यर्मिया 29:32 - नेवाः बाइबल

³² उकिं जिं थःम्‍हं हे नेहेलामय् च्‍वंम्‍ह शमायाह व वया वंशयात सजाँय बी। थ्‍व प्रजाया दथुइ वया सुं नं मनू म्‍वानाच्‍वनी मखु। जिं थः प्रजायात यायेगु भिंगु ज्‍या वं स्‍वये खनी मखु। छाय्‌धाःसा वं मनूतय्‌त जिगु विरोधय् विद्रोह यायेत हपाः ब्‍यूगु दु। जि परमप्रभुं धयागु दु।’”

यर्मिया 29:32 ပူးပေါင်းရင်းမြစ်များ

१ राजा 13:18

बेथेलयाम्‍ह बुराम्‍ह अगमवक्तां धाल, “जि नं छि थें हे छम्‍ह अगमवक्ता खः। अले परमप्रभुया उजंपाखें छम्‍ह स्‍वर्गदूतं जितः थथे धाल, ‘वयात छेँय् यंकाः नकि त्‍वंकि।’” तर वं वलिसें मखुगु खँ ल्‍हाःगु खः।

२ राजा 5:27

आः नामानया छेंगूया पुनेयःगु ल्‍वय् न्‍ह्याबलें छ व छिमि सन्‍तानयाके दयाच्‍वनी।” थत्‍थें गेहजीयात ग्‍यानापुगु छेंगूया पुनेयःगु ल्‍वचं काल। गेहजी अनं वन, वयागु म्‍हया छेँगू च्‍वापु थें तुयुसे च्‍वन।

२ राजा 7:2

जुजुयात तिबः बियाच्‍वंम्‍ह कप्‍तानं परमेश्‍वरया मनूयात धाल, “स्‍वइदिसँ, परमप्रभुं स्‍वर्गया झ्‍याः चाय्‌कादिल धाःसां थथे जुइ फइ ला?” एलीशां लिसः बिल, “व छं थःगु हे मिखां खनी, तर छं उकिं नयेदइ मखु।”

प्रस्‍थान 20:5

छिमिसं उकियात भागि याये मते, पुजा नं याये मते। छाय्‌धाःसा जि हे परमप्रभु छिमि परमेश्‍वर खः। मेपिं द्यःतय्‌त पुजा याःगु जिं सह याये मफु। जिं जितः मयय्‌कूम्‍ह मनूया अधर्मया सजाँय वया छय् व छुइपिनिगु पालय् तक नं बीम्‍ह खः।”

यशैया 14:20

सीम्‍ह ल्‍हाकेगु इलय् छ इपिंनापं मिलय् जुइ मखु, छाय्‌धाःसा छं थःगु देशयात नाश याःगु दु, अले छं थः हे मनूतय्‌त नं नाश याःगु दु। दुष्‍टया सन्‍तानतय्‌गु नां गुबलें काइगु जुइ मखु।

यशैया 14:22

दक्‍व शक्ति दुम्‍ह परमप्रभुं धयादी, “जिं बेबिलोनीतय्‌त हमला याये अले बेबिलोनय् बचय्‌जूपिं इमि मचाखाचात व इमिगु नां हे ल्‍यं मदय्‌काछ्वये।

यर्मिया 17:6

व सुख्‍खा व लः मदुगु थासय्, छुं नं बुया मवइगु चि हे चि दुगु जमिनय् बुया वइगु छगू झाः थें खः। व गुबलें तःमा जुइ मखु।

यर्मिया 20:6

अले हे पशहूर, छ व छंगु छेँय् च्‍वंपिं सकसितं ज्‍वनाः बेबिलोनय् यंकी। छ व छिमि सकलें पासापिं, गुपिन्‍त छं मखुगु अगमवाणी याःगु खः, सकलें बेबिलोनय् सी। अले छिमित अन हे थुनी।’”

यर्मिया 22:30

परमप्रभुं थथे धयादी, “थ्‍व मनूया नां मस्‍त मदुम्‍ह धकाः च्‍व, छम्‍ह मनू गुम्‍ह थःगु जीवनकालय् ताःलाइ मखु। छाय्‌धाःसा वया सन्‍तान मध्‍ये सुं नं ताःलाइ मखु, वया सुं सन्‍तान दाऊदया सिंहासनय् च्‍वने खनी मखु अथवा यहूदाय् शासक जुइ खनी मखु।”

यर्मिया 28:16

उकिं परमप्रभुं थथे धयादी- ‘जिं थःम्‍हं हे छन्‍त थ्‍व पृथ्‍वीं चीकाछ्वये त्‍यनागु दु। थ्‍व हे दँय् छ सी, छाय्‌धाःसा छं परमप्रभुया विरोध यायेगु खँ स्‍यना जूगु दु।’”

यर्मिया 29:24

नेहेलामय् च्‍वंम्‍ह शमायाहयात थथे धा,

यर्मिया 30:1

परमप्रभुपाखें यर्मियायाथाय् वःगु वचन थ्‍व हे खः,

यर्मिया 35:19

उकिं दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, ‘जिगु सेवा यायेत रेकाबया काय् योनादाबया वंशय् न्‍ह्याबलें मनू दया हे च्‍वनी।’”

यर्मिया 36:31

जिं वयात, वया सन्‍तान व वया भारदारतय्‌त इमिगु पापया लागि सजाँय बी। जिं इमिके व यरूशलेम व यहूदाय् च्‍वंपिन्‍के जिं इमिगु विरोधय् हये धयागु फुक्‍क नाश हये, छाय्‌धाःसा थ्‍व खँय् इमिसं ध्‍यान हे मब्‍यू।’”

इजकिएल 20:38

जिं छिपिं मध्‍ये जिगु विरोधय् अपराध याइपिं फुक्‍क विद्रोहीतय्‌त पितछ्वयाः छिमित शुद्ध याये। इपिं च्‍वनाच्‍वंगु देशं इमित जिं हयेगु जूसां इपिं इस्राएल देशय् दुहां वने दइ मखु। अले जि हे परमप्रभु खः धकाः छिमिसं म्‍हसी।

आमोस 7:17

“अय्‌जूगुलिं परमप्रभुं थथे धयादी – “‘छं कलाः शहरय् छम्‍ह वेश्‍या जुइ, छं काय्‌म्‍हाय्‌पिन्‍त तरवारं स्‍याइ। छंगु देशयात नापय् याइ अले इनी। छ थः हे नं छगू मूर्ति पुजा याइगु छगू अशुद्धगु देशय् सी, अले इस्राएलया मनूतय्‌त धात्‍थें हे थःगु देशं तापाक ज्‍वना यंकी।’”

आमोस 9:10

दुःखकष्‍ट जिमिथाय् वइ मखु, ‘जिमित छुं मभिं जुइ मखु’ धाइपिं जि प्रजा मध्‍येयापिं फुक्‍क पापीतय्‌त तरवारं स्‍याइ।

व्‍यवस्‍था 13:5

व अगमवक्ता वा म्‍हगसय्‌या खँ कनीम्‍ह मनूयात स्‍याना हे छ्वयेमाः। छाय्‌धाःसा वं छिमित दासत्‍वया देश मिश्रं पित हयादीम्‍ह परमप्रभु छिमि परमेश्‍वरं आज्ञा बियादीगु लँपुपाखें हीकाः वय्‌कःया विरोध यायेगु स्‍यनेत कुतः यात। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः।