यर्मिया 30:14 - नेवाः बाइबल

¹⁴ छं फुक्‍क पासापिन्‍सं छन्‍त ल्‍वःमंके धुंकल। इमिसं छन्‍त वास्‍ता मयाः। छं तःधंगु अपराध याःगुलिं व यक्‍व पाप याःगुलिं जिं छन्‍त शत्रु थें कय्‌कागु दु। अले दयामाया मदुम्‍हय्‌सिनं थें छन्‍त सजाँय बियागु दु।

यर्मिया 30:14 ပူးပေါင်းရင်းမြစ်များ

अय्‍यूब 16:9

परमेश्‍वरं जितः घृणा यानादी अले तंम्‍वय् काचाकुचु यानादी, अले वय्‌कः जिगु विरोधय् वा किरिकिरि न्‍ह्ययादी। जिमि शत्रुं जितः तग्‍वः मिखां स्‍वइ।

अय्‍यूब 19:11

वय्‌कलं थःगु तं जिके प्‍वंकादीगु दु। वय्‌कलं जितः थः शत्रु भाःपियादीगु दु।

अय्‍यूब 30:21

छि जि प्रति निष्‍ठुर जुयादीगु दु, थःगु फुक्‍क शक्तिं जितः हमला यानाच्‍वनादीगु दु।

भजनसंग्रहया सफू 107:17

छुं मनूत थःगु हे विद्रोही पहलं यानाः मूर्ख जुल, अले थःगु अपराधं यानाः दुःख सिल।

यशैया 57:13

छिमिसं ग्‍वाहालिया निंतिं बिन्‍ति यायेबलय् छिमिसं मुंकागु मूर्तितय्‌सं छिमित बचय् यायेमा! फसं इमित ब्‍वय्‌कायंकी, छगू हे सासलं इपिं सकसित ब्‍वय्‌कायंकी। तर सुनां जिके शरण काइ वं देशय् अधिकार याइ, अले जिगु पवित्र पर्वतय् नं अधिकार याइ।”

यर्मिया 14:17

“आः हे यर्मिया, छं इमित थ्‍व वचन धा, “‘जिगु मिखां मदिक्‍क चान्‍हि ख्‍वःबि पिहां वयाच्‍वनेमा। छाय्‌धाःसा कुमारी म्‍ह्याय्, जिमि मू वंपिं मनूत तसकं घाःपाः जूगु दु। इमित तःधंगु घाः जूगु दु।

यर्मिया 2:36

न्‍हूगु लँ लित। छ छाय् थुलिमछि थुखे उखे चाःहिलाजुयागु? गथे अश्‍शूरपाखें छ आशां द्यात अथे हे मिश्रपाखें नं छ आशां द्याइ।

यर्मिया 22:20

“लेबनानया पहाडय् वनाः तस्‍सलं हा, अले बाशानय् वनाः चिल्‍लाय् दनाः हा। हानं अबारीम पहाडय् वनाः हा। छाय्‌धाःसा छिमि जव खव च्‍वंगु फुक्‍क देश नाश जुइ धुंकल।

यर्मिया 22:22

फसं छिमि सकलें फैजवाःतय्‌त ब्‍वय्‌कायंकी, अले छन्‍त ग्‍वाहालि याइपिन्‍त ज्‍वनाः देशं पिने यंकी। छं मभिंगु ज्‍या याःगुलिं छ मछालेमाली अले छन्‍त हेपय् याइ।

यर्मिया 30:15

छाय् छ थःगु घाःया निंतिं ख्‍वयागु? छंगु स्‍याःचाः लनीगु वासः मदु। छंगु अधर्म तःधं अले छं यक्‍व पाप याःगु दु उकिं जिं छन्‍त थज्‍याःगु व्‍यवहार याना।

यर्मिया 32:29

थ्‍व शहरयात हमला यानाच्‍वंपिं बेबिलोनीत थ्‍व शहरय् दुहां वइ अले थुकियात मि नकाबी। बालद्यःयात छेँया कःसिइ कःसिइ धुपाँय् च्‍याकाः अले मेपिं द्यःतय्‌त त्‍वँसाबलि छायाः जितः तंचाय्‌कूपिं मनूत च्‍वंगु छेँनापं थुकियात नं मिं नकाबी।

यर्मिया 32:30

“इस्राएल व यहूदायापिं मनूतय्‌सं थः ल्‍याय्‌म्‍ह जूबलय् निसें हे जिगु मिखाय् मभिंगु ज्‍या जक यानावयाच्‍वंगु दु। धात्‍थें हे इस्राएलीतय्‌सं थःगु ल्‍हातं दय्‌कूगु मूर्तिं जितः तंचाय्‌केगु बाहेक मेगु छुं याःगु मदु, परमप्रभुं धयादी।

यर्मिया 32:34

इमिसं जिगु नां दुगु देगलय् थःगु घच्‍चाइपुगु मूर्तित थनाः उकियात अपवित्र यात।

यर्मिया 32:35

अज्‍ज इमिसं बेन-हिन्‍नोमया बेसीइ बालद्यःयात पुजा याइगु थाय् दय्‌कल। मोलोखद्यःयात थः काय्‌म्‍ह्याय्‌पिं बलि बिल। इमिसं थज्‍याःगु घच्‍चाइपुगु ज्‍या यानाः यहूदायात पाप याके बीमा धकाः जिं इमित आज्ञा बियागु नं मदु, न जिगु मतिइ थज्‍याःगु खँ गुबलें वल।”

यर्मिया 38:22

यहूदाया जुजुया दरबारय् त्‍वःताथकुपिं सकलें मिस्‍तय्‌त बेबिलोनयाम्‍ह जुजुया हाकिमतय्‌थाय् यंकी। उपिं मिसातय्‌सं छितः थथे धाइ, “‘छिं भलसा कयादीम्‍ह छिकपिनि पासापिन्‍सं छितः झंगः लानाः थःगु बसय् तल। छिगु तुति ध्‍याचलय् तुनेवं इमिसं छितः त्‍वःतावन।’

यर्मिया 4:30

हे नाश जूम्‍ह यरूशलेम! छं छु यानाच्‍वनागु? छाय् छं बांलाःगु वसः फिनागु? छाय् छं लुँयागु तिसा तियागु? छाय् थःगु मिखाय् अजः तयागु? सुयागु निंतिं मफतय् छं थःत बांलाकागु? छं प्रेमीपिन्‍सं छन्‍त त्‍वःतूगु दु, इमिसं छन्‍त स्‍यायेत स्‍वःगु दु।

यर्मिया 44:22

छिमिसं याःगु मभिंगु ज्‍या व घच्‍चाइपुगु ज्‍या परमप्रभुं यक्‍व अप्‍वः सह यानादी मफुत। अले छिमिगु देश झिजांमिजां दंगु, मनू मदुगु सुनसान थाय् जुल। अले मनूतय्‌सं छिमिगु नां कयाः सराः बियेगु यानावयाच्‍वंगु दु, थौं नं अथे जुयाच्‍वंगु दु।

यर्मिया 5:5

जि हाकिमतय्‌थाय् वने, अले इमित कने, छाय्‌धाःसा इमिसं परमप्रभुया लँ व थः परमेश्‍वरया कानून स्‍यू।” तर इपिं सकलें मिलय् जुयाः जुवायात त्‍वथुलाब्‍यूगु दु, अले सिखःयात चफ्‍फुनाब्‍यूगु दु।

यर्मिया 5:6

उकिं जंगलं छम्‍ह सिंह वयाः इमित स्‍यानाबी, सुख्‍खा इलाकां छम्‍ह गुँखिचा वयाः इमित नाश याइ, छम्‍ह चितुवा इमिगु शहरया लिक्‍क पियाच्‍वनी, अनं सुं पिहां वःसा वयात कुचा कुचा याइ, छाय्‌धाःसा इपिं तसकं विद्रोही जुल, इमिगु अधर्म यक्‍व दु।

यर्मिया 50:42

इमिसं धनुष व भाला घानातःगु दु। इपिं तसकं नुगः छाःपिं, इमिके दयामाया धाःसा मदु। इपिं सल गयाः वइबलय् इमिगु सः समुद्रयागु थ्‍वःसः थें च्‍वं। हे बेबिलोन! इपिं छन्‍त हमला यायेत लडाइँया लागिं झ्‍वःलिंक वःपिं मनूत थें वइ।

यर्मिया 6:23

इमिसं धनु व भाला घानातःगु दु। इपिं नुगः छाःपिं खः, अले इमिके दयामाया धयागु मदु। इपिं सल गया वइबलय् इमिगु सः समुद्रयागु गर्जन थें च्‍वं। हे बांलाःम्‍ह यरूशलेम, छन्‍त हमला यायेत इपिं लडाइँया लागिं झ्‍वःलिंक मनूत वः थें वइ।”

विलाप 1:19

“जिं थः प्रेमीतय्‌त सःता, तर इमिसं जितः धोखा बिल। थःत म्‍वाकातयेत नयेगु नसा माःजूबलय् शहरय् जिम्‍ह पुजाहारीत व न्‍ह्यलुवाः नाश जुल।

विलाप 1:2

चान्‍हय् व ह्वाँय्‌ह्वाँय् ख्‍वइगु, वयागु नेतालय् ख्‍वबि वयाच्‍वनीगु, वया प्रेमीत मध्‍ये वयात ह्यय्‌कीम्‍ह सुं नं मदु। वया दक्‍वं पासापिन्‍सं वयात विश्‍वासघात याःगु दु, आः इपिं वया शत्रु जूगु दु।

विलाप 2:1

परमप्रभुं थःगु तम्‍वय् म्‍ह्याय् सियोनयात गय् यानाः तसकं खिउँगुलिं त्‍वपुयादीगु दु। वय्‌कलं इस्राएलया गौरवयात आकाशं पृथ्‍वीइ वांछ्वयादिल। थःगु तंया दिनय् वय्‌कलं थःगु पाउदानयात नं लुमंका मदी।

इजकिएल 23:22

“उकिं हे ओहोलिबा, जि, परमप्रभु परमेश्‍वरं थथे धाये – स्‍व! जिं छ दिक्‍क चाःपिं छिमि प्रेमीपिन्‍त छंगु विरोधय् ग्‍वाके अले इमित प्‍यखेरं छंगु विरोधय् हये।

इजकिएल 23:9

“वं वया अश्‍शूरी प्रेमीयात तसकं यय्‌कूगु खः। अथे जुयाः जिं वयात वया प्रेमीत, अश्‍शूरया ल्‍हातय् बिया।

दानिएल 9:11

छिगु आज्ञा मानय् मयासें सकल इस्राएलं छिगु व्‍यवस्‍था त्‍वाथूगु दु अले छिपाखें फहिलावंगु दु। “उकिं परमेश्‍वरया च्‍यः मोशाया व्‍यवस्‍थाय् च्‍वयातःगु सराः व फैसला जिमित लाःगु दु। छाय्‌धाःसा जिमिसं छिगु खँ मन्‍यंसें पाप यानागु दु।

दानिएल 9:13

परमप्रभु जिमि परमेश्‍वरं जिमित माया यायेगु त्‍वःतूगु दु। थथे मोशाया व्‍यवस्‍थाय् च्‍वया तः थें थुपिं फुक्‍क विपत्ति जिमित लाःगु दु। अथे जूसां थःगु पाप त्‍वःताः वा छिगु सत्‍यया ल्‍यू वनाः जिमिसं परमप्रभु जिमि परमेश्‍वरया ग्‍वाहालि मालेत अस्‍वीकार यानागु दु।

दानिएल 9:5

जिमिसं पाप यानागु दु अले द्वंकागु दु। जिपिं मभिंपिं जुयागु दु अले विद्रोही जुयागु दु। जिपिं छिगु आज्ञा व नियमपाखें फहिला वनागु दु।

होशे 2:5

इमि मां विश्‍वास याये बहःम्‍ह मजुल, इपिं सुयागु प्‍वाथय् दुगु खः, वं मछालापुस्‍से च्‍वंगु ज्‍या याःगु दु। वं धाल, ‘जितः मरि, लः, ऊन, वसः, जैतूनया चिकं व दाखमद्य बीपिं थः प्रेमीतय्‌गु ल्‍यूल्‍यू जि वने।’

होशे 5:14

छाय्‌धाःसा जि सिंहनं थें इस्राएल व यहूदाया मनूतय्‌त हय्‌काये। इमित कुचा कुचा यानाः जि थःगु लँय् वने, जिं इमित लुया यने, इमित बचय् याइपिं सुं नं दइ मखु।

ओबदिया 1:7

छनापं मिले जूगु देशं छन्‍त छंगु देय्‌या सिमाना तक पितिनाछ्वइ, छिमि पासापिन्‍सं छन्‍त धोखा बियाः क्‍वत्‍यली। अले छंगु मरि नइपिन्‍सं हे छंगु निंतिं जाः ह्वली, तर थ्‍व खँया बारे छं छुं हे सिइ मखु।