यर्मिया 3:12 - नेवाः बाइबल

¹² उकिं छ वनाः उत्तर पाखे थ्‍व खँ धा, “हे विश्‍वास यायेबहः मजूम्‍ह इस्राएल, छ लिहां वा, जि छ खनाः तम्‍वये मखु, छाय्‌धाःसा जि दयामाया दुम्‍ह खः, जि न्‍ह्याबलें तंचायाच्‍वने मखु,” परमप्रभुं धयादी।

यर्मिया 3:12 ပူးပေါင်းရင်းမြစ်များ

उत्‍पत्ति 4:7

छं भिंगु ज्‍या याःसा ला छन्‍त नं यय्‌कीगु खः नि। छं भिंगु ज्‍या मयात धाःसा पाप छंगु लुखाय् हे वयाच्‍वनी। वं छन्‍त ल्‍हातय् कायेत स्‍वइ, तर छं वयात बसय् काये हे माः।

२ राजा 15:29

इस्राएलया जुजु पेकहया इलय् अश्‍शूरया जुजु तिग्‍लत-पिलेसेर वल। वं इयोन, हाबिल-बेथ-माका, यानोह, केदेश, हासोर, गिलाद, गालील व नप्‍तालीया फुक्‍क लागा त्‍याका काल। अले मनूतय्‌त ज्‍वनाः अश्‍शूर देशय् यंकल।

२ राजा 17:23

परमप्रभुं थः दास अगमवक्तातपाखें ख्‍याच्‍वः बियादीगु थें इमित थःगु न्‍ह्यःनं पितिनामदीतले इपिं उकिं लिहां मवः। उकिं इस्राएलीतय्‌त ज्‍वनाः इमिगु देशं अश्‍शूरय् यंकल। इपिं थौं तक अन दनि।

२ राजा 17:6

होशियां राज्‍य यानाच्‍वंगु गुंगूगु दँय् अश्‍शूरयाम्‍ह जुजुं सामरिया त्‍याका काल। अले इस्राएलीतय्‌त ज्‍वनाः अश्‍शूरय् यंकाः हलहय्, हाबोर खुसि सिथय् दुगु गोजानय् व मादीतय्‌गु शहर शहरय् तल।

२ राजा 18:1

इस्राएलया जुजु एलाहया काय् होशियां राज्‍य यानाच्‍वंगु स्‍वंगूगु दँय् आहाजया काय् हिजकिया यहूदायाम्‍ह जुजु जुल।

२ इतिहास 29:10

आः वय्‌कःया तं चीकाछ्वयेत जितः परमप्रभु झी परमेश्‍वरलिसें छगू बाचा चिने मास्‍ति वःगु दु।

२ इतिहास 30:9

“छिपिं परमप्रभुयाथाय् लिहां वल धाःसा छिमि थःथितिपिं व छिमि काय् म्‍ह्याय्‌पिन्‍त ज्‍वनायंकूपिन्‍सं इमित दया माया याइ। अले इपिं थ्‍व देशय् लिहां वयेखनी। छाय्‌धाःसा परमप्रभु छिमि परमेश्‍वर दया माया दुम्‍ह खः। छिपिं वय्‌कःपाखे लिहां वल धाःसा वय्‌कलं थःगु ख्‍वाः छिमिगुपाखें फस्‍वय्‌कादी मखु।”

भजनसंग्रहया सफू 103:17

तर परमप्रभुयागु सदां दयाच्‍वनीगु दया माया न्‍ह्याबलें वय्‌कःया भय काइपिन्‍के दु। इमि मस्‍त व छय्‌पिनिगु लागिं नं वय्‌कः न्‍ह्याबलें दयादुम्‍ह जुइ।

भजनसंग्रहया सफू 103:8

परमप्रभु दयादुम्‍ह व माया यानादीम्‍ह खः। वय्‌कः काचाक्‍क तंम्‍वयादी मखु, अले सदां दयाच्‍वनीगु दया मायां जाःम्‍ह खः।

भजनसंग्रहया सफू 103:9

वय्‌कलं न्‍ह्याबलें दोष बियाच्‍वनादी मखु, वय्‌कः न्‍ह्याबलें तंचाया च्‍वनादी मखु।

भजनसंग्रहया सफू 145:8

परमप्रभु दया माया दुम्‍ह खः। वय्‌कः तंचायेत लिबाकादीम्‍ह व तसकं दया माया यानादीम्‍ह खः।

भजनसंग्रहया सफू 79:5

हे परमप्रभु, छि गुबलय् तक जिपिंलिसें तंम्‍वयाच्‍वनादीगु? छि न्‍ह्याबलें तंम्‍वयादीगु ला? छिगु तं सह याये मफय्‌कः च्‍यानाच्‍वनी?

भजनसंग्रहया सफू 86:15

तर परमप्रभु, छि दयादुम्‍ह, माया यानादीम्‍ह परमेश्‍वर खः। छि तंचायेत लिबाकादीम्‍ह, सदां दया माया यानादीम्‍ह व तसकं विश्‍वास याये बहःम्‍ह खः।

भजनसंग्रहया सफू 86:5

हे परमप्रभु, छि भिंम्‍ह व क्षमा बियादीम्‍ह खः। अले गुलिसिनं ग्‍वाहालिया लागि छितः इनाप याइ, इपिं सकसितं छिं सदां दया माया यानादी।

हितोपदेश 28:13

थःगु पापया पश्‍चाताप मयात कि छ गुबलें थाहां वये फइ मखु। छं थःगु पापया पश्‍चाताप यानाः त्‍वःतल धाःसा परमेश्‍वरयागु दया माया छन्‍त दइ।

यशैया 31:6

हे इस्राएलीत, सुयागु विरोधय् छिमिसं तःधंगु विद्रोह याःगु दु, वय्‌कःपाखे लिहां वा।

यशैया 44:22

जिं छंगु अपराधत सुपाँय् थें अले छंगु पाप सुथय्‌या खसु थें चीकाछ्वयागु दु। जिथाय् लिहां वा, छाय्‌धाःसा जिं छन्‍त उद्धार यानागु दु।”

यर्मिया 11:6

परमप्रभुं जितः धयादिल, “यहूदाया फुक्‍क शहर व यरूशलेमया गल्‍लि गल्‍लिइ वनाः थथे धाधां थ्‍व फुक्‍क वचन न्‍यंकि– छिमिसं थ्‍व बाचाया शर्त ध्‍यान बियाः न्‍यँ, अले उकियात पालन या!

यर्मिया 12:15

तर इमित जिं लिनाकाये धुंकाः हाकनं जि लिहां वये अले इपिं सकसितं दया याये। जिं इमित इमि पुर्खाया देशय् लित हये।

यर्मिया 23:8

तर इमिसं धाइ, ‘इस्राएलीतय् वंशयात उत्तरया देश व मेगु फुक्‍क देशं गन गन वय्‌कलं इमित पितिना छ्वयादीगु खः, उपिं फुक्‍क देशं पित हयादीम्‍ह म्‍वाःम्‍ह परमप्रभुया नामय्।’ अनंलि इपिं थःगु हे देशय् च्‍वनी।”

यर्मिया 3:1

“सुं मनुखं थः कलाःयात त्‍वःतल धाःसा अले व मिसा वयाथासं वनाः मेम्‍ह मिजंया कलाः जुल धाःसा छु व मनू हाकनं वयाथाय् लिहांवनी ला? छु व देश अशुद्ध मजुइ ला? छ छम्‍ह वेश्‍या थें यक्‍वसिथाय् वंगु दु, छु छ आः जिथाय् लिहां वयेगु ला?” परमप्रभुं धयादी।

यर्मिया 3:14

“अय् विश्‍वास याये बहःमजूपिं मनूत लिहां वा,” परमप्रभुं धयादी, “छाय्‌धाःसा जि छिमि मालिक खः। जिं छगू छगू शहरं छम्‍ह छम्‍ह व छगू छगू कुलं निम्‍ह निम्‍हय्‌सित सियोनय् हये।

यर्मिया 3:18

अबलय् इस्राएलया मनूत यहूदाया मनूतलिसें मिलय् जुइ, इपिं छकलं उत्तरय् च्‍वंगु देशं लिहां वयाः जिं इमि पुर्खातय्‌त न्‍ह्याबलेंया निंतिं बियागु देशय् वइ।

यर्मिया 3:22

“हे विश्‍वास याये बहःमजूपिं मनूत, छिपिं सकलें जिथाय् लिहां वा, जिं छिमित लाय्‌काबी, अले जिं छिमित विश्‍वास यायेबहःपिं यानाबी।” मनूतय्‌सं लिसः बी, “स्‍वयादिसँ, जिपिं छिथाय् लिहां वये, छाय्‌धाःसा छि परमप्रभु जिमि परमेश्‍वर खः,

यर्मिया 3:5

छु छि न्‍ह्याबलें तंचायाच्‍वनादीगु ला? छु छिगु तं न्‍ह्याबलें दयाच्‍वनी ला?’ छं थथे ला धाःगु दु, अय्‌नं छं फतले मभिंगु ज्‍या याःगु दु।”

यर्मिया 3:7

थ्‍व फुक्‍क ज्‍या सिधय्‌के धुंकाः व जिथाय् लिहां वइ धकाः मतिइ तयागु खः। तर व लिहां मवः। अले वया विश्‍वासघाती केहेँ यहूदां थ्‍व खन।

यर्मिया 30:11

परमप्रभुं धयादी, ‘जि छनापं दइ अले छन्‍त बचय् याये। जिं छन्‍त छु छु जातितय्‌थाय् छ्यालब्‍याल यानागु खः, जिं व फुक्‍क जातियात नाश यानाबी, अय्‌नं जिं छन्‍त भज्‍यंक नाश याये मखु। जिं छन्‍त सजाँय मब्‍यूसे त्‍वःते ला मखु अय्‌नं भिंकेबलय् खःकथं न्‍याय यानाः भिंके।’”

यर्मिया 31:20

छु! एफ्राइम जिम्‍ह यःम्‍ह काय्, मखु ला? छु व जितः लय्‌तायेकीम्‍ह मचा, मखु ला? वयागु विरोधय् जिं न्‍ह्याक्‍व हे खँ ल्‍हाना सां जिं धात्‍थें वयात आः तक नं लुमंका च्‍वना। उकिं वयात जिं यय्‌का। जिं धात्‍थें वयात तसकं माया याना,” परमप्रभुं धयादी।

यर्मिया 31:21

“हे इस्राएली कुमारी, छ वंगु लँय् थां व झण्‍डा धस्‍वाकि। छ वःगु लँय् चिं ति लिहां वा! थुपिं थःगु शहरय् लिहां वा!

यर्मिया 31:8

स्‍व! जिं थःम्‍हं हे इमित उत्तरयागु देशं हयेत्‍यनागु दु। जिं इमित पृथ्‍वीयागु ताताःपाःगु थासं मुंके। इमिगु दथुइ कांपिं, लंग्रात, प्‍वाथय् दुपिं व मचा बुइकूपिं मिस्‍त नं दइ। इमिगु छगू तःधंगु पुचः थन लिहां वइ।

यर्मिया 33:26

अले जक जिं याकूबयात व जिम्‍ह दास दाऊदया सन्‍तानयात त्‍वःताबी, अले वया सन्‍तानत मध्‍ये छम्‍हय्‌सित नं अब्राहाम, इसहाक व याकूबया वंशयात राज्‍य यायेत जिं ल्‍यये मखु। छाय्‌धाःसा जिं इमिगु सुख शान्‍ति लित हयाबी अले इमित दयामाया याये।’”

यर्मिया 4:1

परमप्रभुं धयादी, “हे इस्राएलयापिं मनूत, छिपिं लिहां वये मास्‍ति वःसा जिथाय् लिहां वा। छिमिसं थःगु घच्‍चाइपुगु मूर्तित जिगु न्‍ह्यःनं चीकाछ्वल धाःसा अले हाकनं मखुगु लँय् मवन धाःसा,

विलाप 3:22

परमप्रभुया सदां दइगु दया मायां यानाः झीपिं नाश जूगु मदु, छाय्‌धाःसा वय्‌कःयागु माया न्‍ह्याबलें दयाच्‍वनी।

इजकिएल 11:17

“उकिं धा, ‘परमप्रभु परमेश्‍वरं थथे धयादी – जिं छिमित जाति जातितपाखें मुंके। गन गन छिपिं छ्यालब्‍याल जूगु दु, उपिं देशं जिं छिमित लित हये, अले हाकनं छिमित इस्राएल देश लितबी।’

इजकिएल 33:11

उकिं छं इमित थथे धा, ‘गथे जि धात्‍थें म्‍वाःम्‍ह खः, जि, परमप्रभु परमेश्‍वर न्‍ववानागु दु, मभिंपिं मनूत सीगु खनाः जि लय्‌ताय् मखु, तर इमिसं थःगु मभिंगु पहःचहः त्‍वःताः इपिं म्‍वाःगु जितः स्‍वयेमास्‍ति वः। थःगु मभिंगु पहःचहः त्‍वःति! अय् इस्राएलया घराना छिपिं छाय् सीगु?’

इजकिएल 39:25

“उकिं परमप्रभु परमेश्‍वरं थथे धयादी – जिं याकूबया सुख व शान्‍ति हाकनं लित हयाबी, जिं इस्राएलयापिं फुक्‍कं मनूतय्‌त माया याये। जिं जिगु पवित्र नांया इज्‍जतयात रक्षा याये।

होशे 6:1

“वा! झीपिं परमप्रभुपाखे लिहां वनेनु। वय्‌कलं झीत कुचा कुचा यानादीगु दु, अय्‌नं वय्‌कलं झीत लंकादी। वय्‌कलं घाः यानादीगु दु, अय्‌नं वय्‌कलं झीगु घालय् मलमपति तयादी।

लेवी 26:40

“‘थःम्‍हं व थः पुर्खातय्‌सं याःगु पाप व जिगु विरोधय् याःगु विश्‍वासघात व जि प्रति क्‍यंगु दुश्‍मनी मानय् यात धाःसा,

जकरिया 1:4

छिपिं थः पुर्खा थें जुइ मते। न्‍हापायापिं अगमवक्तातय्‌सं इमित थथे धाःगु खः – दक्‍व शक्ति दुम्‍ह परमप्रभुं थथे धयादी, ‘छिपिं थःपिनिगु मभिंगु बानी व मभिंगु ज्‍याखँ त्‍वःता जिथाय् वा।’ अय्‌नं इमिसं जिगु खँ मन्‍यं, परमप्रभुं घोषणा यानादी।

व्‍यवस्‍था 30:2

उबलय् छिपिं व छिमि मचाखाचा परमेश्‍वरयाथाय् लिहां वल धाःसा अले जिं थौं कनागु आज्ञाकथं दुनुगलंनिसें व थःगु प्राणं वय्‌कःयागु सेवा यात धाःसा