यर्मिया 29:23 - नेवाः बाइबल

²³ छाय्‌धाःसा इमिसं इस्राएलय् तसकं घच्‍चाइपुगु ज्‍या याःगु दु। इमिसं थः जःलाखःलाया कलाःलिसे व्‍यभिचार याःगु दु अले जिगु नामं जिं इमित धाः धकाः मधयागु मखुगु खँ इमिसं धाल। जिं थ्‍व खँ स्‍यू, जि थ्‍व खँया साक्षी खः,” परमप्रभुं धयादी।

यर्मिया 29:23 ပူးပေါင်းရင်းမြစ်များ

उत्‍पत्ति 31:50

लाबानं हाकनं धाल, “छं जिमि म्‍ह्याय्‌पिन्‍त मभिंकल, अले मेपिं मिसात ब्‍याहा याना हल धाःसां झीगु दथुइ सुं मदुसां होश या, परमेश्‍वर छंगु व जिगु साक्षी दु।”

उत्‍पत्ति 34:7

याकूबया काय्‌पिं नं जूगु खँ न्‍यनाः नुगः मछिंकाः तमं मि जुयाः छेँय् लिहां वल। छाय्‌धाःसा याकूबया म्‍ह्याय्‌यात स्‍यंकाः शकेमं याये मज्‍यूगु ज्‍या याःगु व इस्राएलयात हे बेइज्‍जत याःगु खः।

२ शमूएल 13:12

तर तामारं लिसः बिल, “मज्‍यू जिमि दाजु, जिगु बेइज्‍जत यानादी मते। थज्‍याःगु ज्‍या इस्राएलय् याये मज्‍यू। जितः थज्‍याःगु मभिंगु ज्‍या यानादी मते।

हितोपदेश 5:21

परमप्रभुं छं याःगु फुक्‍कं स्‍वयाच्‍वंगु दु। छ गन गन वन दक्‍वं स्‍वयाच्‍वंगु दु।

यर्मिया 13:27

जिं छ व्‍यभिचारी जूगु व येचाःगु खनागु दु। ख्‍यलय् ख्‍यलय् व डाँडा डाँडाय् छं घचाइपुगु मूर्तित पुजा याना जूगु जिं खनागु दु। हे यरूशलेम छन्‍त धिक्‍कार! गुबलय् तक छ अशुद्ध जुयाच्‍वनेगु?”

यर्मिया 16:17

इमिगु फुक्‍क ज्‍या जिं खं। छुं नं ज्‍या जिपाखें सुलाच्‍वंगु मदु। इमिसं याःगु पाप जिं खं।

यर्मिया 23:14

यरूशलेमयापिं अगमवक्तातय्‌के नं जिं छगू ग्‍यानापुगु खँ खना। इमिसं व्‍यभिचार याइगु अले मखुगु खँ ल्‍हाइगु। इमिसं मखुगु ज्‍या यायेत मनूतय्‌त ग्‍वाहालि याइगु। सुनानं मभिंगु ज्‍या यायेगु मत्‍वःतू। इपिं सकलें जिगु लागि सदोम थें खः, यरूशलेमयापिं मनूत गमोरा थें जूगु दु।”

यर्मिया 23:16

दक्‍व शक्ति दुम्‍ह परमप्रभुं थथे धयादी, “अगमवाणी ल्‍हानाः छिपिंलिसें नवाइपिं अगमवक्तातय्‌गु खँ छिमिसं न्‍यने मते। इमिसं छिमित मखुगु आस क्‍यनी। इमिसं थःगु हे मनयागु दर्शन कनी, जि परमप्रभुपाखेंयागु मखु।

यर्मिया 23:21

“थुपिं अगमवक्तातय्‌त जिं छ्वयाहयागु मखु, तर इपिं थःगु खबर ज्‍वनाः ब्‍वाँय् वन। इपिंलिसें जि नमवाना अय्‌नं इमिसं अगमवाणी ल्‍हात।

यर्मिया 23:32

परमप्रभुं धयादी, स्‍व, जि मखुगु म्‍हगसयात कनाजुइपिं अगमवक्तातय्‌गु विरोधय् दु। इमित जिं छ्वयाहयागु नं मखु, ल्‍ययागु नं मखु। अय्‌नं इमिसं व म्‍हगस जि प्रजायात धयाः इमित अलमलय् यानाबी। इमिसं थुपिं मनूतय्‌त भचा नं फाइदा बी मखु,” परमप्रभुं धयादी।

यर्मिया 29:21

जिगु नामं छिमित मखुगु अगमवाणी ल्‍हानाच्‍वंपिं कोलायाहया काय् आहाब व मासेयाहया काय् सिदकियाहया बारे दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी, “जिं थःम्‍हं हे इमित बेबिलोनयाम्‍ह जुजु नबूकदनेसरया ल्‍हातय् बी, वं छिमिगु न्‍ह्यःने हे इमित स्‍याइ।

यर्मिया 29:31

“ज्‍वनाः यरूशलेमं बेबिलोनय् यंकूपिं फुक्‍कसित थ्‍व खबर छ्व, ‘नेहेलामय् च्‍वंम्‍ह शमायाहया बारे परमप्रभुं थथे धयादी – जिं शमायाहयात छ्वयाहयागु मखुसां वं अगमवाणी ल्‍हानाः छिमित मखुगु आस क्‍यंगु दु,

यर्मिया 5:8

इपिं नयाः प्‍वाः जाःपिं येचाःपिं सलत थें च्‍वं, इपिं फुक्‍क थः जःलाखःलाया कलाःया निंतिं येचाःगु दु।

यर्मिया 7:11

छु छिमिसं जिगु देगःयात खुँ दाखुँतय्‌गु छेँ धकाः च्‍वना ला? छिमिसं छु यानाच्‍वंगु दु, जिं स्‍यू, परमप्रभुं धयादी।

इजकिएल 35:13

छं जिगु विरोधय् घमण्‍डयात अले छं जिगु विरोधय् छु न्‍ववात, जिं व न्‍यनागु दु।

सपन्‍याह 3:4

इमि अगमवक्तात तःधंछुया जुइपिं व विश्‍वास याये बहःमजूपिं खः। इपिं पुजाहारीतय्‌सं पवित्रगु थाय्‌यात अशुद्ध याःगु दु। इमिसं परमेश्‍वरया व्‍यवस्‍थायात उल्‍टापाल्‍टा यानाः ब्‍यूगु दु।

मलाकी 2:14

छिमिसं न्‍यनी, “छाय्?” छाय्‌धाःसा परमप्रभुं छिपिं व छिमि ल्‍याय्‌म्‍हबलय्‌या कलाः दथुइया साक्षीया ज्‍या यानाच्‍वनादीगु दु। छं वलिसें विश्‍वासघात यात, खः ला व छिमि जीवनया पासा व व्‍याहाया बाचाय् चिनातःम्‍ह कलाः खः।

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

हिब्रू 4:13

परमेश्‍वरं मखंगु छुं हे मदु। सृष्‍टियागु फुक्‍क खँ वय्‌कलं खं। थ्‍व हे परमेश्‍वरयात झीसं थथःगु ल्‍याःचाः बीमाः।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

प्रकाश 3:14

“लाउडिकियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया दक्‍व सृष्‍टिया शासक, आमेन धाःम्‍ह, विश्‍वास याये बहःम्‍ह, खःगु खःगु जक साक्षी बीम्‍हय्‌सिनं धयादी।

न्‍यायकर्ता 11:10

गिलादया थकालितय्‌सं हाकनं यिप्‍तायात धाल, “परमप्रभु झीगु दथुइ साक्षी जुल, जिमिसं धात्‍थें हे छिं धयादीगु थें हे याये।”