यर्मिया 29:11 - नेवाः बाइबल

¹¹ छाय्‌धाःसा जिं छिमिगु निंतिं गुगु योजना दय्‌कागु दु, व जिं स्‍यू,” परमप्रभुं धयादी। “व छिमिगु भिंया लागि खः, छिमित स्‍यंकेत मखु, छिमित बांलाःगु भविष्‍य व आशा बीत।

यर्मिया 29:11 ပူးပေါင်းရင်းမြစ်များ

अय्‍यूब 23:13

“तर छकः वय्‌कलं क्‍वःछिनादी धुंकाः सुनां वय्‌कःया मनयात हीके फइ? वय्‌कःयात छु याये मास्‍ति वः, व वय्‌कलं यानादी।

भजनसंग्रहया सफू 33:11

परमप्रभुया ग्‍वसाः धाःसा सदां दयाच्‍वनी। वय्‌कःया बिचाः गुबलें नं हिली मखु।

भजनसंग्रहया सफू 40:5

हे परमप्रभु जि परमेश्‍वर! छिं जिमिगु निंतिं यक्‍व हे अजू चायापुगु ज्‍या यानादीगु दु। छिं जिमिगु निंतिं ल्‍याः खानां ल्‍याः खाये मफयेक अजू चायापुगु ग्‍वसाः ग्‍वयादीगु दु। छि थें ज्‍याःम्‍ह सुं हे मदु। छिं यानादीगु ज्‍या कन धाःसा गुबलें नं सिधइ मखु।

भजनसंग्रहया सफू 85:9

धात्‍थें हे वय्‌कःया उद्धार वय्‌कःयात मानय् याइपिनिगु न्‍ह्यःने हे दु, अथे जुयाः वय्‌कःया महिमा झीगु देशय् च्‍वनाच्‍वनेमा।

यशैया 27:4

जि तंम्‍वयागु मदु। झाःत व कंमात बुया वयाः जितः पंगु जूसा जि इपिंनापं लडाइँ याःवनेगु जुइ। जिं इमित मि च्‍याकीगु जुइ।

यर्मिया 23:5

“स्‍व, थज्‍याःगु दिं वयाच्‍वंगु दु, गबले जिं दाऊदया वंशपाखें छगू धर्मी कचायात पिकाय्। वं जुजु जुयाः बुद्धिं शासन याइ। वं देशय् न्‍याय व पाय्‌छिगु ज्‍या याइ।

यर्मिया 23:6

वयागु इलय् यहूदाया मनूतय्‌त बचय् याइ। अले इस्राएल सुरक्षित जुयाच्‍वनी। परमप्रभुं वयागु नां ‘परमप्रभु जिमिगु धार्मिकता’ तयादी।”

यर्मिया 24:5

“परमप्रभु इस्राएलया परमेश्‍वरं थथे धयादी, ‘थ्‍व बांबांलाःगु यःमरि थें जिं यहूदां बेबिलोनय् ज्‍वनायंकूपिन्‍त उलि हे बांलाः ताय्‌के।

यर्मिया 30:10

“‘उकिं परमप्रभुं धयादी, हे जिम्‍ह दास, याकूबया सन्‍तान, ग्‍याये मते। हे इस्राएलयापिं मनूत, नुगः क्‍वतुंके मते। जिं थम्‍हं हे छिमित तापाःगु देशं व छिमि सन्‍तानयात ज्‍वनायंकातःगु देशं बचय् यानाः हये। याकूबयात हाकनं शान्‍ति व सुरक्षा दइ। सुनानं वयात ख्‍याये फइ मखु।’

यर्मिया 30:9

तर इमिसं जि परमप्रभु थः परमेश्‍वरयागु व जिं इमिगु लागि ल्‍ययाम्‍ह दाऊद जुजुया सेवा याइ।

यर्मिया 33:6

“‘अथेजूसां, जिं थःम्‍हं हे थ्‍व शहरयात लाय्‌काः हाकनं स्‍वस्‍थ यानाबी। अले थनयापिं मनूतय्‌त गाक्‍क सुरक्षा व शान्‍ति बी।

विलाप 3:26

सुम्‍क च्‍वनाः परमप्रभुया उद्धारयागु लँपु स्‍वयेगु हे तसकं बांलाःगु खँ खः।

इजकिएल 11:16

“उकिं थथे धा, ‘परमप्रभु परमेश्‍वरं थथे धयादी – जिं इमित जाति जातितय्‌गु दथुइ तापाक छ्वयागु जूसां अले इमित देश विदेशय् छ्यालब्‍याल यानाबियागु जूसां इपिं वंगु देशय् जि छुं ईया निंतिं इमिगु लागि शरण कायेगु थाय् जुयागु दु।’

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

मीका 4:12

तर इमिसं परमप्रभुया बिचाःयात सीके मफु। इमिसं वय्‌कःयागु आजुयात नं थुइके मफु। वय्‌कलं इमित अन्‍न दायेगु थासय् थूत मुंकु थें इमित मुंकादी।

जकरिया 1:6

अय्‌नं जिं थः दास अगमवक्तातय्‌पाखें छिमि पुर्खातय्‌त बियागु वचन व ख्‍याच्‍वः इमिके पूरा जुल। “अले इमिसं पस्‍ताय् चायाः धाल, ‘दक्‍व शक्ति दुम्‍ह परमप्रभुं झीगु पहःचहः व ज्‍याकथं झीलिसें छु यायेगु क्‍वःछिनादीगु खः व वय्‌कलं झीपिंलिसे यानादिल।’”

जकरिया 13:9

थ्‍व हे स्‍वब्‍वय् छब्‍व मनूतय्‌त जाँचय् यायेत मिं वहः यचुकीगु थें जिं इमित यचुके। लुँयात जाँचय् यानागु थें जिं इमित जाँचय् याये, अबलय् इमिसं जिगु नामं बिन्‍ति याइ। अले जिं इमित लिसः बी, ‘इपिं जि प्रजा खः’ धकाः जिं इमित धाये। अले इमिसं धाइ, ‘परमप्रभु जिमि परमेश्‍वर खः।’”