यर्मिया 25:8 - नेवाः बाइबल

⁸ उकिं दक्‍व शक्ति दुम्‍ह परमप्रभुं थथे धयादी, “छिमिसं जिं धाःगु खँ मन्‍यंगुलिं,

यर्मिया 25:8 ပူးပေါင်းရင်းမြစ်များ

२ इतिहास 24:19

तर इमित थःथाय् हे लित हयेत परमप्रभुं अगमवक्तात छ्वयादिल। उपिं अगमवक्तातय्‌सं इमिगु दोष क्‍यनाबिल अय्‌नं इमिसं अगमवक्तातय्‌गु खँ मन्‍यं।

यशैया 42:24

सुनां याकूबयात लुतय्‌ याकेत अले इस्राएलयात लुतय् याइपिनिगु ल्‍हातय् तयाबिल? वय्‌कः व हे परमप्रभु खः सुया विरोधय् झीसं पाप यानागु खः। वय्‌कःया इच्‍छा कथं मनूतय्‌सं थःगु जीवन हनेगु इच्‍छा मयाः। वय्‌कलं बियादीगु नियम मानय् मयाः।

यर्मिया 19:15

“दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी, ‘स्‍व, जिं थःम्‍हं हे थ्‍व शहरय् व थुकिया लिक्‍क लाःगु गांगामय् जिं धयागु फुक्‍क विपत्तित हये, छाय्‌धाःसा इमिसं जिराहा जुयाः जिगु वचन मानय् मयाः।’”

यर्मिया 22:21

छन्‍त सुख जुयाच्‍वंबलय् हे जिं छन्‍त ख्‍याच्‍वः बियागु खः। तर छं जिं न्‍यने मखु धाल। थ्‍व ला ल्‍याय्‌म्‍हबलय् निसेंया छंगु बानी खः, छं जिगु खँ न्‍यंगु मदु।

यर्मिया 25:7

परमप्रभुं धयादी “अय्‌नं छिमिसं जिगु खँ मन्‍यंसे थःगु ल्‍हातं दय्‌कूगु मूर्तिं जितः तंचाय्‌कल गुकिं यानाः छिमिगु हे मभिं जुल।”

यर्मिया 25:9

स्‍व, जिं थःम्‍हं हे उत्तरयापिं फुक्‍क मनूतय्‌त व जिम्‍ह दास बेबिलोनयाम्‍ह जुजु नबूकदनेसरयात सःताहये,” परमप्रभुं धयादी। “जिं इमित थ्‍व देश व थनच्‍वंपिं मनूतय्‌गु विरोधय् व जःखः च्‍वंगु जातिया विरोधय् हये। जिं इमित भज्‍यंक नाश यानाबी। मनूत इमित खनाः वातां जुइ, अले इमित हेस्‍याइ। उलि जक मखु, थ्‍व फुक्‍क देश सदां झिजांमिजां जुयाच्‍वनी।

यर्मिया 29:19

छाय्‌धाःसा इमिसं जिगु खँ बांलाक मन्‍यन,” परमप्रभुं धयादी। “गुगु वचन जिं थः दासत अगमवक्तातपाखें बारम्‍बार इमिथाय् छ्वयागु खः। छिपिं यरूशलेमं ज्‍वनाः बेबिलोनय् यंकूपिन्‍सं नं ध्‍यान बियाः मन्‍यं,” परमप्रभुं धयादी।

जकरिया 1:4

छिपिं थः पुर्खा थें जुइ मते। न्‍हापायापिं अगमवक्तातय्‌सं इमित थथे धाःगु खः – दक्‍व शक्ति दुम्‍ह परमप्रभुं थथे धयादी, ‘छिपिं थःपिनिगु मभिंगु बानी व मभिंगु ज्‍याखँ त्‍वःता जिथाय् वा।’ अय्‌नं इमिसं जिगु खँ मन्‍यं, परमप्रभुं घोषणा यानादी।