यर्मिया 25:34 - नेवाः बाइबल

³⁴ “बिलाप या! अय् फैजवाःत, ख्‍व! छिपिं बथांया नायःत, धुलय् ग्‍वारा ग्‍वारा तु! छाय्‌धाःसा छिमित पालाः स्‍याइगु ई थ्‍यंकः वःगु दु। छिपिं ग्‍वतुली अले जिं भिंगु थलयात थें छिमित चुंचुं याये।”

यर्मिया 25:34 ပူးပေါင်းရင်းမြစ်များ

२ इतिहास 36:10

बसन्‍तया इलय् नबूकदनेसर जुजुं यहोयाकीनयात ज्‍वनाः देगःया मू वंगु सामाननापं बेबिलोनय् यंकल। अले नबूकदनेसरं वया कका सिदकियाहयात यरूशलेमया व यहूदाया मेगु फुक्‍क थाय्‌या जुजु दय्‌कल।

भजनसंग्रहया सफू 2:9

छं नँया दण्‍डीं इमित शासन याइ, छं इमित चाया थलयात थें तछ्याइ।’”

यशैया 10:12

परमप्रभुं सियोन पर्वत व यरूशलेमया विरोधय् थःगु फुक्‍क ज्‍या यानादी धुंकाः वय्‌कलं धयादी, “जिं अश्‍शूरया जुजुया नुगःया तःधंसू व घमण्‍डी मिखाया निंतिं सजाँय बी।

यशैया 2:16

वय्‌कलं दक्‍वसिबय् तःधंगु व तसकं बांलाःगु जहाज थें च्‍वंपिं फुक्‍कसित नाश यानादी।

यशैया 30:14

कुमाःया थलयात चुंचुं यानाः तछ्याः थें इपिं नं कुचा कुचा दलाः तज्‍याइतिनि, अनंलि इपिं कुचा दलाः भुतुलिं ह्यंग्‍वाः लिकायेत वा तुंथिं लः सालेत छगू धकाः नं कुचा ल्‍यं दइ मखु।”

यशैया 33:1

धिक्‍कार, छ नाश याइम्‍हय्‌सित, गुम्‍ह थः हे नाशय् लाःगु मदुनि! धिक्‍कार, छ विश्‍वासघातीयात, सुयात मेपिं सुनानं विश्‍वासघात याःगु मदुनि! गुबलय् छं नाश यायेगु दिकी, उबलय् छन्‍त नं नाश यानाछ्वइ। गुबलय् छं विश्‍वासघात यायेगु दिकी उबलय् छन्‍त नं विश्‍वासघात याइ।

यशैया 34:6

परमप्रभुया तरवार हिइ थुंगु दु। व दाःनं जाःगु दु, भ्‍याःचा व च्‍वलय्‌तय्‌गु हिलय्, फैतय्‌गु जलासेँया दाकय् थुंगु दु। छाय्‌धाःसा परमप्रभुं थ्‍व बलि बोज्राया शहरय् छायादी, अले वय्‌कलं एदोमया लागाय् यक्‍व स्‍यायेगु पालेगु यानादी।

यशैया 34:7

तसकं बल्‍लाःपिं मनूत नं गुँ द्वहंत थें, द्वहंचात व बबल्‍लाःपिं द्वहंत थें क्‍वदली। इमिगु देशय् हिया हि जुइ अले इमिगु जमिन दाःनं जाइ।

यर्मिया 18:22

छिं आकाझाकां हमला याइपिं सिपाइँत हयादीबलय् इमिगु छेँनं ख्‍वःगु सः ताये दयेमा। छाय्‌धाःसा जितः ज्‍वनेत इमिसं छगू गाः म्‍हूगु दु, अले जिगु तुतिया निंतिं जाः ह्वःगु दु।

यर्मिया 22:28

छु! थ्‍व मनू यहोयाकीन छगः सुनां वास्‍ता मयाःगु वांछ्वयातःगु तज्‍याःगु थल खः ला? छाय् वयात वया काय्‌म्‍ह्याय्‌पिंनापं इमिसं म्‍हमस्‍यूगु देशय् वांछ्वयाबीगु?

यर्मिया 23:1

परमप्रभुं धयादी, “जिगु ख्‍यःयापिं फैतय्‌त नाश यानाच्‍वंपिं व छ्यालब्‍याल यानाच्‍वंपिं फैजवाःतय्‌त धिक्‍कार दु।”

यर्मिया 25:12

“तर न्‍हयेदँ फुइ धुंकाः जिं बेबिलोनया जुजु व वयागु जातियापिं मनूत व बेबिलोनीतय्‌त इमिगु दोषया निंतिं सजाँय बी अले व देशयात न्‍ह्याबलेंया निंतिं झिजांमिजां दंगुथाय् यानाबी,” परमप्रभुं धयादी।

यर्मिया 25:23

ददान, तेमा व बूज व ताताःपाःगु थाय् च्‍वंपिं सकसितं,

यर्मिया 25:36

फैजवाःत पिच्‍याना हाःगु सः न्‍यँ, अले बथांया नायःत ख्‍वःगु सः न्‍यँ। छाय्‌धाःसा परमप्रभुं इमिगु ख्‍यः नाश यानादीगु दु।

यर्मिया 27:7

वयागु थःगु जाति पतन जुइगु ई मवतले थ्‍व फुक्‍क जातिं वयागु, वया काय्‌यागु व वया छय्‌यागु सेवा याइ। अनंलि यक्‍व जाति व ततःधंपिं जुजुपिन्‍सं वयात थःगु बसय् तइ।

यर्मिया 3:19

“जिं मनमनं धया, “‘हे इस्राएल, जिं छिमित थः मस्‍त दय्‌केगु व छगू सुख हे सुख जुइगु, संसारया दकलय् बांलाःगु देश बीगु बिचाः यानागु खः।’ जिं छिमिसं जितः अबु धाइ, अले जिगु ल्‍यू जुइगु त्‍वःती मखु धकाः मतिइ तयागु खः।

यर्मिया 48:26

“मोआबयात कय्‌कि, छाय्‌धाःसा वं परमप्रभुया विरोध याःगु दु। मोआब थःम्‍हं ल्‍ह्वःगुलिइ हे ग्‍वारा ग्‍वारा तुलेमा। मनूतय्‌सं वयात हेस्‍याय्‌मा।

यर्मिया 48:38

मोआबया छेँया फुक्‍क कःसि कःसिइ व चुक चुकय् ख्‍वःसः बाहेक मेगु छुं नं मदु, छाय्‌धाःसा सुयातं मयःगु थल थें जिं मोआबयात तछ्यानाबियागु दु,” परमप्रभुं धयादी।

यर्मिया 50:27

वया फुक्‍क द्वहंचात स्‍यानाब्‍यु! उपिं स्‍याइगु थासय् यंकेमाः! इमित धिक्‍कार दु! छाय्‌धाःसा इमिगु दिं वःगु दु। इमित सजाँय बीगु ई थ्‍यंकः वल।

यर्मिया 6:26

हे जिमि मनूत, भांग्राया वसः फिनाः नउलय् ग्‍वारा ग्‍वारा तु। याकः काय्‌या लागि ख्‍वय् थें हे ह्वाँय्‌ह्वाँय् ख्‍व। छाय्‌धाःसा नाश याइम्‍ह झीथाय् आकाझाकां वइ।

विलाप 4:21

हे ऊजय् च्‍वंम्‍ह म्‍ह्याय् एदोम, लसता हँ! अले न्‍ह्यइपुकि, तर व ख्‍वल्‍चा छन्‍त नं बी। छन्‍त लगय् जुइ, अले छन्‍त नाङ्‌गा याइ।

इजकिएल 34:20

“‘उकिं जि परमप्रभु परमेश्‍वरं इमित थथे धाये – स्‍व! जिं थःम्‍हं हे ल्‍ह्वंपिं ल्‍ह्वंपिं व गंसि गंसिपिं फैतय्‌गु दथुइ न्‍याय याये।

दानिएल 11:8

वं इमि नँयागु द्यःया मूर्तित, लुँ व वहःयागु थीके-थीकेगु थलबल लाकाकयाः मिश्रय् यंकी। छुं दँ तक वं उत्तरयाम्‍ह जुजुयात हमला याइ मखु।

होशे 8:8

इस्राएलयात नुनाछ्वल, व जात-जातियापिं मनूतय्‌गु दथुइ ज्‍यागलय् मजूगु थल थें जुल।

आमोस 5:11

छिमिसं मगाःमचाःपिन्‍त क्‍वत्‍यला च्‍वन, इमिगु अन्‍न लुतय् यानाच्‍वन। अथे जुयाः ल्‍वहंया ततःखाःगु छेँ छिमिसं दय्‌कूसां छिपिं उकी च्‍वने दइ मखु। छिमिसं लहलह वइगु दाखमा प्‍यूसां छिमिसं उकियागु दाखमद्य त्‍वने खनी मखु।

जकरिया 10:3

“जिगु तं फैजवाःतय्‌के लाइ। जिं नायःतय्‌त सजाँय बी। दक्‍व शक्ति दुम्‍ह परमप्रभुं थःगु बथां, यहूदाया घरानायात स्‍वयादी। अले वय्‌कलं इमित लडाइँलय् छम्‍ह घमण्‍डी सल थें यानादी।

जकरिया 11:3

फैजवाःतय्‌गु ख्‍वःसः न्‍यँ छाय्‌धाःसा इमिगु फै ज्‍वयेगु ख्‍यः नाश जूगु दु। सिंहत गर्जय् जूगु सः न्‍यँ, छाय्‌धाःसा यर्दन खुसिया जःखः च्‍वंगु झाः नाश जूगु दु।

याकूब 5:5

थ्‍व संसारय् छिमिसं मोजमज्‍जा यानाच्‍वंगु दु। न्‍याय याइबलय् सीगु दिनया लागि छिमिसं थःपिन्‍त ल्‍ह्वंका च्‍वन।