यर्मिया 30:19 - नेवाः बाइबल

¹⁹ अनयापिं मनूतय्‌सं प्रशंसाया म्‍ये हाली अले लय्‌ताइ। जिं इमिगु ल्‍याः अप्‍वय्‌काबी इमिगु ल्‍याः कम जुइ मखु। जिं इमित इज्‍जत बीके, सुनानं इमित क्‍वह्यंकी मखु।

यर्मिया 30:19 ပူးပေါင်းရင်းမြစ်များ

एज्रा 6:22

अले इमिसं सोडा मतःगु मरिया नखः न्‍हय्‌न्‍हु तक न्‍ह्यइपुक हन। परमप्रभुं अश्‍शूरयाम्‍ह जुजुयागु मन हिलादीगुलिं अले वं इस्राएलयाम्‍ह परमेश्‍वरयागु देगःया ज्‍याय् इमित ग्‍वाहालि ब्‍यूगुलिं इपिं थथे लय्‌ताःगु खः।

नहेम्‍याह 8:12

अले सकल इस्राएलीत छेँ वनाः न्‍ह्यइपुइकाः भ्‍वय् नल। थःके दुगु नसा मेपिन्‍त इनाबिल, छाय्‌धाःसा व्‍यवस्‍थाया सफुतिं ब्‍वनाः न्‍यंकूगु खँ इमिसं बांलाक थुल।

नहेम्‍याह 8:17

बेबिलोनं लिहांवःपिं सकसिनं बल्‍चात दय्‌काः उकी च्‍वन। धात्‍थें नूनया काय् यहोशू इस्राएलया नायः जूबलय् निसें कयाः थुबलय् तक इस्राएलीतय्‌सं गुबलय् नं थुकथं न्‍ह्यइपुइकाः बल्‍चाबाय्‌या नखः हंगु मदुनि।

भजनसंग्रहया सफू 53:6

इस्राएलीतय्‌गु उद्धार सियोनं वःगु जूसा गुलि बांलाइ! गुबलय् परमेश्‍वरं थःमनूतय्‌गु अवस्‍था हाकनं बांलाकादी, उबलय् इस्राएलया मनूत लय्‌तायाः हाली।

यशैया 12:1

व दिंखुन्‍हु छिमिसं थथे धाइ, “हे परमप्रभु, जिं छिगु प्रशंसा याये! छि जिनापं तंचायादीगु दु, अय्‌नं आः छिगु तं क्‍वलाय् धुंकूगु दु अले छिं जितः सान्‍त्‍वना बियादीगु दु।

यशैया 26:15

परमप्रभु, छिं जिमि जातियात ब्‍वलने बियादीगु दु। उकिया सिमाना चाकःछिं न्‍यनावने बियादीगु दु। थुकिं यानाः छिगु हनाबना जूगु दु।

यशैया 27:6

आः वइगु दिनय् याकूबया सन्‍तान इस्राएलया मनूतय्‌सं हा कयाच्‍वनी। अले इस्राएल मुखू ह्वयावइ व फल सय्‌की अले फुक्‍क पृथ्‍वी फलं जाइ।

यशैया 35:10

अले परमप्रभुं मू पुलाः छुत्‍कारा यानादीपिं लिहां वइ। इपिं सियोनय् म्‍ये हा हां दुहां वनी। न्‍ह्याबलेंया लसता इमिगु छ्यंया श्रीपेच जुइ। इमिसं लसता व खुशी लुइकी, अले दुःखकष्‍ट व झसुका इपिंपाखें तापाक्‍क हे जुइ।

यशैया 51:11

परमप्रभुं मू पुलाः छुत्‍कारा यानादीपिं हाकनं लिहां वइतिनि। इपिं सियोनय् म्‍ये हा हां दुहां वइ, अले इमिगु छ्यंया श्रीपेच न्‍ह्याबलेंया निंतिं लसता जुइ। इमिसं खुसि व लसता कायेखनी। अले दुखं व झसुका इपिंपाखें तापाक हे जुइ।

यशैया 51:3

परमप्रभुं धात्‍थें हे सियोनयात सान्‍त्‍वना बियादी, अले वय्‌कलं इमिगु झिजांमिजां दंगु थाय्‌यात दया यानादी, अले मरुभूमियात अदनया बगैँचा थें व अनयागु गंगु बँयात परमप्रभुया क्‍यब दय्‌कादी। अन लसता व आनन्‍द, सुभाय्‌या म्‍येया सः न्‍यनेदइ।

यशैया 52:9

हे यरूशलेमया भज्‍यंक नाश जूगु थाय्‌त, लसतां छसलं म्‍ये हा, छाय्‌धाःसा परमप्रभुं थः प्रजायात सान्‍त्‍वना बियादीगु दु। वय्‌कलं मू पुलाः यरूशलेमयात त्‍वःतकादीगु दु।

यशैया 55:5

छिमिसं म्‍हमस्‍यूगु जातितय्‌त सःता हइ, अले छिमिसं म्‍हमस्‍यूपिं जातित छिमिथाय् हथाय् चाचां वइ। छाय्‌धाःसा परमप्रभु छिमि परमेश्‍वर, इस्राएलया पवित्र परमेश्‍वरं छिमित गौरवं जाय्‌कादीगु दु।”

यशैया 60:19

न्‍हिनय् सूर्यनं छन्‍त गुबलें जः बी मखु, न तिमिलां हे छन्‍त जः बिया ज्‍वल्‍ल थीकी, छाय्‌धाःसा परमप्रभु हे छंगु निंतिं सदांया जः जुइ, छिमि परमेश्‍वर धाःसा छंगु महिमा जुयादी।

यशैया 60:22

छिपिं मध्‍ये कम दुपिं द्वलंद्वः दःवइ, अले दक्‍वसिबय् चिधिकःपिं दक्‍वसिबय् तःधंगु जाति जुइ। जि परमप्रभु खः, वयागु इलय् जिं व याकनं हे पूवंके।”

यशैया 60:9

धात्‍थें हे टापुतय्‌सं जितः स्‍वइ, तर्शीशया व्‍यापारीतय्‌गु जहाजत न्‍ह्यः न्‍ह्यः दु। परमप्रभु छिमि परमेश्‍वरया निंतिं, व इस्राएलया पवित्र परमेश्‍वरया हनाबनाया निंतिं इपिं छिमि काय्‌पिन्‍त तापाकं इमिगु लुँ व वहःनापं छन्‍थाय् हइ। छाय्‌धाःसा वय्‌कलं छन्‍त गौरवं जाय्‌कादी।

यर्मिया 17:26

अले इपिं यहूदाया शहर शहरं, यरूशलेमया जःखः च्‍वंगु थासं, बेन्‍यामीन देशं, पच्‍छिमय् च्‍वंगु फेदी, पहाडी लागा व दच्‍छिन नेगेबं होमबलित, बलित, अन्‍नबलित व धुपाँय् व सुभाय्‌या बलित हयाः परमप्रभुया देगलय् वइ।

यर्मिया 3:16

“छिपिं थ्‍व देशय् यक्‍व दयाः न्‍यनावनीबलय् छिमिसं हाकनं गुबलें परमेश्‍वरया बाचाया सनू धकाः धाइ मखु,” परमप्रभुं धयादी। “छिमिगु नुगलय् उकिया बिचाः वइ मखु, व लुमनी तक नं मखु, अले सनूयात हाकनं दय्‌के माली मखु।

यर्मिया 31:27

परमप्रभुं धयादी, “जिं इस्राएलया घराना व यहूदाया घरानाया मनूतय्‌गु ल्‍याः व पशुतय्‌गु ल्‍याः यक्‍व अप्‍वय्‌काबीगु दिं वयेत्‍यंगु दु।

यर्मिया 31:4

हाकनं छकः जिं छिमित दय्‌के, हे कुमारी इस्राएल, छन्‍त हाकनं दय्‌कीगु जुइ। छ हाकनं भुस्‍या ज्‍वनाः लसता हनीपिंनापं प्‍याखं हुहुं पिहां वइ।

यर्मिया 33:22

आकाशया नगु ल्‍याः खाये मफइगु व समुद्र सिथय्‌या फि लने मफइगु थें अथे हे जिं जिम्‍ह दास दाऊदया सन्‍तान व जिगु सेवा याइपिं लेवीतय्‌गु ल्‍याः अप्‍वय्‌काबी।’”

इजकिएल 36:37

“परमप्रभु परमेश्‍वरं थथे धयादी – इस्राएलया घरानाया बिन्‍ति जिं स्‍वीकार याये, अले इमिगु निंतिं जिं थ्‍व ज्‍या यानाबी। जिं इमि मनूतय्‌त फैत थें अल्‍याख यानाबी।

इजकिएल 37:10

उकिं वय्‌कलं जितः आज्ञा बियादीगु थें जिं अगमवाणी याना, अले सासः उपिं म्‍हय् दुहां वन, इपिं म्‍वात अले इपिं थथःगु तुतिइ दन, इपिं छगू तःधंगु सेना जुल।

इजकिएल 37:26

जिं इपिंलिसें शान्‍ति व सुरक्षाया बाचा ची, व न्‍ह्याबलेंया लागि जुइ। जिं इमित थापं याये, जिं इमिगु ल्‍याः अप्‍वय्‌काबी। इमिगु दथुइ जिं थःगु पवित्रथाय् न्‍ह्याबलेंया लागिं तये।

जकरिया 10:8

जिं इमित सुलि पुयाः सःते, अले इमित छथाय् मुंके। जिं इमित लिफ्‍यानाः न्‍हापा गुलि दुगु खः उलि हे दय्‌काबी।

जकरिया 12:8

उखुन्‍हु हे परमप्रभुं यरूशलेमय् च्‍वंपिन्‍त रक्षा यानादी अले इपिं मध्‍ये तसकं बमलाःपिं दाऊद थें जुइ। दाऊदया घराना धाःसा परमेश्‍वर थें इमिगु न्‍ह्यःने वनाच्‍वंम्‍ह परमप्रभुया दूत थें जुइ।

जकरिया 2:4

वं धाल, “ब्‍वाँय् वनाः उम्‍ह ल्‍याय्‌म्‍हम्‍ह मनूयात धा, ‘मनूतय्‌गु व पशुतय्‌गु ल्‍याः यक्‍व अप्‍वः जूगुलिं यरूशलेम पःखाः मदुगु शहर जुइ।

जकरिया 8:19

दक्‍व शक्ति दुम्‍ह परमप्रभुं थथे धयादी, “प्‍यंगूगु, न्‍यागूगु, न्‍हय्‌गूगु व झिगूगु लायागु अपसं व दुखं च्‍वनेमाःगु दिं आवलिं लसताया नखः जुइ। उकिं छिमिसं सत्‍य व शान्‍तियात यय्‌की।”

यूहन्‍ना 17:22

“छिं जितः तःधं यानादी थें तुं जिं नं इमित तःधंकागु दु। झी छप्‍पँ जुया थें इपिं नं छप्‍पँ जुइमा।

१ पत्रुस 1:7

थुकिं ला झन जक छिमिगु विश्‍वास शुद्ध व भिं धकाः क्‍यनी। स्‍यनावनीगु लुँ ला मिइ तयाः जाँचय् याना स्‍वइ। छिमिगु विश्‍वास ला लुँ स्‍वयाः यक्‍वं भिं। अय्‌जूगुलिं येशू ख्रीष्‍ट झायादीबलय् छिमित नं तःधंकी, च्‍वय् तइ, अले धन्‍यपिं धकाः धाइ।