:19

स्‍व! यर्दनया झालं यक्‍व घाँय्‌ख्‍यः दुगु थासय् सिंह वः थें, जिं एदोमयात पलखं हे वयागु देशं लिनाछ्वये। अले सुयात जिं ल्‍यये वयात हे जिं तये। छाय्‌धाःसा जि थें जाःम्‍ह सु दु? सुनां जितः चुनौती बी फु? जिगु न्‍ह्यःने दनाच्‍वने फुम्‍ह सु फैजवाः दु?”

यर्मिया 50:44

स्‍व! यर्दनया झालं यक्‍व घाँय्‌ख्‍यः दुगु थासय् सिंह वः थें, जिं बेबिलोनयात पलखं हे वयागु देशं लिनाछ्वये। अले सुयात जिं ल्‍यये वयात हे जिं तये। छाय्‌धाःसा जि थें जाःम्‍ह सु दु? सुनां जितः चुनौती बी फु? जिगु न्‍ह्यःने दनाच्‍वने फुम्‍ह सु फैजवाः दु?”

इजकिएल 37:24

“‘जिम्‍ह दास दाऊद इमि जुजु जुइ, इमि छम्‍ह हे फैजवाः जुइ। इमिसं जिगु नियम पालन याइ, अले जिगु विधित पालन यानाः वकथं जुइ।

होशे 1:11

यहूदा व इस्राएलया मनूत मिले जुइ। अले इमिसं थःगु निंतिं छम्‍ह नायः ल्‍यइ, अले इपिं कैदी जुयाच्‍वंगु थासं लिहां वइ। धात्‍थें हे यिजरेलया व दिं छगू तःधंगु दिं जुइ।

गन्‍ती 16:40

गथे परमप्रभुं मोशापाखें वयात धयादीगु खः। हारूनया सन्‍तान बाहेक मेम्‍ह सुं मनू गुँगू च्‍याकेत न्‍ह्यःने मवयेमा धकाः होशियार यायेत इस्राएलीतय्‌त थ्‍व फुक्‍क जूगु खः। मखुसा व नं कोरह व वया पुचः थें जुइ।

गन्‍ती 16:5

अले वं कोरह व वयागु फुक्‍क पुचःयात थथे धाल, “कन्‍हय् सुथय् वय्‌कःयाम्‍ह सु खः, पवित्रम्‍ह सु खः, अले वय्‌कःया न्‍ह्यःने वनेत्‍यःम्‍ह सु खः धकाः परमप्रभुं हे क्‍यनादी। थम्‍हं ल्‍ययादीम्‍हय्‌सित वय्‌कलं थःगु न्‍ह्यःने वय्‌केबी।

मत्ती 2:2

अले इमिसं मनूतय्‌के थथे धकाः न्‍यन – “यहूदीतय् जुजु जुयाः बूम्‍ह गन दु? वय्‌कः बूगु खँ सीकेगु छगः नगु पुर्बय् खनागुलिं वय्‌कःयात दर्शन यायेत जिपिं थन वयागु खः।”

मत्ती 27:37

इमिसं “थ्‍व यहूदीतय् जुजु येशू खः” धकाः वय्‌कःयात दोष बियातःगु पौ वय्‌कःयागु छ्यंफुसय् तिनाबिल।

मत्ती 3:17

अले स्‍वर्गं थथे धयाहल – “थ्‍व जि यःम्‍ह काय् खः, थ्‍व खनाः जि तसकं लय्‌ताः।”

लूका 24:26

छु मुक्ति बीम्‍ह ख्रीष्‍टं थथे दुःख सियाः तिनि तःधं जुइगु मखु ला?”

प्रेरित 5:31

परमेश्‍वरं हे वय्‌कःयात तःधंकाः जव ल्‍हातय् तयादिल। इस्राएलीतय्‌त पश्‍चाताप याकाः पाप क्षमा बीकेत वय्‌कःयात हे जुजु व मुक्ति बीम्‍ह यानादिल।

रोमी 8:34

सुनां इमित दोषी याइ? दोषी यानादीम्‍ह ला सिनाः म्‍वानादी धुंकूम्‍ह ख्रीष्‍ट येशू हे खः। थ्‍व हे येशू परमेश्‍वरया जव ल्‍हाःपाखे दी। अले वय्‌कलं झीगु निंतिं परमेश्‍वरयात बिन्‍ति यानादी।

व्‍यवस्‍था 17:15

परमप्रभु छिमि परमेश्‍वरं ल्‍ययादीम्‍ह मनूयात हे छिमिसं जुजु दय्‌कि। छिमिगु दथुं हे सुं छम्‍हसित थः जुजु ल्‍ययेमाः। इस्राएली मखुम्‍ह परदेशीयात थः जुजु दय्‌के मते।

व्‍यवस्‍था 18:18

जिं इमि इस्राएली दाजुकिजातय् दथुं छ थें ज्‍याःम्‍ह छम्‍ह अगमवक्ता दय्‌के। जिं जिगु खँ वयागु म्‍हुतुइ तयाबी, अले वं जिं धयागु आज्ञा इमित कनाबी।

व्‍यवस्‍था 33:5

इस्राएलया कुलतनापं मनूतय् नायःत छथाय् मुंबलय् वय्‌कः येशूरुनया जुजु ज्‍वयादिल।”

हिब्रू 1:3

वय्‌कलं नवानादीगु खँय् हे थ्‍व संसार न्‍ह्यानाच्‍वंगु दु। परमेश्‍वरयागु महिमाया जः वय्‌कःयाके दु। वय्‌कः व परमेश्‍वर उतिग्‍यं। वय्‌कःया शक्ति दुगु वचनं हे थ्‍व संसार न्‍ह्यानाच्‍वंगु दु। मनूतय्‌त पापं छुतय् यानादी धुंकाः वय्‌कः दक्‍वसिबय् तःधंम्‍ह परमेश्‍वरयागु जवय् च्‍वनादीगु दु।

१ यूहन्‍ना 2:2

झीगु पापयागु निंतिं जक मखु, संसारय् च्‍वंपिं फुक्‍क मनूतय्‌गु पापया निंतिं वय्‌कः बलिदान जुयादीगु खः।

प्रकाश 19:16

वय्‌कःयागु वसतय् व वय्‌कःयागु खम्‍पाय् थ्‍व नां च्‍वयातःगु दु – “जुजुतय् नं जुजु व प्रभुतय् नं प्रभु।”