यर्मिया 3:6 - नेवाः बाइबल

⁶ योशियाह जुजुया पालय् परमप्रभुं जितः धयादिल, “विश्‍वास यायेबहः मजूम्‍ह इस्राएलं छु छु यात छु छं खना ला? वं फुक्‍क ततःजाःगु डाँडाय् व फुक्‍क वाउँगु सिमाया क्‍वय् वं व्‍यभिचार यात।

यर्मिया 3:6 ပူးပေါင်းရင်းမြစ်များ

१ राजा 14:23

इमिसं थःगु निंतिं पुजा याइगु थाय्, च्‍वखगु ल्‍वहंया थां व अशेरा द्यःमय्‌जुया थांत फुक्‍क गुँच्‍वकाय् च्‍वकाय् व फुक्‍क वाउँगु सिमाया क्‍वय् थापं यात।

२ इतिहास 34:1

योशियाह च्‍यादँ दुबलय् जुजु जूगु खः। वं यरूशलेमय् स्‍विछदँ राज्‍य यात।

भजनसंग्रहया सफू 106:39

थुकथं इपिं थःगु हे ज्‍यां यानाः अशुद्ध जुल। थःगु हे ज्‍यापाखें परमेश्‍वर प्रति विश्‍वास याये बहःमजूपिं जुल।

यशैया 57:3

“हे झाँक्रीतय्‌गु लँय् वनीपिं व व्‍यभिचारीत व वेश्‍यात थें ज्‍या याइपिं, थन वा!

यशैया 57:7

छिपिं ततःजाःगु डाँडाय् लसपस यायेत वन। छिपिं अन हे थःपिं बलि छायेत वन।

यर्मिया 1:2

अमोनया काय् यहूदायाम्‍ह जुजु योशियाहं राज्‍य यानाच्‍वंगु झिंस्‍वंगूगु दँ दुबलय् परमप्रभुया वचन वयाथाय् वःगु खः।

यर्मिया 11:10

जिं धयागु खँ मन्‍यंपिं इमि तापाःबाज्‍यापिन्‍सं थें पाप यानाः इमिसं मेपिं द्यःत पुजा याःगु दु अले इमिगु ल्‍यू वंगु दु। इस्राएल व यहूदाया मनूतय्‌सं जिं इमि तापाःबाज्‍यापिंलिसें चिनागु बाचायात त्‍वथूगु दु।

यर्मिया 17:2

वाउँगु वाउँगु सिमाया क्‍वय् व ततःजाःगु डाँडाय् दुगु वेदीत व अशेराया थांत इमि काय् म्‍ह्याय्‌पिन्‍सं नं लुमंकी।

यर्मिया 3:8

जिं विश्‍वास यायेबहः मजूम्‍ह इस्राएलयात वं व्‍यभिचार याःगुलिं त्‍वःताछ्वयागु खंका नं वया विश्‍वासघाती केहेँ यहूदा मग्‍यात, तर वं नं वनाः व्‍यभिचार यात।

यर्मिया 31:22

हे विश्‍वास यायेबहः मजूम्‍ह म्‍ह्याय्, छ गुबलय् तक थुखे उखे चाःहिलाजुयेगु? परमप्रभुयागु छगू न्‍हूगु सृष्‍टि पृथ्‍वीइ खने दइ। छम्‍ह मिसां छम्‍ह मिजंयात रक्षा याइ।”

यर्मिया 5:11

इस्राएलया घराना व यहूदाया घरानां जितः विश्‍वासघात यात,” परमप्रभुं धयादी।

यर्मिया 7:24

“तर इमिसं जिगु खँ मन्‍यं, उकी ध्‍यान मब्‍यू। उकिया पलेसा इमिसं थःगु जिराहा व मभिंगु इच्‍छा कथं ज्‍या याना जुल। इपिं लिज्‍यात, न्‍ह्यमज्‍याः।

इजकिएल 16:31

लँया कुन्‍चा पतिकं थःगु द्वम्‍बः व चुक पतिकं छं थःगु पुजा यायेगु तःजाःगु थाय् दय्‌कल। अय्‌नं छ वेश्‍या थें जूगु मदुनि, छाय्‌धाःसा छं ज्‍यालायात घृणा यात।

इजकिएल 16:35

“‘उकिं अय् वेश्‍या, परमप्रभुयागु वचन न्‍यँ!

इजकिएल 20:28

जिं पाफयाः इमित बी धयागु देशय् इमित हयाबलय्, गन गन इमिसं तःज्‍जाःगु वा झ्‍याम्‍म जूगु सिमा खन, अन अन इमिसं थःगु बलिदानत छाल, जितः तं पिकाइगु इमिगु भेटी छाल। इमिसं थःगु नस्‍वाःगु गुँगू थन अले थःगु त्‍वँसाबलि छाल।

इजकिएल 23:11

“वया केहेँ ओहोलिबां व खन, अय्‌नं ओहोलिबा वेश्‍याया ज्‍या यायेगुलिइ थः तता स्‍वयाः यक्‍व स्‍यनावन।

इजकिएल 23:4

तताम्‍हय्‌सिगु नां ओहोला खः। केहेँम्‍हय्‌सिगु नां ओहोलिबा खः। इपिं जिगु हे खः, इमिसं काय्‌म्‍ह्याय्‌पिं बुइकल। ओहोला सामरिया खः, ओहोलिबा यरूशलेम खः।

होशे 11:7

जिमि मनूत जिपाखें फस्‍वया वनेगु जिद्दी यानाच्‍वंगु दु। इमिसं दकलय् तःधंम्‍ह परमेश्‍वयात सःतूसां जिं इमित च्‍वछाये मखु।

होशे 4:13

इमिसं पहाडया च्‍वकाय् च्‍वकाय् बलि छाइ अले डाँडाय् डाँडाय् बांलाक किचः वइगु तःतमागु, न्‍यनावंगु सिमाया क्‍वय् धुपाँय् च्‍याकी। अथे जुयाः छिमि म्‍ह्याय्‌पिं बांमलाक स्‍यन, अले छिमि भौपिंन्‍सं व्‍यभिचार याना जुल।

न्‍यायकर्ता 2:17

तर इस्राएलीतय्‌सं इपिं न्‍याय याइपिनिगु खँ मन्‍यं छाय्‌धाःसा इमिसं मेपिं द्यःतय्‌गु ल्‍यू वनाः वेश्‍या थें व्‍यवहार यात अले इमित भागि यात। इमि पुर्खातय्‌सं परमप्रभुयागु आज्ञा मानय् याःगु खः, तर न्‍हूगु पुस्‍तां अथे यायेगु याकनं हे त्‍वःतल।