यर्मिया 26:8 - नेवाः बाइबल

⁸ परमप्रभुं यानादीगु फुक्‍क आज्ञा यर्मियां फुक्‍क मनूतय्‌त धाये धुंकेवं पुजाहारीत, अगमवक्तात व फुक्‍क मनूतय्‌सं वयात ज्‍वनाः धाल, “छ सी हे माः।

यर्मिया 26:8 ပူးပေါင်းရင်းမြစ်များ

२ इतिहास 36:16

तर इमिसं परमेश्‍वरया दूततय्‌त हिस्‍यात, वय्‌कःया वचनयात च्‍यूताः मतः। वय्‌कःया अगमवक्तातय्‌त हिस्‍यायेगु त्‍वःमतू। लिपतय्, परमप्रभु थः मनूत खनाः तसकं तंचायादिल। उकिं बचय् जुइगु छुं हे लँ मन्‍त।

यर्मिया 1:19

इपिं छलिसें ल्‍वाः वइ, तर इमिसं छन्‍त त्‍याके फइ मखु, छाय्‌धाःसा छन्‍त रक्षा यायेत जि छलिसें दइ,” जि परमप्रभु न्‍ववानागु दु।

यर्मिया 18:18

अले इमिसं धाल, “वा! झीसं यर्मियाया विरोधय् ग्‍वसाः ग्‍वयेनु। झीत स्‍यनीपिं पुजाहारी, सल्‍लाह बीपिं बुद्धि दुपिं मनूत व पमेश्‍वरया वचन न्‍यंकीपिं अगमवक्तात कम जुइ मखु। झीसं थःगु वचनं यर्मियायात हमला यायेनु अले वं धाःगु छुं नं खँय् ध्‍यान बी मते।”

यर्मिया 18:23

अय्‌नं हे परमप्रभु, जितः स्‍यायेत स्‍वयाच्‍वंपिनिगु फुक्‍क ग्‍वसाः छिं स्‍यू, इमिगु अधर्मयात क्षमा यानादी मते! थःगु मिखां इमिगु पाप हुयादी मते! इपिं छिगु न्‍ह्यःने नाश जुइमा। थःगु तंया इलय् छिं इपिंलिसें थज्‍याःगु हे व्‍यवहार यानादिसँ।

यर्मिया 2:30

“छिमि मनूतय्‌त मफतय् जिं सजाँय बिया, भिंकेगु जिगु शिक्षायात इमिसं नाला मका। क्‍वाप्‍प नइम्‍ह सिंहं थें छिमि अगमवक्तातय्‌त छिमिसं स्‍याःगु दु।

यर्मिया 32:3

यहूदाया जुजु सिदकियाहं वयात थथे धयाः कुनातःगु खः, “छं छाय् थथे धयाः अगमवाणी ल्‍हानागु, ‘परमप्रभुं थथे धयादी – जिं थःम्‍हं हे थ्‍व शहर बेबिलोनया जुजुया ल्‍हातय् बीत्‍यनागु दु, वं थ्‍व का हे काइ।

यर्मिया 43:1

परमप्रभु इमि परमेश्‍वरं गुलि खँ धायेत यर्मियायात छ्वयाहःगु खः, व फुक्‍क खँ यर्मियां इमित धाये धुंकाः

आमोस 7:10

अले बेथेलया पुजाहारी अमस्‍याहं इस्राएलया जुजु यारोबामयाथाय् थथे धाय्‌के छ्वल, “इस्राएलया मनूतय्‌गु दथुइ आमोसं छिगु विरोधय् जाः ग्‍वयाच्‍वंगु दु। थ्‍व देशं वयागु दक्‍व खँ सह याये फइ मखु,

मत्ती 22:6

गुलिसिनं ला जुजुया दासतय्‌त ज्‍वनाः दायाः स्‍याना हे बिल।

मत्ती 27:20

तःधंपिं पुजाहारीत व थकालिपिन्‍सं मनूतय्‌त ग्‍वाकाः बारब्‍बायात त्‍वःताः येशूयात स्‍यायेमाः धकाः धाय्‌कल।

प्रेरित 5:33

थ्‍व न्‍यनाः सभाय् च्‍वंपिं मनूतय्‌सं तसकं तंम्‍वय्‌काः प्रेरिततय्‌त स्‍याये हे माः धकाः धाल।

प्रेरित 7:52

छिकपिनि तापाःबाज्‍यापिन्‍सं अगमवक्ता सुयात जक दुःख मब्‍यूगु दु? धर्मीम्‍ह मनू झायादी तिनि धकाः धाःपिन्‍त नं इमिसं स्‍याना छ्वल। आः व हे धर्मीम्‍ह मनूयात नं छिकपिन्‍सं दुःख जक बियाः मगानाः धोखा बियाः स्‍यानाबिल।

प्रकाश 18:24

अगमवक्तातय्‌गु, परमेश्‍वरया मनूतय्‌गु व पृथ्‍वीइ स्‍याःपिनिगु हि अनं लुया वःगुलिं बेबिलोन थुकथं नाश जुल।”