यर्मिया 30:11 - नेवाः बाइबल

¹¹ परमप्रभुं धयादी, ‘जि छनापं दइ अले छन्‍त बचय् याये। जिं छन्‍त छु छु जातितय्‌थाय् छ्यालब्‍याल यानागु खः, जिं व फुक्‍क जातियात नाश यानाबी, अय्‌नं जिं छन्‍त भज्‍यंक नाश याये मखु। जिं छन्‍त सजाँय मब्‍यूसे त्‍वःते ला मखु अय्‌नं भिंकेबलय् खःकथं न्‍याय यानाः भिंके।’”

यर्मिया 30:11 ပူးပေါင်းရင်းမြစ်များ

२ शमूएल 24:12

“वनाः दाऊदयात थथे धा, परमप्रभुं थथे धयादी, ‘जिं वयात स्‍वंगू खँ ल्‍ययेगु मौका बी। अले वं छु ल्‍यइ जिं व हे याये।’”

भजनसंग्रहया सफू 6:1

हे परमप्रभु! जितः तमय् ब्‍वःबियादी मते। थःगु तच्‍वःगु तमय् जितः सजाँय बियादी मते।

प्रस्‍थान 34:7

वय्‌कः द्वलंद्वःयात माया यानादीम्‍ह, अधर्म, अपराध व पाप क्षमा यानादीम्‍ह खः। अय्‌सां वय्‌कलं द्वंयाःम्‍हय्‌सित सजाँय मब्‍यूसे त्‍वःतादी मखु। वय्‌कः पुर्खाया अधर्मया सजाँय इमि छय् व छुइया पालय् तकं नं बियादीम्‍ह खः।”

यशैया 43:25

“जि, जि व हे खः, गुम्‍हय्‌सिनं छंगु अपराध थःगु हे लागिं क्षमा यानाबी, जिं छंगु पाप गुबलें लुमंके मखु।

यशैया 8:10

थःपिनिगु निंतिं उपायत दय्‌कि तर उपिं ताःलाइ मखु। गुलि खँ ल्‍हाये मास्‍ति व ल्‍हा तर उपिं फुक्‍क ताःलाइ मखु, छाय्‌धाःसा परमेश्‍वर जिपिंनापं दी।

यर्मिया 1:19

इपिं छलिसें ल्‍वाः वइ, तर इमिसं छन्‍त त्‍याके फइ मखु, छाय्‌धाःसा छन्‍त रक्षा यायेत जि छलिसें दइ,” जि परमप्रभु न्‍ववानागु दु।

यर्मिया 1:8

इपिं खनाः छ ग्‍याये मते, छाय्‌धाःसा छन्‍त रक्षा यायेत जि छनापं दइ। जि परमप्रभु न्‍ववानागु दु।”

यर्मिया 10:24

हे परमप्रभु, जितः भिंकादिसँ, तर खःगु न्‍यायनं जक, तंम्‍वयाः मखु, मखुसा जि नाश जुइ।

यर्मिया 15:20

जिं छन्‍त थ्‍व प्रजाया निंतिं कँय्‌यागु बल्‍लाःगु किल्‍ला दुगु पःखाः दय्‌काबी। इमिसं छंगु विरोधय् लडाइँ याइ, तर इमिसं छन्‍त त्‍याकी मखु, छाय्‌धाःसा छन्‍त बचय् यायेत व उद्धार यायेत जि छलिसें दु,” परमप्रभुं धयादी।

यर्मिया 4:27

परमप्रभुं थथे धयादी, “देश फुक्‍क झिजांमिजां दनी। तर उकियात भज्‍यंक नाश धाःसा याये मखुत।

यर्मिया 5:10

“वनाः इमिगु दाखक्‍यब स्‍यंकाब्‍यु, तर भज्‍यंक नाश याये मते! उकिया कचात त्‍वथुलाः वांछ्वयाब्‍यु। छाय्‌धाःसा थुपिं मनूत परमप्रभुया मनूत मखु।

यर्मिया 5:18

परमप्रभुं धयादी, “अय्‌नं उपिं दिनय् जिं छिमित भज्‍यंक नाश याये मखु।

विलाप 3:22

परमप्रभुया सदां दइगु दया मायां यानाः झीपिं नाश जूगु मदु, छाय्‌धाःसा वय्‌कःयागु माया न्‍ह्याबलें दयाच्‍वनी।

इजकिएल 11:13

जिं अगमवाणी ल्‍हानाच्‍वनाबलय् हे आकाझाकां बनायाहया काय् पलत्‍याह सित, अले भ्‍वसुलाः तसकं हालाः जिं धया, “हाय, परमप्रभु परमेश्‍वर! छु छिं इस्राएलया ल्‍यनाच्‍वंपिन्‍त भज्‍यंक नाश यानादी ला?”

इजकिएल 6:8

“‘अय्‌नं जिं छिपिं मध्‍ये गुलिंसित बचय् यानाः तये। उकिं छिपिं देश देशय् छ्यालब्‍याल जुइबलय् जाति जातिया दथुइ छिमि छुं मनूत तरवारं बचय् जुइ।

होशे 11:9

जिं जिगु तच्‍वकं च्‍याःगु तमं छुं नं याये मखुत, जिं एफ्राइमयात हाकनं भज्‍यंक नाश याये मखुत। छाय्‌धाःसा जि परमेश्‍वर खः, मनू मखु, जि परमपवित्र छिपिंनापं हे दु, जि तःच्‍वगु तमं छिमिथाय् वये मखु।

लेवी 26:44

थुलि जुयाः नं जिं शत्रुतय्‌गु देशय् च्‍वना च्‍वंसां इमित त्‍वःते मखु। अले इपिं नापं चिनातयागु बाचा नं त्‍वथुले मखु। इमित मयय्‌काः नाश याये नं मखु। छाय्‌धाःसा जि इमि परमप्रभु परमेश्‍वर खः।

मत्ती 1:23

“ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।” इम्‍मानुएल धाःगु “परमेश्‍वर झीनाप दु” धइगु खः।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

प्रेरित 18:10

जि छ नाप दु। सुनानं छन्‍त स्‍यंके फइ मखु, छाय्‌धाःसा थ्‍व शहरय् जिमि मनूत यक्‍व दु।”

व्‍यवस्‍था 4:31

वय्‌कलं छिमित त्‍वःतादी मखु, नाश यानादी मखु। छिमि पुर्खालिसें पाफयाः क्‍वःछिनादीगु बाचा ल्‍वःमंकादी मखु, छाय्‌धाःसा परमप्रभु छिमि परमेश्‍वर माया यानादीम्‍ह खः।

२ तिमोथी 4:22

प्रभु छंगु नुगलय् दीमा। परमेश्‍वरं छिमित दया माया यानादीमा।