यर्मिया 3:9 - नेवाः बाइबल

⁹ व लज्‍या मचाःम्‍ह व्‍यभिचारिणी जूगुलिं देश नं अशुद्ध जुल। वं ल्‍वहं व सिँनापं नं व्‍यभिचार यात।

यर्मिया 3:9 ပူးပေါင်းရင်းမြစ်များ

यशैया 57:3

“हे झाँक्रीतय्‌गु लँय् वनीपिं व व्‍यभिचारीत व वेश्‍यात थें ज्‍या याइपिं, थन वा!

यशैया 57:6

न्‍हसिकापय् च्‍वंगु पिच्‍चुसे च्‍वंगु ल्‍वहं हे छिमिगु भाग खः। छिमिसं इमिगु हे निंतिं त्‍वँसाबलि व अन्‍नबलि छाःगु दु। थज्‍याःगु खँ सीक सीकं छु जि मानय् जुइगु ला?

यर्मिया 10:8

इपिं फुक्‍क ग्‍वाज्‍यः व मूर्ख खः। सिँया मूर्तितपाखें इमिसं छु सय्‌काकाये फइ?

यर्मिया 16:18

इमिगु अधर्म व पापया निंतिं जिं इमित निदुगं सजाँय बी, छाय्‌धाःसा इमिसं जिगु देशयात इमिगु घच्‍चाइपुगु द्यःतय्‌गु ज्‍यालगय् मजूगु मूर्तिं अशुद्ध याःगु दु। अले जिगु सर्बययात इमिसं थःगु घच्‍चाइपुगु मूर्तिं जाय्‌कूगु दु।”

यर्मिया 2:27

इमिसं सिँयात धाइ, ‘छ जिम्‍ह अबु खः,’ अले ल्‍वहंयात धाइ, ‘छं जितः बुइकूगु खः।’ इमिसं थःगु ख्‍वाः मखु थःगु जँन्‍हुफाः जिपाखे स्‍वकूगु दु। अय्‌नं दुःख जुइबलय् इमिसं धाइ, ‘वयाः जिमित बचय् यानादिसँ!’

यर्मिया 2:7

जिं छिमित यक्‍व सइगु भिंगु बुँ दुगु देशय् अन्‍न बाली व मेमेगु भिंगु नसा नयेमा धकाः हया। तर वये धुंकाः छिमिसं जिगु थ्‍व देशयात अशुद्ध यात, अले जिगु सर्बययात घच्‍चाइपुगु यानादिल।

यर्मिया 3:2

“नांगा डाँडाय् मिखा ब्‍व। उपिं मध्‍ये छं मभिंगु ज्‍या मयाःगु गुगु थाय् दु? चाचाःहिलाः जुइम्‍ह छम्‍ह मनू मरुभूमिइ च्‍वनाच्‍वं थें छं लँय् च्‍वनाः थः प्रेमीत पियाच्‍वन। छं देशयात थःगु व्‍यभिचार व मभिंगु ज्‍यां अशुद्ध याःगु दु।

इजकिएल 16:17

जिं छन्‍त बियागु लुँ, वहःयागु छंगु बांबांलाःगु तिसातपाखें छं थःगु निंतिं मिजं मूर्तित दय्‌काः उपिंलिसे वेश्‍याया ज्‍या यात।

इजकिएल 23:10

इमिसं वयात नांगा यात। इमिसं वया काय् म्‍ह्याय्‌पिन्‍त ज्‍वन, वयात तरवारं पालाः स्‍यात। मिसात मध्‍ये व बदनाम जुल, वयात सजाँय बिल।

इजकिएल 23:21

थुकथं मिश्र देशय् छंगु छातिइ ल्‍हाः तःगु, छंगु ल्‍यासेबलय्‌या दुरुप्‍वः तिस्‍सिगु खँ लुमंकाः छं थःगु ल्‍यासेबलय्‌यागु कामुकताया इच्‍छा यात।

इजकिएल 23:3

इमिसं मिश्रय् ल्‍यासेबलय् हे वेश्‍याया ज्‍या यात। अन इमिगु दुरुप्‍वः ज्‍वन, अले इमिगु कुमारी म्‍हयात तिसिल।

होशे 2:2

“अय् जिमि काय्‌म्‍ह्याय्‌पिं, थः मांयात ब्‍वःब्‍यु, खः ला व आः जिमि कलाः मखुत, न जि वया भाःत खः। वं थःगु ख्‍वालं वेश्‍याया ज्‍या व थःगु निगू दुरुपाया दथुं व्‍यभिचारयात चीकाछ्वयेमाः।

होशे 4:12

इमिसं थःगु सिँया मूर्तिनापं सल्‍लाह काइ, इमिसं सिँया कथिं लिसः काइ, वेश्‍या ज्‍या याइगु आत्‍मां मखुगु लँय् यंकी, अले इपिं परमेश्‍वर प्रति विश्‍वास यायेबहः जुइ मखु।

योएल 1:19

हे परमप्रभु, जिं छिके ग्‍वाहालि फ्‍वने। छाय्‌धाःसा मरुभूमिइ च्‍वंगु घाँय्‌ख्‍यः मिं नःगु दु, अले मिंयागु जलां गुँइच्‍वंगु सिमा छ्वय्‌काब्‍यूगु दु।

हबकूक 2:19

धिक्‍कार वयात, सुनां सिँयात थथे धाइ, ‘म्‍वाना वा!’ अय् न्‍ववाय् मफुगु ल्‍वहं, ‘दँ!’ छु व मूर्तिं छिमित छुं खँ स्‍यने फइ ला? व ला लुँ व वहलं भुनातःगु दु, उकी सासः हे मदु।”

मत्ती 5:32

तर जिं छिमित धाये – कलाःम्‍हं व्‍यभिचार याःगु मदय्‌कं सुनानं थः कलाःयात त्‍वःता छ्वल धाःसा वं थः कलाःयात व्‍यभिचार याकूगु जुइ। अथे हे व मिसायात यंकूम्‍ह मिजंनं नं व्‍यभिचार याःगु जुइ।