यर्मिया 29:13 - नेवाः बाइबल

¹³ छिमिसं जितः दुनुगलंनिसें माली अले छिमिसं जितः मालाः लुइकी।

यर्मिया 29:13 ပူးပေါင်းရင်းမြစ်များ

१ राजा 2:4

छं थथे यात धाःसा परमप्रभुं थथे धयाः जितः बियादीगु बचं पूवंकादी, ‘छं सन्‍तान पहःचहलय् होश याना जुल धाःसा अले जिगु न्‍ह्यःने दुनुगलंनिसें व फुक्‍क प्राणंनिसें विश्‍वास याये बहःम्‍ह जुयाजुल धाःसा छंगु परिवारय् इस्राएलया सिंहासनय् च्‍वनेत छम्‍ह न्‍ह्याबलें दया हे च्‍वनी।’

२ राजा 23:3

जुजुं थांया लिक्‍क दनाः “जि परमप्रभुया ल्‍यू वने, वय्‌कःया आज्ञा, विधि व नियम तनमन बियाः पालन याये अले थ्‍व सफुलिइ च्‍वयातःगु खँ पूवंके धकाः बाचा चिल।” फुक्‍क मनूतय्‌सं नं थथे धकाः हे बाचा चिल।

१ इतिहास 22:19

अले थःगु पूरा मन बिया व बलं फत्तले परमप्रभु थः परमेश्‍वरया सेवा या। देगः दय्‌केगु ज्‍या शुरु या अले परमप्रभुयात इज्‍जत बीत दय्‌केगु उगु देगलय् बाचा चिनातःगु सनू व परमेश्‍वरया पवित्र थलबल ति।”

१ इतिहास 28:9

“हे जिमि काय् सोलोमन, छं थः बौया परमेश्‍वरयात म्‍हसीकि, अले तनमनं वय्‌कःया सेवा या। वय्‌कलं झीगु फुक्‍क बिचाः व इच्‍छा स्‍यू। वय्‌कःयात माल धाःसा छं वय्‌कःयात नापलाकी, तर छं वय्‌कःयात त्‍वःतल धाःसा वय्‌कलं छन्‍त न्‍ह्याबलेंया लागि त्‍वःतादी।

२ इतिहास 22:9

अनंलि वं अहज्‍याहयात माल। येहूया मनूतय्‌सं वयात सामरियाय् सुलाच्‍वंबलय् लुइकल। इमिसं अहज्‍याहयात येहूयाथाय् हयाः स्‍यात। इमिसं वयात थुनाः थथे धाल, “व परमप्रभुयात दुनगलंनिसें मालीम्‍ह यहोशापातया छय् खः।” थुकथं अहज्‍याहया घरानाय् राज्‍य याये फुम्‍ह सुं नं मन्‍त।

२ इतिहास 31:21

परमप्रभुया देगःया सेवाय् व छु छु ज्‍या वं परमेश्‍वरया देगःया सेवाय् अले व्‍यवस्‍था व आज्ञाया खँय् थः परमेश्‍वरयात मालेत यात, व वं दुनुगलंनिसें यात अले व ताःलात।

भजनसंग्रहया सफू 119:10

जिं दुनुगलंनिसें छितः माला च्‍वनागु दु, छिगु आज्ञापाखें जितः थुखे उखे वनेबियादी मते।

भजनसंग्रहया सफू 119:145

हे परमप्रभु! जिं दुनुगलंनिसें छितः सःता च्‍वनागु दु, जितः लिसः बियादिसँ! जिं छिगु व्‍यवस्‍था मानय् याये।

भजनसंग्रहया सफू 119:2

धन्‍य खः वय्‌कःया नियम पालन याइपिं व वय्‌कःयात दुनुगलंनिसें मालिपिं मनूत।

भजनसंग्रहया सफू 119:58

जिं दुनुगलंनिसें छिगु ख्‍वाः मालागु दु, छिगु बचंकथं जितः दया यानादिसँ।

भजनसंग्रहया सफू 119:69

तःधंछुया जुइपिन्‍सं जिगु विरोधय् मखुगु खँ पिकाःगु दु, अय्‌नं जिं दुनुगलंनिसें छिगु उपदेश पालन याना।

भजनसंग्रहया सफू 145:18

वय्‌कःयात आराधना याइपिं सकसिगुं न्‍ह्यःने परमप्रभु दी, वय्‌कःयात दुनुगलंनिसें आराधना याइपिं सकसिगुं न्‍ह्यःने वय्‌कः दी।

भजनसंग्रहया सफू 32:6

उकिं ई दनिबलय् हे छितः विश्‍वास याइपिन्‍सं छिगु प्रार्थना यायेमाः। अले दुःखकष्‍टया खुसिबाः वःसां इमित स्‍यंके फइ मखु।

भजनसंग्रहया सफू 91:15

इमिसं जितः सःतीबलय् जिं इमित लिसः बी, इमित दुःख जुइबलय् जि इपिंनापं च्‍वने, जिं इमित बचय् याये, अले इज्‍जत याये।

यशैया 45:19

जिं खिउँगु देशय् सुनां मसीक न्‍वमवाना, ‘जिं छन्‍त मफतय् माला’ धकाः याकूबया सन्‍तानयात मधया। जि परमप्रभुं सत्‍य नवाये, जिं पाय्‌छिगु खँ घोषणा याये।”

यशैया 65:10

जितः मालीपिं जिमि प्रजाया निंतिं, शारोन फैच्‍वलय्‌त ज्‍वयेगु ख्‍यः, अले आकोरया ब्‍यासि धाःसा सा द्वहंतय्‌गु आराम कायेगु थाय् जुइ।

यर्मिया 24:7

जि हे परमप्रभु खः धकाः म्‍हसीगु नुगः जिं इमित बी। अले इपिं जि प्रजा जुइ। जि इमि परमेश्‍वर जुये, छाय्‌धाःसा इपिं दुनुगलंनिसें जिथाय् लिहां वइ।

यर्मिया 3:10

थुलि जूसां नं वया विश्‍वासघाती केहेँ यहूदा दुनुगलंनिसें जिथाय् लिहां मवः। तर ख्‍यालं जक लिहां वल,” परमप्रभुं धयादी।

यर्मिया 50:4

“उपिं दिनय्, उगु इलय् इस्राएलया मनूत व यहूदाया मनूत नापनापं ख्‍वख्‍वं थः परमप्रभु परमेश्‍वरयात माःवनी,” परमप्रभुं धयादी।

होशे 5:15

इमिसं थःगु पाप स्‍वीकार मयातले जि लिहां वनाः थःगु थासय् च्‍वने, इमिसं जिगु ख्‍वाः स्‍वयेत माला जुइ। इमित दुःखकष्‍ट जुइबलय् इमिसं जितः तसकं माली।”

योएल 2:12

परमप्रभुं धयादी, “आः नं छिपिं पूरा मन बियाः अपसं च्‍वनाः, ख्‍वयाः व दुखं च्‍वनाः जिथाय् लिहां वा।”

मत्ती 7:7

“फ्‍वँ, अले छिमित बी, माला स्‍व, अले छिमिसं लुइके फइ, सः ब्‍यु, अले लुखा चाय्‌काबी।

प्रेरित 8:36

इपिं वँवं छथाय् लः दुथाय् थ्‍यन। अले वं फिलिपयात धाल – “स्‍वयादिसँ, थन लः दु। जितः बप्‍तिस्‍मा कायेत छुकिं पनी?”