यर्मिया 26:18 - नेवाः बाइबल

¹⁸ “यहूदाया जुजु हिजकियाया इलय् मोरेशेतयाम्‍ह मीकां अगमवाणी ल्‍हात। यहूदायापिं फुक्‍क मनूतय्‌त वं थथे धाल, ‘दक्‍व शक्ति दुम्‍ह परमप्रभुं थथे धयादी, “‘सियोनयात बुँ थें जोते याइ, यरूशलेम नाश जुयाः द्वँ चिनी, देगः दुगु डाँडा धाःसा झाःया झाः दुगु द्वम्‍बःचा थें जुइ।’

यर्मिया 26:18 ပူးပေါင်းရင်းမြစ်များ

२ राजा 19:25

“‘यक्‍व न्‍हापा हे जिं अथे यायेगु ग्‍वसाः ग्‍वयागु खः धकाः छु छं गुबलें मन्‍यना ला? आः जिं हे व पूवंका। पखालं घेरय् यानातःगु शहरतय्‌त नाश यानाः द्वंचिंकेगु शक्ति जिं छन्‍त बिया।

२ इतिहास 32:26

अय्‌नं लिपातय् हिजकिया व यरूशलेमयापिं मनूतय्‌सं थःगु नुगःया घमण्‍डया निंतिं पश्‍चाताप यात। उकिं हिजकिया मसीतले परमप्रभुया तं इमिके मलाः।

नहेम्‍याह 4:2

थःनापं ज्‍या याइपिं व सामरियाया सेना न्‍ह्यःने थथे धाल, “थुपिं बमलाःपिं यहूदीतय्‌सं छु यानाच्‍वंगु? छु थुमिसं थःगु पखाः हाकनं दय्‌कीगु ला? छु थुमिसं बां बीगु ला? छु थुमिसं थ्‍व ज्‍या छन्‍हुं हे सिधय्‌की ला? छु थुमिसं चाया द्वंयागु थुपिं मिं नःगु ल्‍वहँतय्‌त नं हाकनं न्‍हूगुकथं दय्‌कीगु ला?”

भजनसंग्रहया सफू 79:1

हे परमेश्‍वर, पिनें वःपिन्‍सं छिगु सर्बय त्‍याका काल। इमिसं छिगु पवित्र देगःयात अशुद्ध यानाबिल। इमिसं यरूशलेमयात नाश यानाथकल।

यर्मिया 17:3

थ्‍व देशय् दुगु जिगु पर्वत व छिमिगु फुक्‍क धन-सम्‍पत्ति छिमिगु पुजा याइगु थाय्‌नापं देश न्‍यंकया पापया कारणं जिं छिमि शत्रुतय्‌त लुटपाट याकेबी।

यर्मिया 51:37

बेबिलोन छगू नाशया द्वँ जुइ, ध्‍वंचात च्‍वनीगु थाय्, मनूत खनाः व वातां जुइ, व न्‍हीकीगु खँ व सुं मनू मच्‍वनीगु थाय् जुइ।

यर्मिया 9:11

परमप्रभुं धयादी, “जिं यरूशलेमयात नाश यानाः ध्‍वंचात च्‍वनीगु नाशया द्वँ दय्‌काबी, यहूदाया शहरतय्‌त झिजांमिजां दंगुथाय् यानाबी। अन सुं नं च्‍वने फइ मखु।”

मीका 1:1

यहूदाया जुजुपिं योताम, आहाज व हिजकियां राज्‍य यानाच्‍वंबलय् मोरेशेत शहरय् च्‍वंम्‍ह मीकायाथाय् वःगु परमप्रभुया वचन, थ्‍व दर्शन वं सामरिया व यरूशलेमयागु बारे खंगु खः।

मीका 3:12

अथे जुयाः छिमिगु कारणं यानाः सियोनयात बुँ थें जोतय् याइ, यरूशलेम नाश जुयाः द्वँ चिनी, देगःया डाँडा धाःसा झाः बुयावया त्‍वःपुयाच्‍वंगु द्वम्‍बःचा थें जुइ।

मीका 4:1

लिपांगु न्‍हिइ परमप्रभुया देगः पलिस्‍था यानातःगु पर्वत मेगु फुक्‍क पर्वत स्‍वयाः मू वंगु जुयाः थापं जुइ। व हिमालत स्‍वयाः तसकं तःजाः जुइ, अले मनूत अन मूंवइ।

जकरिया 8:3

परमप्रभुं थथे धयादी, “जि सियोनय् लिहां वये अले यरूशलेमय् बाय् च्‍वने। अबलय् यरूशलेमयात ‘विश्‍वास याये बहःगु शहर’ धकाः धाइ, अले दक्‍व शक्ति दुम्‍ह परमप्रभुया पहाडयात धाःसा ‘पवित्र पर्वत’ धाइ।”