यर्मिया 3:15 - नेवाः बाइबल

¹⁵ अले जिं थःगु मननापं मिलय् जूपिं जवाःत छिमित बी। इमिसं छिमित ज्ञान व बुद्धिं लँ क्‍यनी।

यर्मिया 3:15 ပူးပေါင်းရင်းမြစ်များ

हितोपदेश 10:21

धर्मीतय्‌गु खं यक्‍वसित ग्‍वाहालि दइ, मूर्खत थःपिनिगु हे बुद्धिं यानाः सी।

यर्मिया 23:4

जिं इमिगु लागि फैजवाःत तये। इमिसं इमित बिचाःसंचाः याइ। जिमि मनूत गुबलें ग्‍याइ मखु। इपिं मध्‍ये सुं नं तनी मखु,” परमप्रभुं धयादी।

यर्मिया 31:10

“हे जाति जातियापिं मनूत, परमप्रभुया वचन न्‍यँ! ताताःपाःगु समुद्र सिथय् सिथय् च्‍वंगु देशय् थ्‍व खँ न्‍यंकि, ‘सुनां इस्राएलयात छ्यालब्‍याल यानादिल, वय्‌कलं हे वयात मुंकादी। फैजवालं बथांयात रक्षा याःथें वय्‌कलं इमित रक्षा यानादी।’

इजकिएल 34:2

“अय् सीमानिम्‍ह मनू, इस्राएलया फैजवाःतय्‌गु विरोधय् अगमवाणी यानाः उपिं फैजवाःतय्‌त थथे धा! ‘परमप्रभु परमेश्‍वरं थथे धयादी – धिक्‍कार दु, थःगु जक वास्‍ता याइपिं इस्राएलया फैजवाःतय्‌त। छु! फैजवाःतय्‌सं फैच्‍वलय्‌तय्‌गु जक वास्‍ता यायेमाःगु, मखु ला?

इजकिएल 34:23

जिं इमि छम्‍ह हे जक फैजवाः जुइत जिम्‍ह दास दाऊदयात ल्‍यये। वं इमित स्‍वइ, व इमि फैजवाः जुइ।

इजकिएल 37:24

“‘जिम्‍ह दास दाऊद इमि जुजु जुइ, इमि छम्‍ह हे फैजवाः जुइ। इमिसं जिगु नियम पालन याइ, अले जिगु विधित पालन यानाः वकथं जुइ।

लूका 12:42

अले वय्‌कलं धयादिल – “भिंम्‍ह व विश्‍वास याये बहःम्‍ह च्‍यः सु जुइ? गुम्‍हय्‌सित वया मालिकं मेपिं च्‍यःतय्‌त ठीक ठीक इलय् नके त्‍वंकेगु ज्‍या बियाः इमि नायः याना तइ, व हे जुइ।

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

१ कोरिन्‍थी 2:6

अय्‌नं परमेश्‍वरयागु खँ बांलाक सीके थुइके धुंकूपिन्‍त धाःसा जिं ज्ञानयागु खँ ल्‍हाना च्‍वना। थ्‍व खँ धाःसा संसारय् च्‍वंपिनिगु मखु, शासन याना च्‍वंपिनिगु नं मखु। इपिं याकनं नाश जुयावनी।

१ पत्रुस 2:2

नकतिनि बूम्‍ह मचां त्‍वनेगु शुद्ध आत्‍मिक दुरुया इच्‍छा याःथें छिमिसं नं परमेश्‍वरयागु वचन ब्‍वनेगु इच्‍छा या। अले तिनि छिपिं ब्‍वलनाः मुक्तिया निंतिं न्‍ह्यज्‍याये फइ।

१ शमूएल 13:14

तर आः छिगु राज्‍य सदांया निंतिं जुइ मखु। परमप्रभुं थःगु मन नाप मिलय् जूम्‍ह छम्‍ह मनू मालादीगु दु। अले वयात हे इस्राएलीतय् नायः ल्‍ययादीगु दु, छाय्‌धाःसा छिसं परमप्रभुया आज्ञा मानय् मया।”