यर्मिया 25:5 - नेवाः बाइबल

⁵ इमिसं धाल, ‘आः छिपिं सकसिनं थथःगु मभिंगु पहःचहः व मभिंगु ज्‍या त्‍वःति, अले जक छिपिं परमप्रभुं छिमि पुर्खातय्‌त शुरुंनिसें न्‍ह्याबलेंया लागि बियादीगु देशय् च्‍वने फइ।

यर्मिया 25:5 ပူးပေါင်းရင်းမြစ်များ

उत्‍पत्ति 17:8

जिं छन्‍त व इमित छ आः च्‍वंवयाच्‍वंगु कनानया फुक्‍क बँ सदां सदांया लागि बी। अले जि इमि परमेश्‍वर जुइ।”

भजनसंग्रहया सफू 139:24

जिके गनं मभिंगु खँ दुसा क्‍यनादिसँ। अले जितः सदांया लँपुइ यंकादिसँ।

भजनसंग्रहया सफू 37:27

मभिंगु ज्‍या त्‍वःति, भिंगु ज्‍या या। छिपिं न्‍ह्याबलें परमेश्‍वरं बियादीगु देशय् च्‍वने खनि।

यशैया 1:16

छिपिं थःम्‍हं थःत सिलाः शुद्ध या। जिं खनागु पाप ज्‍या छिमिसं यायेगु त्‍वःताछ्व। मभिंगु ज्‍याखँ त्‍वःति।

यर्मिया 17:25

दाऊदया सिंहासनय् च्‍वंपिं जुजुपिं थः भारदारतनापं थ्‍व शहरया ध्‍वाखात जुयाः दुहां वइ। इपिं व इमि भारदारत रथ व सल गयाः यहूदायापिं मनूत व यरूशलेमयापिं मनूतनापं थ्‍व शहरया ध्‍वाखां वयेगु वनेगु याइ। अले थ्‍व शहर न्‍ह्याबलें दयाच्‍वनी।

यर्मिया 18:11

“उकिं आः छं यहूदायापिं मनूत व यरूशलेमयापिं मनूतय्‌त थथे धा, ‘परमप्रभुं थथे धयादी – स्‍व, जिं छिमिगु विरोधय् विपत्तिया योजना दय्‌का च्‍वनागु दु। उकिं छिपिं सकसिनं थःपिन्‍सं यानाच्‍वनागु मभिंगु ज्‍यायात त्‍वःति, थःगु पहःचहः व थःगु ज्‍या भिंकि।’

यर्मिया 35:15

जिं तःकः मछि हे थः दास अगमवक्तातय्‌त छिमिथाय् छ्वयाहया। इमिसं धाल, “छिपिं सकसिनं मभिंगु ज्‍या त्‍वःतेमाः, थथःगु पहःचहः व ज्‍यायात भिंकेमाः अले मेपिं द्यःतय्‌गु ल्‍यू वनाः इमित आराधना याये मते। अले जक छिपिं जिं छिमि पुर्खातय्‌त बियागु देशय् च्‍वने दइ।” तर छिमिसं जिगु खँय् ध्‍यान मबिल वा जिगु खँ मन्‍यन।

यर्मिया 4:1

परमप्रभुं धयादी, “हे इस्राएलयापिं मनूत, छिपिं लिहां वये मास्‍ति वःसा जिथाय् लिहां वा। छिमिसं थःगु घच्‍चाइपुगु मूर्तित जिगु न्‍ह्यःनं चीकाछ्वल धाःसा अले हाकनं मखुगु लँय् मवन धाःसा,

यर्मिया 7:7

जिं छिमित थ्‍व थासय्, छिमि पुर्खातय्‌त न्‍ह्याबलेंया लागि च्‍वनेत बियागु थ्‍व देशय् च्‍वनेबी।

इजकिएल 18:30

“अथे जुयाः अय् इस्राएलया घराना, जिं छिपिं छम्‍ह छम्‍हय्‌सिगु न्‍याय वयागु पहःचहःकथं याये, जि, परमप्रभु परमेश्‍वर न्‍ववानागु दु। पस्‍ताय् चा, थःगु फुक्‍क अपराधपाखें लिहां वा, अले छिमिगु पाप छिमिगु पतनया कारण जुइ मखु।

इजकिएल 33:11

उकिं छं इमित थथे धा, ‘गथे जि धात्‍थें म्‍वाःम्‍ह खः, जि, परमप्रभु परमेश्‍वर न्‍ववानागु दु, मभिंपिं मनूत सीगु खनाः जि लय्‌ताय् मखु, तर इमिसं थःगु मभिंगु पहःचहः त्‍वःताः इपिं म्‍वाःगु जितः स्‍वयेमास्‍ति वः। थःगु मभिंगु पहःचहः त्‍वःति! अय् इस्राएलया घराना छिपिं छाय् सीगु?’

होशे 1:7

अय्‌नं जिं यहूदाया घरानायात माया याये। इमिगु उद्वार धनुष, तरवार, लडाइँ व सलगइपिंपाखें मखु, तर परमप्रभु इमि परमेश्‍वरपाखें याये।”

प्रेरित 26:20

जिं थ्‍व खँ दकलय् न्‍हापालाक दमस्‍कसय् च्‍वंपिन्‍त न्‍यंका। अले यरूशलेम व यहूदियाय् न्‍यंकं व यहूदीमखुपिन्‍त नं थथःगु पापं लिचिलाः परमेश्‍वरयाथाय् लिफः स्‍वयाः वा धकाः न्‍यंका। अले थःम्‍हं पश्‍चाताप यानागु ज्‍यां नं क्‍यँ धकाः नं धया।