यर्मिया 27:19 - नेवाः बाइबल

¹⁹ देगःया थां, कँय्‌यागु तग्‍वःगु त्‍यांकि, लिधंसात व शहरय् त्‍वःता वंगु मेमेगु सामानया बारे दक्‍व शक्ति दुम्‍ह परमप्रभुं थथे धयादी,

यर्मिया 27:19 ပူးပေါင်းရင်းမြစ်များ

१ राजा 7:23

हुरामं नाय्‌काः कँय्‌यागु छगः ग्‍वःलाःगु त्‍यांकि दय्‌कल। व निगू प्‍वाइन्‍ट निगू (२.२) मिटर तज्‍जाः अले उकिया ब्‍या प्‍यंगू प्‍वाइन्‍ट प्‍यंगू (४.४) मिटर व उकिया छचाःखेरंया नापय् यायेत झिंस्‍वंगू प्‍वाइन्‍ट निगू (१३.२) मिटर दुगु खिपः मा।

१ राजा 7:27

हुरामं कँय्‌या झिगः गाडा नं दय्‌कल। छगः छगः गाडा छगू प्‍वाइन्‍ट च्‍यागू (१.८) मिटर ताहाः छगू प्‍वाइन्‍ट च्‍यागू (१.८) मिटर हे तब्‍या व छगू प्‍वाइन्‍ट स्‍वंगू १.३ मिटर तःजाः।

२ राजा 25:13

बेबिलोनीतय्‌सं परमप्रभुया देगलय् दुगु कँय्‌या थां व लिधंसात, कँय्‌या तग्‍वःगु त्‍यांकि नं कुचा कुचा यात अले इमिसं फुक्‍क कँय् बेबिलोनय् यंकल।

२ राजा 25:17

निपु थां उत्‍थें च्‍वँ, निपुं हे ८.२ मिटर तजाः। च्‍वय् कँय्‌यागु १.३ मिटर तःजाःगु तपुलि दु। कँय्‌या जालि व धालेसिया बुत्तां चाकःछिं जाःगु दु। मेगु थां उकिया जालिनापं उत्‍थें च्‍वँ।

२ इतिहास 36:18

बेबिलोनयाम्‍ह जुजुं देगःया चिग्‍वःगु व तग्‍वःगु फुक्‍क थलबल, परमप्रभुया देगःया धन-सम्‍पत्ति, जुजु व भारदारतय्‌गु धन-सम्‍पत्ति फुक्‍कं लुतय् यानाः बेबिलोनय् यंकल।

विलाप 1:10

वया शत्रुतय्‌सं वयागु दक्‍व मू मू वंगु ज्‍वलं लुतय् याःगु दु। मेगु जातियापिं मनूत, सुयात परमप्रभुं थःगु मुंज्‍याय् च्‍वनेत पनादीगु खः, इपिं वयागु पवित्र थासय् दुहां वंगु वं खन।

दानिएल 1:2

परमप्रभुं यहूदाया जुजु यहोयाकीम व देगःयागु लुँ, वहः व कँय्‌यागु छुं थलबल नबूकदनेसरया ल्‍हातय् बियादिल। अले वं थुपिं थलबल बेबिलोनियाय् दुगु थः द्यःया देगलय् यंकाः देगःयागु धुकुतिइ तल।