यर्मिया 26:5 - नेवाः बाइबल

⁵ अले जिं छिमिथाय् छ्वयाहयापिं अगमवक्तातय्‌गु खँ ध्‍यान बियाः मन्‍यन धाःसा (खः ला छिमिसं ध्‍यान बियाः न्‍यंगु मदु)

यर्मिया 26:5 ပူးပေါင်းရင်းမြစ်များ

२ राजा 17:13

परमप्रभुं अगमवक्तात व दूतत छ्वयाहयाः इस्राएल व यहूदायात थ्‍व ख्‍याच्‍वः ब्‍यूगु खः, “छिमिसं मभिंगु पहःचहः त्‍वःताः जिं छिमि पुर्खातय्‌त बियागु व्‍यवस्‍थाकथं व थः दास अगमवक्तातपाखें छिमित बियागु आज्ञा व विधि मानय् या।”

२ राजा 17:23

परमप्रभुं थः दास अगमवक्तातपाखें ख्‍याच्‍वः बियादीगु थें इमित थःगु न्‍ह्यःनं पितिनामदीतले इपिं उकिं लिहां मवः। उकिं इस्राएलीतय्‌त ज्‍वनाः इमिगु देशं अश्‍शूरय् यंकल। इपिं थौं तक अन दनि।

२ राजा 24:2

परमप्रभुं यहोयाकीमलिसें ल्‍वायेत व यहूदायात नाश यायेत बेबिलोनी, अरामी, मोआबी व अम्‍मोनीतय् लुतपात याइगु पुचः छ्वयाहल। थ्‍व परमप्रभुं थः दास अगमवक्तातपाखें धयादीगु वचनकथं जुल।

२ राजा 9:7

छं थः मालिक आहाबया काय्‌पिन्‍त स्‍यायेमाः, अले ईजेबेलं जिम्‍ह अगमवक्तात व मेमेपिं दासतय्‌त स्‍याःगुलिं जिं वयात सजाँय बी।

एज्रा 9:11

छिं थः दास अगमवक्तातपाखें थथे धयादीगु दु, ‘छिमिसं अधिकार यायेत वनेत्‍यंगु देश अनयापिं मनूतय्‌गु अशुद्ध ज्‍या व घच्‍चाइपुगु ज्‍यां यानाः अशुद्ध जूगु दु। इमिसं देशयागु छगू कुन्‍चांनिसें मेगु कुन्‍चा तक थःगु अशुद्ध ज्‍यां जाय्‌काब्‍यूगु दु।

यर्मिया 11:7

जिं छिमि पुर्खातय्‌त मिश्र देशं पित हयागु दिनंनिसें थौं तक इमित मदिक्‍क बारम्‍बार ‘जिगु उजं पालन या’ धकाः ख्‍याच्‍वः बियावयाच्‍वनागु दु।

यर्मिया 29:19

छाय्‌धाःसा इमिसं जिगु खँ बांलाक मन्‍यन,” परमप्रभुं धयादी। “गुगु वचन जिं थः दासत अगमवक्तातपाखें बारम्‍बार इमिथाय् छ्वयागु खः। छिपिं यरूशलेमं ज्‍वनाः बेबिलोनय् यंकूपिन्‍सं नं ध्‍यान बियाः मन्‍यं,” परमप्रभुं धयादी।

यर्मिया 32:33

इमिसं जिगुपाखे थःगु ख्‍वाः मखु, जँन्‍हुफाः स्‍वय्‌कूगु दु। जिं इमित तःकः मछि स्‍यंसां इमिसं जिगु खँ मन्‍यन अले इपिं जिगु न्‍वानाखँकथं मजुल।

यर्मिया 35:15

जिं तःकः मछि हे थः दास अगमवक्तातय्‌त छिमिथाय् छ्वयाहया। इमिसं धाल, “छिपिं सकसिनं मभिंगु ज्‍या त्‍वःतेमाः, थथःगु पहःचहः व ज्‍यायात भिंकेमाः अले मेपिं द्यःतय्‌गु ल्‍यू वनाः इमित आराधना याये मते। अले जक छिपिं जिं छिमि पुर्खातय्‌त बियागु देशय् च्‍वने दइ।” तर छिमिसं जिगु खँय् ध्‍यान मबिल वा जिगु खँ मन्‍यन।

यर्मिया 35:17

“उकिं दक्‍व शक्ति दुम्‍ह परमप्रभु परमेश्‍वर, इस्राएलयाम्‍ह परमेश्‍वरं थथे धयादी, ‘स्‍व! जिं थम्‍हं हे यरूशलेम व यरूशलेमय् च्‍वंपिं सकसिके जिं धयागु विपत्ति हयेत्‍यनागु दु। जिं इमित धया, तर इमिसं मन्‍यन, जिं इमित सःता, तर इमिसं लिसः मब्‍यू।’”

यर्मिया 44:4

अय्‌नं जिं जिम्‍ह दास अगमवक्तातय्‌त बारम्‍बार इमिथाय् थथे धाय्‌के छ्वया, ‘जितः तसकं मयःगु थज्‍याःगु घच्‍चाइपुगु ज्‍या याये मते।’

यर्मिया 7:13

परमप्रभुं धयादी, ‘छिमिसं थ्‍व फुक्‍क ज्‍या यानाच्‍वंबलय् जिं छिपिंलिसें तःक्‍वः हे न्‍ववाना, अय्‌नं छिमिसं वास्‍ता मया। जिं छिमित सःता, अय्‌नं छिमिसं लिसः हे मब्‍यू।

यर्मिया 7:25

छिमि पुर्खातय्‌सं मिश्र त्‍वःतूबलय् निसें थौं तक, न्‍हियान्‍हिथं जिं जिम्‍ह दास अगमवक्तातय्‌त छिमिथाय् छ्वयाहयाच्‍वनागु दु।

इजकिएल 38:17

“‘परमप्रभु परमेश्‍वरं थथे धयादी – पुलांगु इलय् जिं थः दासत, इस्राएलया अगमवक्तातपाखें धयाःम्‍ह मनू छ हे, मखु ला? उबलय् जिं छन्‍त इमिगु विरोधय् हइ धकाः यक्‍व दँ इमिसं अगमवाणी यात।

आमोस 3:7

धात्‍थें हे परमप्रभु परमेश्‍वरं थः दास अगमवक्तातय्‌त थःगु योजना मक्‍यंसे छुं नं यानादी मखु।

जकरिया 1:6

अय्‌नं जिं थः दास अगमवक्तातय्‌पाखें छिमि पुर्खातय्‌त बियागु वचन व ख्‍याच्‍वः इमिके पूरा जुल। “अले इमिसं पस्‍ताय् चायाः धाल, ‘दक्‍व शक्ति दुम्‍ह परमप्रभुं झीगु पहःचहः व ज्‍याकथं झीलिसें छु यायेगु क्‍वःछिनादीगु खः व वय्‌कलं झीपिंलिसे यानादिल।’”

प्रकाश 10:7

न्‍हय्‌म्‍हम्‍ह स्‍वर्गदूतं थःगु तुरही पुइबलय् परमेश्‍वरं न्‍हापांनिसें वय्‌कःया दास अगमवक्तातय्‌त कनातःगु वय्‌कःयागु गुप्‍ति खँ नं पूवंकादी।

प्रकाश 11:18

जात जातियापिं मनूत छि खनाः तसकं तंम्‍वय्‌कल। आः छिगु तं पिकायेगु ई वल, अले सीपिन्‍त न्‍याय यायेगु। छिकपिनि दास अगमवक्ताततय्‌त व विश्‍वासीतय्‌त, छितः मानय् यानाच्‍वंपिं तःधंपिं व चिधंपिं फुक्‍कसितं सिरपाः बीगु व पृथ्‍वीयात स्‍यंकूपिन्‍त न्‍हंकेगु ई नं वये धुंकल।”