यर्मिया 26:16 - नेवाः बाइबल

¹⁶ अले हाकिमत व फुक्‍क मनूतय्‌सं पुजाहारीत व अगमवक्तातय्‌त धाल, “थ्‍व मनू ज्‍यान सजाँय बीमाःम्‍ह मखु। थ्‍वं जिमित परमप्रभुं झी परमेश्‍वरया नामय् थ्‍व खँ धाःगु खः।”

यर्मिया 26:16 ပူးပေါင်းရင်းမြစ်များ

एस्‍तर 4:14

थज्‍याःगु इलय् छ सुम्‍क च्‍वन धाःसा यहूदीतय्‌गु निंतिं ग्‍वाहालि व छुत्‍कारा मेगु थासं हे वइ। छ व छिमि बौया सन्‍तान धाःसा नाश जुयावनी। सुनां स्‍यू धकाः थज्‍याःगु ईया लागिं हे छ रानी जूगु खः ला की?”

भजनसंग्रहया सफू 94:16

दुष्‍टतय्‌गु विरोधय् जिनापं सु दनी? मभिंगु ज्‍या याइपिनिगु विरोधय् जिगु निंतिं सु दनी?

हितोपदेश 16:7

परमप्रभुयात लय्‌ताय्‌कल धाःसा छिमिसं थः शत्रुतय्‌तनापं पासा दय्‌के फइ।

यर्मिया 26:11

अले पुजाहारीत व अगमवक्तातय्‌सं हाकिमत व फुक्‍क मनूतय्‌त थथे धाल, “थ्‍व मनूयात स्‍याये हे माः। छाय्‌धाःसा थ्‍व मनुखं थ्‍व शहरया विरोधय् अगमवाणी ल्‍हाःगु दु। थ्‍व छिमिसं थःगु हे न्‍हाय्‌पनं न्‍यने धुंकल।”

यर्मिया 34:10

उकिं थ्‍व बाचाय् दुथ्‍याःपिं हाकिमत व मनूत सकसिनं थःथः दास दासीयात स्‍वतन्‍त्र यानाबीगु व हाकनं दास मदय्‌केगु खँ स्‍वीकार यात। इपिं मानय् जुल अले इमित स्‍वतन्‍त्र यानाबिल।

यर्मिया 36:19

अले हाकिमतय्‌सं वयात धाल, “छ व यर्मिया निम्‍हं वनाः सुला च्‍वँ! छिपिं गन दु धकाः सुनानं मसीमा।”

यर्मिया 36:25

एल्‍नातान, दलायाह व गमर्याहं जुजुयात उपिं भ्‍वंया थू छ्वय्‌कादी मते धकाः बिन्‍ति याःसां वं इमिगु खँ मन्‍यन।

यर्मिया 37:15

हाकिमत यर्मिया खनाः तंचाल, अले वयात दाये फक्‍व दायाः छ्यान्‍जे जोनाथनया छेँय् कुनातल। छाय्‌धाःसा इमिसं उगु छेँयात झ्‍यालखाना दय्‌कूगु खः।

मत्ती 27:54

थथे भ्‍वखाय् ब्‍वःगु व अन जूगु फुक्‍कं खनाः येशूयात पिवाः च्‍वंपिं कप्‍तान व सिपाइँत फुक्‍कं ग्‍यात। अले थथे धाल – “धात्‍थें हे व ला परमेश्‍वरया काय् खः।”

लूका 23:41

झीत ला झीसं यानागु ज्‍या हे अपराध जूगुलिं थथे याना तल, अय्‌नं थ्‍व मनुखं ला छुं मभिंगु ज्‍या याःगु मदु।”

लूका 23:47

रोमी कप्‍तानं थथे जूगु खनाः परमेश्‍वरयात तःधंकाः थथे धाल – “धात्‍थें हे, थ्‍व मनू ला भिंम्‍ह खः।”

प्रेरित 23:29

इमिगु व्‍यवस्‍थायागु खँय् थथे ल्‍वापु जूगु जुयाच्‍वन। स्‍याये हे माय्‌क व झ्‍यालखानाय् कुने माय्‌क थ्‍वं द्वंकूगु ला जिं छुं नं मखना।

प्रेरित 23:9

अले अन तसकं खलबल जुल। फरिसीतय् शास्‍त्रीतय्‌सं दनाः सदुकीतय्‌त न्‍यंकाः थथे धाल – “जिमिसं ला थ्‍व मनूयागु छुं हे दोष मखना। थ्‍व मनूयात आत्‍मां व स्‍वर्गदूतं हे नवाकूगु जुइमाः।”

प्रेरित 25:25

ज्‍यान सजाँय बीमाय्‌क वं अथे द्वंकूगु जिं छुं हे लुइके मफुत। वं कैसरयात बिन्‍ति याःगुलिं जिं वयात अन हे छ्वयेगु मतिइ तयागु दु।