यर्मिया 29:10 - नेवाः बाइबल

¹⁰ परमप्रभुं थथे धयादी, “बेबिलोनया न्‍हयेदँ पूवने धुंकाः जि छिमिथाय् वये, अले छिमित थ्‍व थासय् लित हये धयागु जिगु बचं पूवंके।

यर्मिया 29:10 ပူးပေါင်းရင်းမြစ်များ

२ इतिहास 36:21

यर्मियाया म्‍हुतुं पिहां वःगु परमप्रभुया वचन पूवनेत न्‍हयेदँ (७०) पुला मवंतले, झिजांमिजां दनाच्‍वंतले देशं थःगु विश्राम दँत हनाच्‍वन।

२ इतिहास 36:22

फारसया जुजु कोरेसया न्‍हापांगु दँय् यर्मियापाखें वःगु परमप्रभुया वचन पूरा जुइत परमप्रभुं फारस जुजुया नुगःयात ग्‍वाकादिल। अले वं थ्‍व आज्ञा च्‍वयाः देशन्‍यंक छ्वल –

एज्रा 1:1

फारसयाम्‍ह जुजु कोरेसया न्‍हापांगु दँय् यर्मिया अगमवक्तापाखें वःगु परमप्रभुयागु वचन पूवंकेत, परमप्रभुं फारसयाम्‍ह जुजु कोरेसया नुगःयात ग्‍वाकादिल। अथे जुयाः वं च्‍वयाः देशया फुक्‍क थासय् थ्‍व खँ घोषणा याकल।

एज्रा 1:2

“फारसयाम्‍ह जुजु कोरेसं थथे धयादी– ‘परमप्रभु स्‍वर्गयाम्‍ह परमेश्‍वरं पृथ्‍वीयागु फुक्‍क राज्‍य जितः बियादीगु दु। वय्‌कलं हे जितः यहूदाया यरूशलेमय् वय्‌कःया निंतिं छगू देगः दय्‌केत उजं बियादीगु दु।

भजनसंग्रहया सफू 102:14

छिकपिनि दासतय्‌त सियोनया छगः छगः ल्‍वहं यः। अले उकिया छफुति छफुति धूयात इमिसं माया याः।

यर्मिया 25:11

थ्‍व फुक्‍क देश झिजांमिजां दनी अले सुनसान जुइ। थ्‍व फुक्‍क जातिं न्‍हयेदँ तक बेबिलोनयाम्‍ह जुजुया सेवा याइ।

यर्मिया 25:12

“तर न्‍हयेदँ फुइ धुंकाः जिं बेबिलोनया जुजु व वयागु जातियापिं मनूत व बेबिलोनीतय्‌त इमिगु दोषया निंतिं सजाँय बी अले व देशयात न्‍ह्याबलेंया निंतिं झिजांमिजां दंगुथाय् यानाबी,” परमप्रभुं धयादी।

यर्मिया 27:22

‘व फुक्‍क सामान बेबिलोनय् यंकीगु जुइ। अले जिं इमित वास्‍ता मयातले व सामान अन हे दयाच्‍वनी अले जिं व सामान हाकनं लित हये, अले यरूशलेमय् हाकनं तये,’” परमप्रभुं धयादी।

यर्मिया 27:7

वयागु थःगु जाति पतन जुइगु ई मवतले थ्‍व फुक्‍क जातिं वयागु, वया काय्‌यागु व वया छय्‌यागु सेवा याइ। अनंलि यक्‍व जाति व ततःधंपिं जुजुपिन्‍सं वयात थःगु बसय् तइ।

यर्मिया 29:28

छाय्‌धाःसा वं बेबिलोनय् जिमिथाय् – छिपिं अन कैदी जुयाः ताःई तक च्‍वनेमाली, उकिं छेँ दय्‌काः अन च्‍वँ अले क्‍यब दय्‌काः उकी सःगु न धकाः धाय्‌के छ्वयाहल।’”

यर्मिया 29:32

उकिं जिं थःम्‍हं हे नेहेलामय् च्‍वंम्‍ह शमायाह व वया वंशयात सजाँय बी। थ्‍व प्रजाया दथुइ वया सुं नं मनू म्‍वानाच्‍वनी मखु। जिं थः प्रजायात यायेगु भिंगु ज्‍या वं स्‍वये खनी मखु। छाय्‌धाःसा वं मनूतय्‌त जिगु विरोधय् विद्रोह यायेत हपाः ब्‍यूगु दु। जि परमप्रभुं धयागु दु।’”

यर्मिया 30:3

जिं जिमि प्रजा इस्राएल व यहूदायात बेबिलोनं लित हयेगु दिं वयेत्‍यंगु दु। जिं इमि पुर्खातय्‌त बियागु देशय् जिं इमित लित हये। इमिसं हाकनं उगु देशय् अधिकार याइ,’” परमप्रभुं धयादी।

यर्मिया 33:14

“‘जिं थःम्‍हं इस्राएलया घराना व यहूदाया घरानायात बियागु बचं पूरा यायेगु ई वयाच्‍वंगु दु, परमप्रभुं धयादी।

इजकिएल 11:17

“उकिं धा, ‘परमप्रभु परमेश्‍वरं थथे धयादी – जिं छिमित जाति जातितपाखें मुंके। गन गन छिपिं छ्यालब्‍याल जूगु दु, उपिं देशं जिं छिमित लित हये, अले हाकनं छिमित इस्राएल देश लितबी।’

दानिएल 9:2

जि दानिएलं यर्मिया अगमवक्तायात ब्‍यूगु परमप्रभुया वचनकथं, धर्मशास्‍त्रपाखें यरूशलेम न्‍हयेदँ तकया लागि नाश जुइ धकाः सीकाकया।

सपन्‍याह 2:7

अले व समुद्रया सिथय् च्‍वगु देय् यहूदाया खलःयापिं ल्‍यंदुपिं मनूतय्‌गु लागिं जुइ, इमिसं अन थः फैतय्‌त ज्‍वइ। अश्‍कलोनया छेँतय् इपिं बहनी द्यनी, छाय्‌धाःसा परमप्रभु इमि परमेश्‍वरं इमिगु भिंगु दिं हाकनं लित हयादी।

जकरिया 1:12

अले परमप्रभुया दूतं धाल, “हे दक्‍व शक्ति दुम्‍ह परमप्रभु, न्‍हयेदंनिसें छि यरूशलेम व यहूदाया शहरतलिसे तंचायादीगु दु। ग्‍वःन्‍हु तक छिं इमित दया यानादी मखु?”

जकरिया 7:5

“देशय् च्‍वंपि मनूत व पुजाहारीतय्‌त न्‍यँ, ‘वंगु न्‍हयेदँय् छिमिसं न्‍यागूगु व न्‍हय्‌गूगु लाय् अपसं च्‍वनाः शोक याःबलय् छु छिमिसं धात्‍थें हे जिगु हे निंतिं अपसं च्‍वनागु खः ला?

रुथया सफू 1:6

परमप्रभुं थः मनूतय्‌त हाकनं सुवाः बियादीगुलिं बुँइ अन्‍न बांलाक सःगु दु धयागु खँ न्‍यनाः नाओमीयात थः भौपिं नापं मोआबं थःगु देशय् लिहां वने मास्‍ति वल।