यर्मिया 29:6 - नेवाः बाइबल

⁶ ब्‍याहा यानाः काय्‌म्‍ह्याय्‌पिं दय्‌कि, काय्‌पिनिगु लागि भमचात हजि, अले म्‍ह्याय्‌पिन्‍त ब्‍याहा यानाब्‍यु, इमिसं मस्‍त दय्‌केमा। अन थःपिनिगु ल्‍याः अप्‍वय्‌कि, ल्‍याः कम जुया मवनेमा।

यर्मिया 29:6 ပူးပေါင်းရင်းမြစ်များ

उत्‍पत्ति 21:21

व पारान धाःगु मरुभूमिइ च्‍वनीगु खः। वया मामं वयात छम्‍ह मिश्रयाम्‍ह मिसा ब्‍याहा यानाबिल।

उत्‍पत्ति 24:51

रिबेकायात यंकादिसँ। अले परमप्रभुं धयादी थें छिकपिनि मालिकया काय्‌लिसें ब्‍याहा यानाबियादिसँ।”

उत्‍पत्ति 24:60

इमिसं रिबेकायात आशिष बियाः धाल – “परमेश्‍वरं छन्‍त यक्‍व सन्‍तान बियादीमा, अले छिमि सन्‍तानं थः शत्रुतय्‌त त्‍याकावने फयेमा।”

उत्‍पत्ति 29:19

लाबानं धाल, “वयागु ब्‍याहा मेपिंलिसे यानाबीगु स्‍वयाः ला छन्‍त बीगु हे बांलाः। उकिं छ जिलिसें हे च्‍वँ।

उत्‍पत्ति 34:4

वं थः बौयात वलिसे ब्‍याहा यानाब्‍यु धकाः धाल।

उत्‍पत्ति 9:7

“आः छं थःपिनि सन्‍तान यक्‍व दय्‌काः पृथ्‍वी जाय्‌की।”

प्रस्‍थान 5:11

छिपिं थःपिं हे वनाः गनं हयेफु हजि, ज्‍या धाःसा भचा नं पाः जुइ मज्‍यू।’”

१ तिमोथी 5:14

अय्‌जूगुलिं भाःत मदय्‌ धुंकूपिं ल्‍यासेपिं मिसातय्‌सं ब्‍याहा यायेगु हे भिं जू। थुपिं मचाखाचा दय्‌काः छेँ बांलाक कःघाना च्‍वनीपिं जुइमाः। अथे जूसा झी शत्रुतय्‌सं नं धायेथाय् दइ मखु।

न्‍यायकर्ता 12:9

वया स्‍विम्‍ह काय् व स्‍विम्‍ह म्‍ह्याय् दु। वं इपिं स्‍विम्‍ह म्‍ह्याय्‌पिन्‍त मेगु वंशयापिं मिजंतलिसें ब्‍याहा यानाबिल। अले थः काय्‌पिनिगु लागि मेगु वंशपाखें स्‍विम्‍ह भौपिं हल। व न्‍हय्‌दँ तक इस्राएलयाम्‍ह न्‍ह्यलुवाः जुल।

न्‍यायकर्ता 14:2

अनं छेँ लिहां वयाः वं थः मां बौयात धाल, “तिम्‍नाय् जिं छम्‍ह पलिश्‍ती मिसायात खनागु दु, आः जितः वलिसें ब्‍याहा यानाबियादिसँ।”