यर्मिया 26:15 - नेवाः बाइबल

¹⁵ तर थ्‍व खँ छिकपिन्‍सं पक्‍का सीकाति जितः स्‍यानादिल धाःसा थःके, थःगु शहरय् व थनच्‍वंपिं मनूतय्‌के दोष मदुम्‍हय्‌सिगु हिया दोष हइ, छाय्‌धाःसा परमप्रभुं हे थ्‍व फुक्‍क वचन न्‍यंकेत जितः छिमिथाय् छ्वयाहयादीगु खः।”

यर्मिया 26:15 ပူးပေါင်းရင်းမြစ်များ

उत्‍पत्ति 4:10

परमप्रभुं धयादिल, “छं थ्‍व छु यानागु? छिमि किजायागु हिं जितः बँ दुनें सः बियाच्‍वंगु दु।

उत्‍पत्ति 42:22

रूबेनं धाल, “जिं वयात छुं याये मते धयागु मखु ला? छिमिसं जिगु खँ न्‍यँ हे मन्‍यं। आः झीसं वयागु हिया मू पुलेमाल, मखु ला?”

२ राजा 24:4

मनश्‍शें निर्दोष मनूतय्‌गु हिं यरूशलेमयात जाय्‌काब्‍यूगु खः। अले परमप्रभुं क्षमा बी मास्‍ति वयेकामदी।

२ इतिहास 24:22

जुजु योआशं जकरियाया बाः यहोयादां थःत याःगु दया ल्‍वःमंकाः वया काय् जकरियायात स्‍याकेबिल। सीगु इलय् वं थथे धाल, “छिमिसं छु यानाच्‍वंगु खः, व परमप्रभुं खनेमा अले छन्‍त सजाँय बियादी।”

हितोपदेश 6:16

परमप्रभुं खुता खँयात घृणा यानादी, न्‍हय्‌ता खँ वय्‌कःयात तसकं मयः।

हितोपदेश 6:17

घमण्‍ड याइगु मिखा मखुगु खँ ल्‍हाइगु मे निर्दोषपिन्‍त स्‍याइगु ल्‍हाः

यर्मिया 2:30

“छिमि मनूतय्‌त मफतय् जिं सजाँय बिया, भिंकेगु जिगु शिक्षायात इमिसं नाला मका। क्‍वाप्‍प नइम्‍ह सिंहं थें छिमि अगमवक्तातय्‌त छिमिसं स्‍याःगु दु।

यर्मिया 2:34

छंगु वसतय् स्‍वजापिं चीमितय्‌गु हिया दाग दु। डाँकातय्‌गु हिया दाग ला मखु। थ्‍व फुक्‍क जुइ धुंकाः नं,

यर्मिया 22:17

“तर छंगु मिखा व नुगः ला बेइमान यानाः कमय् यायेगुपाखे, व दोष मदुपिनिगु हिबाः वय्‌केगु, अत्‍याचारया ज्‍या यायेगु व लुतय् यायेगुपाखे हे वनाच्‍वंगु दु।”

यर्मिया 22:3

परमप्रभुं थथे धयादी – खःगु व पाय्‌छिगु ज्‍या या! लुतय् याकाच्‍वंम्‍ह मनूयात अत्‍याचारीया ल्‍हातं बचय् या! परदेशी, मांबौ मदुपिं व भाःत मदुपिन्‍त क्‍वत्‍यके बी मते! थ्‍व थासय् दोष मदुपिनिगु हिबाः वय्‌केबी मते!

यर्मिया 26:12

अले यर्मियां फुक्‍क हाकिमत व फुक्‍क मनूतय्‌त धाल, “थ्‍व देगः व थ्‍व शहरया विरोधय् छिकपिन्‍सं न्‍यनादीगु फुक्‍क खँ अगमवाणी ल्‍हायेत परमप्रभुं जितः छ्वयाहयादीगु हे खः।

यर्मिया 30:1

परमप्रभुपाखें यर्मियायाथाय् वःगु वचन थ्‍व हे खः,

यर्मिया 7:6

छिमिसं विदेशी, मां बौ मदुपिं व भाःत मदुपिं मिस्‍तय्‌त क्‍वमत्‍यल धाःसा वा थ्‍व थासय् दोष मदुपिन्‍त मस्‍यात धाःसा अले थःत स्‍यंकीपिं मेपिं द्यःतय्‌त पुजा यायेगु त्‍वःतल धाःसा,

गन्‍ती 35:33

“‘छिमिसं थः च्‍वनेगु थाय् अशुद्ध याये मते। हिं देशयात अशुद्ध याइ। हिया प्रायश्‍चित यायेत हि बाः वय्‌कूम्‍ह मनूयागु हि हे माः।

मत्ती 26:25

वय्‌कःयात ज्‍वंकीम्‍ह यहूदां नं न्‍यन – “छिं जितः हे धयादियागु ला मखु ला प्रभु?” अले वय्‌कलं धयादिल – “खः, छं थःम्‍हं हे धाल।”

मत्ती 26:4

अले इमिसं वय्‌कःयात गथे यानाः ज्‍वनाः स्‍यायेगु धकाः ग्‍वसाः ग्‍वल।

प्रेरित 7:60

अले पुलिं चुयाः तःसलं हालाः धाल – “प्रभु, इमिसं यानाच्‍वंगु पाप क्षमा यानादिसँ।” थुलि धयाः व सित।

व्‍यवस्‍था 19:10

परमप्रभु छिमि परमेश्‍वरं छिमित सर्बयकथं बियादीगु देशय् द्वं मदुपिं मनूतय्‌गु हिबाः मवयेमा धकाः अले छिमित उकिया दोष मलायेमा धकाः छिमिसं थथे या।

प्रकाश 16:6

छाय्‌धाःसा छितः विश्‍वास याःपिं मनूतय्‌त व अगमवक्तातय्‌त स्‍याःपिं थुपिं हे खः। उकिं छिं थुमित हि त्‍वंकादिल। इपिं थथे हे यायेमाःपिं खः।”