यर्मिया 25:36 - नेवाः बाइबल

³⁶ फैजवाःत पिच्‍याना हाःगु सः न्‍यँ, अले बथांया नायःत ख्‍वःगु सः न्‍यँ। छाय्‌धाःसा परमप्रभुं इमिगु ख्‍यः नाश यानादीगु दु।

यर्मिया 25:36 ပူးပေါင်းရင်းမြစ်များ

यर्मिया 18:22

छिं आकाझाकां हमला याइपिं सिपाइँत हयादीबलय् इमिगु छेँनं ख्‍वःगु सः ताये दयेमा। छाय्‌धाःसा जितः ज्‍वनेत इमिसं छगू गाः म्‍हूगु दु, अले जिगु तुतिया निंतिं जाः ह्वःगु दु।

यर्मिया 25:34

“बिलाप या! अय् फैजवाःत, ख्‍व! छिपिं बथांया नायःत, धुलय् ग्‍वारा ग्‍वारा तु! छाय्‌धाःसा छिमित पालाः स्‍याइगु ई थ्‍यंकः वःगु दु। छिपिं ग्‍वतुली अले जिं भिंगु थलयात थें छिमित चुंचुं याये।”

यर्मिया 25:35

उबलय् फैजवाःतय्‌त शरण कायेगु थाय् दइ मखु। बथांया नायःतय्‌गु निंतिं बिस्‍युं वनेगु थाय् दइ मखु।

यर्मिया 25:37

अले परमप्रभु तंम्‍वयादीगुलिं शान्‍त ख्‍यः नाश जुइ।

यर्मिया 4:8

अथे जुयाः भांग्राया वसः फ्‍यु। ह्वाँय्‌ह्वाँय् ख्‍व, छाय्‌धाःसा परमप्रभु आः तक नं झीपिं खनाः तंचायाच्‍वनादीगु दु।

जकरिया 11:3

फैजवाःतय्‌गु ख्‍वःसः न्‍यँ छाय्‌धाःसा इमिगु फै ज्‍वयेगु ख्‍यः नाश जूगु दु। सिंहत गर्जय् जूगु सः न्‍यँ, छाय्‌धाःसा यर्दन खुसिया जःखः च्‍वंगु झाः नाश जूगु दु।