यर्मिया 3:18 - नेवाः बाइबल

¹⁸ अबलय् इस्राएलया मनूत यहूदाया मनूतलिसें मिलय् जुइ, इपिं छकलं उत्तरय् च्‍वंगु देशं लिहां वयाः जिं इमि पुर्खातय्‌त न्‍ह्याबलेंया निंतिं बियागु देशय् वइ।

यर्मिया 3:18 ပူးပေါင်းရင်းမြစ်များ

उत्‍पत्ति 12:7

अले परमप्रभुं अब्रामयाथाय् झायाः धयादिल, “जिं थ्‍व देश छिमि सन्‍तानयात बी।” अले अब्रामं वयाथाय् झाःम्‍ह परमप्रभुया लागि अन छगू वेदी दय्‌कल।

यशैया 43:5

ग्‍याये मते, छाय्‌धाःसा जि छनापं हे दु। जिं छिमि सन्‍तातय्‌त पुर्बंनिसें हये, पच्‍छिमंनिसें छिमित छथाय् मुंके।

यशैया 43:6

जिं उत्तर देशयात धाये, ‘इमित छ्व।’ दच्‍छिन देशयात जिं धाये, इमित पने मते। जिमि काय्‌पिन्‍त तापाकंनिसें व जिमि म्‍ह्याय्‌पिन्‍त पृथ्‍वीया कुंकुलामंनिसें हजि,

यर्मिया 16:15

तर इमिसं धाइ, ‘इस्राएलीतय्‌त उत्तरयागु देश व मेगु फुक्‍क देशं गन गन वय्‌कलं इमित पितिना छ्वयादीगु खः, व फुक्‍क देशं पित हयादीम्‍ह गथे परमप्रभु धात्‍थें म्‍वाःम्‍ह खः।’ छाय्‌धाःसा जिं इमि तापाःबाज्‍यापिन्‍त बियागु देशय् जिं इमित हाकनं हये।

यर्मिया 23:8

तर इमिसं धाइ, ‘इस्राएलीतय् वंशयात उत्तरया देश व मेगु फुक्‍क देशं गन गन वय्‌कलं इमित पितिना छ्वयादीगु खः, उपिं फुक्‍क देशं पित हयादीम्‍ह म्‍वाःम्‍ह परमप्रभुया नामय्।’ अनंलि इपिं थःगु हे देशय् च्‍वनी।”

यर्मिया 3:12

उकिं छ वनाः उत्तर पाखे थ्‍व खँ धा, “हे विश्‍वास यायेबहः मजूम्‍ह इस्राएल, छ लिहां वा, जि छ खनाः तम्‍वये मखु, छाय्‌धाःसा जि दयामाया दुम्‍ह खः, जि न्‍ह्याबलें तंचायाच्‍वने मखु,” परमप्रभुं धयादी।

यर्मिया 30:3

जिं जिमि प्रजा इस्राएल व यहूदायात बेबिलोनं लित हयेगु दिं वयेत्‍यंगु दु। जिं इमि पुर्खातय्‌त बियागु देशय् जिं इमित लित हये। इमिसं हाकनं उगु देशय् अधिकार याइ,’” परमप्रभुं धयादी।

यर्मिया 31:8

स्‍व! जिं थःम्‍हं हे इमित उत्तरयागु देशं हयेत्‍यनागु दु। जिं इमित पृथ्‍वीयागु ताताःपाःगु थासं मुंके। इमिगु दथुइ कांपिं, लंग्रात, प्‍वाथय् दुपिं व मचा बुइकूपिं मिस्‍त नं दइ। इमिगु छगू तःधंगु पुचः थन लिहां वइ।

यर्मिया 50:20

परमप्रभुं धयादी, “उपिं दिनय्, उगु इलय् इस्राएलया अपराधयात माली, तर छगू नं लुइ मखु, अले यहूदाया पाप नं माली तर छगू नं लुइ मखु। छाय्‌धाःसा जिं बचय् यानातयागु ल्‍यं दुगु ब्‍वयात जिं क्षमा याये।”

यर्मिया 50:4

“उपिं दिनय्, उगु इलय् इस्राएलया मनूत व यहूदाया मनूत नापनापं ख्‍वख्‍वं थः परमप्रभु परमेश्‍वरयात माःवनी,” परमप्रभुं धयादी।

यर्मिया 50:5

“इमिसं सियोनपाखे वनीगु लँ गुगु खः धकाः न्‍यनी अले थःगु ख्‍वाः उखेपाखे स्‍वय्‌की। इपिं वयाः थःत हे परमप्रभुयाथाय् गुबलें ल्‍वःममंकीगु सदांया बाचाय् ची।

यर्मिया 7:7

जिं छिमित थ्‍व थासय्, छिमि पुर्खातय्‌त न्‍ह्याबलेंया लागि च्‍वनेत बियागु थ्‍व देशय् च्‍वनेबी।

इजकिएल 11:17

“उकिं धा, ‘परमप्रभु परमेश्‍वरं थथे धयादी – जिं छिमित जाति जातितपाखें मुंके। गन गन छिपिं छ्यालब्‍याल जूगु दु, उपिं देशं जिं छिमित लित हये, अले हाकनं छिमित इस्राएल देश लितबी।’

होशे 1:11

यहूदा व इस्राएलया मनूत मिले जुइ। अले इमिसं थःगु निंतिं छम्‍ह नायः ल्‍यइ, अले इपिं कैदी जुयाच्‍वंगु थासं लिहां वइ। धात्‍थें हे यिजरेलया व दिं छगू तःधंगु दिं जुइ।

होशे 11:12

एफ्राइमं जितः मखुगु खं घेरय् याःगु दु, अले इस्राएलं जितः ध्‍वंलानाः घेरय् याःगु दु। तर यहूदां आः नं परमेश्‍वरया आज्ञा मानय् मयाः, आः नं पवित्र परमेश्‍वर प्रति इमान्‍दार मजू।

होशे 2:2

“अय् जिमि काय्‌म्‍ह्याय्‌पिं, थः मांयात ब्‍वःब्‍यु, खः ला व आः जिमि कलाः मखुत, न जि वया भाःत खः। वं थःगु ख्‍वालं वेश्‍याया ज्‍या व थःगु निगू दुरुपाया दथुं व्‍यभिचारयात चीकाछ्वयेमाः।

आमोस 9:15

जिं जि प्रजा इस्राएलयात इमित बियागु देशय् पी, इमित सुनानं हाकनं लिनाकाये फइ मखु,” परमप्रभु छिमि परमेश्‍वरं धयादी।

जकरिया 10:6

“जिं यहूदाया घरानायात बल्‍लाकाबी अले योसेफया घरानायात बचय् याये। जिं इमित हाकनं लित ब्‍वनाहय्। छाय्‌धाःसा जितः इपिं प्रति दया दु। जिं इमित गुबलें नं मत्‍वःतागु थें च्‍वंक इपिं न्‍हापा गथे खः अथे हे यानाबी। छाय्‌धाःसा जि इमि परमप्रभु परमेश्‍वर खः, अले जिं इमिगु प्रार्थनाया लिसः बी।

जकरिया 2:6

“वा, वा, उत्तरयागु देशं बिस्‍युं वा! छाय्‌धाःसा जिं छिमित आकाशया प्‍यंगू फय् थें छ्यालब्‍याल यानाबियागु दु,” परमप्रभुं धयादी।