यर्मिया 30:12 - नेवाः बाइबल

¹² “परमप्रभुं थः मनूतय्‌त थथे धयादी, “‘छंगु घाः लनी मखु व छंगु घाःपाः तःधं।

यर्मिया 30:12 ပူးပေါင်းရင်းမြစ်များ

२ इतिहास 36:16

तर इमिसं परमेश्‍वरया दूततय्‌त हिस्‍यात, वय्‌कःया वचनयात च्‍यूताः मतः। वय्‌कःया अगमवक्तातय्‌त हिस्‍यायेगु त्‍वःमतू। लिपतय्, परमप्रभु थः मनूत खनाः तसकं तंचायादिल। उकिं बचय् जुइगु छुं हे लँ मन्‍त।

यर्मिया 14:17

“आः हे यर्मिया, छं इमित थ्‍व वचन धा, “‘जिगु मिखां मदिक्‍क चान्‍हि ख्‍वःबि पिहां वयाच्‍वनेमा। छाय्‌धाःसा कुमारी म्‍ह्याय्, जिमि मू वंपिं मनूत तसकं घाःपाः जूगु दु। इमित तःधंगु घाः जूगु दु।

यर्मिया 14:19

छु! छिं यहूदायात त्‍वःता हे दियागु खः ला? छितः सियोन तसकं मयः ला? जिमित लने हे मफय्‌क छाय् छिं कय्‌कादियागु? जिमिसं शान्‍तिया आशा यानाः तर छुं नं भिंगु खँ मवः। लनीगु ई पियाच्‍वनाः तर आतंक जक दु।

यर्मिया 15:18

जितः छाय् दुःख जुया तुं च्‍वंगु? जिगु घाःपाः छाय् तसकं स्‍याःगु व मलंगु? छु छि जिगु लागि धोखा बीगु खुसिचा थें व लः मदुगु मुहान थें खः ला?

यर्मिया 30:15

छाय् छ थःगु घाःया निंतिं ख्‍वयागु? छंगु स्‍याःचाः लनीगु वासः मदु। छंगु अधर्म तःधं अले छं यक्‍व पाप याःगु दु उकिं जिं छन्‍त थज्‍याःगु व्‍यवहार याना।

यर्मिया 6:7

तुंथिं थःगु लः पिकाःगु थें वं थःगु मभिंगु ज्‍याखँ पिकाइ। अन दुने ल्‍वायेली व नाशया सः ताये दु, वयागु ल्‍वय् व घाः न्‍ह्याबलें जिगु न्‍ह्यःने दु।

यर्मिया 8:22

छु गिलादय् मलहम मदु ला? छु अन सुं वैद्य मदु ला? जिमि मनूत छाय् मलंगु लय्?

विलाप 2:13

हे म्‍ह्याय् यरूशलेम, जिं छंगु निंतिं छु धाये? जिं छन्‍त छुनापं दाँजय् यायेगु? हे कन्‍या म्‍ह्याय् सियोन, छुनापं दाँजय् यानाः जिं छन्‍त सान्‍त्‍वना बीगु? छंगु घाःपाः तसकं तःजिगु समुद्र स्‍वयाः तःजाः। छन्‍त लाय्‌के फुम्‍ह सु दु?

इजकिएल 37:11

अले वय्‌कलं जितः धयादिल, “अय् सीमानिम्‍ह मनू, थुपिं क्‍वँय्‌त इस्राएलया फुक्‍क घराना खः। इमिसं धाइगु, ‘झीगु क्‍वँय्‌त गनावने धुंकल, अले झीगु आशा मदये धुंकल, झीपिं नाश जूगु दु।’

होशे 5:13

“एफ्राइमं थःगु ल्‍वय् खंबलय् अले यहूदां थःगु घाः खंबलय् एफ्राइमं अश्‍शूरया तःधंम्‍ह जुजुयाथाय् ग्‍वाहालिया निंतिं मनूत छ्वत। अय्‌नं वं छन्‍त लंके फइ मखु, वं छंगु घाःयात लंके फइ मखु।

मीका 1:9

सामरियायागु घाः लनी मखु। व यहूदाय् नं वःगु दु, यरूशलेमया ध्‍वाखा तक नं थ्‍यंगु दु।

नहूम 3:19

छंगु घाःयात छुं वासलं नं लंके फइ मखु। छंगु घाः तसकं ग्‍यानापुगु घाः खः। सुनां सुनां छंगु बांमलागु खँ न्‍यनी इमिसं लय्‌तायाः ल्‍हाःपा थाइ, छाय्‌धाःसा छंगु गुबलें मदीगु सास्‍ती सुनां भोगे याःगु मदु धकाः?